Ask @hudaaldigs:

كيف بتتعاملوا مع شخص كتوم؟

في فرق بين شخص كتوم ! وانا كتوم لاني مش واثق فيك .
الشخص لما يشوف الآمان ما أتوقع يضل كتوم ،
حاول تحسسه بالاماان وتكون جنبه مش حيكون كتوم ، حاول تشاركه يومك وتفضفضله حتلاقيه بسرعة بحكيلك كلشي بصير معه .
نيجي للفئة التانية : انا كتوم لاني خايف من الطرف التاني ما يعطي الشي اللي جواتي حقه أو يحسسني انه الشي اللي جواتي تافه .
بنفس الوقت لازم الشخص يكون في بحياته تقريباً 40% درجة من السرية ف لو ما بفضفضلك كتير حاول ما تضغط عليه .

View more

حكي لطيف 🖤🌚🥀

Mohammed Tawalibuh
أنتَ لا تفهم الأمر على حقيقته، أنا لا يُخيفني الفشل ولا ضياع الجهود سُدى. لا يعنيني في نهاية الأمر أن لا أُحقق شيئًا، ليس هكذا تُقاس الأشياء عندي! لكن ما يرعبني حقًا اختفاء الرغبة، أن أستيقظ يومًا فأجد هذا الشعور في صدري قد انطفأ، هل تعرف مالذي يعنيه هذا الشعور لشخصٍ مثلي؟ أن يتلاشى وهج الرغبة، وأن أنظر للأشياء حولي ولا أشعر بشيء.. أنا لا يهمني أن يراني الناس كناجحٍ أو فاشل، عالمي بأكملهِ يدور داخل عقلي، معاركي أخوضها في هذا العالم الذي يخصّني وحدي، لكن إن رأيتني يومًا مُنطفئًا كموقد مهجورٍ لا أشعر بشيء، فهذا هو انتهاء الحياة بالنسبة إليّ .

View more

إحگِ ♥️..

Omar Allan
لمّا تصفن شوي بمشاكل الناس اللي حواليك بتعرف أنه مشكلتك اللي بتمرق فيها بظرف يومين ؛ شهر ؛ سنة اهون بكثير من أنها تكون مشكلة أبدية..
الفكرة مو أنّه تستخف بمشكلتك ؛ على قد ما أنك تسعى تلاقيلها حل لأنه بأيدك ؛ على عكس غيرك..
اللي بيسعى أنه يخفف وزنه ؛ مشكلته مو تافه " هي مشكلته الوحيدة الأخف القادر أنه يظهرلك ياها "
زميلك بالجامعة اللي مدقر على المادة اللي أنت متفوق فيها مو فاشل وما بيستحق يكون بهالفرع ؛ احنا قدراتنا مختلفة ؛ الله ميّز كل حدا فينا بشي ما قدر غيره يمتلكه..
الحزين المكتئب بسبب فشل تجربة معينة ، مو " شخص اهبل وانضحك عليه ؛ كذّب بمشاعره ؛ بالغ بعواطفه ؛ اختار غلط ؛ تسرّع ب قراره "
ما تعمل مقارنات وتعطي أحكام لمُجرّد بعلاقة مثالية ما فيها الظروف اللي مرق هو فيها..
اللي بعاني من التأتأة نادراً كثير ما يحكي ؛ حاول بالمرات القليلة اللي بيحكي فيها تستوعب منيح ؛ ما تحرجه بحجة أنك ما فهمت..
اللي ذوقه باختيار الملابس بعيد تماماً عن ذوقك بسبب الفقر مثلاً أو أياً كان السبب ، مو مطلوب منك تعطي رأيك كل ما شفته ؛ المجاملة بعيدة تماماً عن الكذب والنفاق ، أبسط شي قادرين نعمله لنفرّح قلب حدا هو الكلمة اللطيفة اللي بتروقه خلال يومه..
اللي أسنانه الأمامية ما بساعدوه يمتلك ابتسامة حلوة ما ضروري لما يتبسم بالسنة مرة تصفن وتتأمل فيهم..
في مشاكل كثيره عند غيرنا احنا صعب نستوعبها ع قد ما بنشوفها تافهة ؛ تخيل أنّك ما بتحب تبتسم قدام الغريب وما فيك تحكي أو تجتمع مع ناس جداد لأنك خايف من مظهرك يكون أقل منهم..
يمكن أصعب شي ما يكون الله رازقنا ياه هو القدرة على الانبهار بالشي البسيط اللي قدامنا
والقلب الصافي اللي قادر صاحبه يشوف كل شي قدامه بصورة حلوة..
إذا ما عندك القدرة تكون لطيف ؛ ما تحكي💙

View more

Next