اصعب شعور هو تغير المشاعر، فكرة أن الأيام تاخد أقرب ناس وتخليهم الأبعد، أنا بتأخر جدا على ما بستوعبها، حتى لما ببعد بفضل مش مصدق أحنا إزاي بقينا كدة، هما دول اللى كنا بنضحك ونحزن ونشتكي معاهم؟! بشعة فكرة أن القريبين مننا يبقوا أغراب فى يوم!
يوم عرفة ♥️♥️♥️"اللهُم في هذا اليوم الفضيل أجعل كل ما يتمناهُ قلبي تراهُ عيني ، اللُهم أستجب لي كل ما أعجز عن قولهِ ، وإني يارب في انتظار عطاياك المبهجة وكلي ثقة بأنك الكريم الذي لا يرد عبده ، اللهُم عليكَ بما في قلبي و أنتَ أعلم مابه ، إنك على كل شيء قدير."
كُل حاجة وليها وقت، واِختيارك للوقت الصح مُهم جدًا، وقت العِتاب، وقت الكلام، وقت الاِعتراف، وقت الصبر، وقت البُعد، كُل حاجة من دول لو مجتش ف وقتها مش هيبقى ليها لازمة، فربنا يرزُقنا حُسن التَصرُّف وحُسن اِختيار التوقيت.
حسن الظن بالله واليقين القوي به هو إنك تبقى مصدق إن الغيب كله خير ليك حتى لو كان متعارض مع اللي بتمر بيه.. فاللهم أرزقنا حسن الظن بك وحسن التوكل عليك.💙
نصيحتى الاولى في عامي الجديد.. متبقاش شخص غشيم ومُفرط في كُل حاجة، سواء مشاعر أو أسرار أو حتى جدعنة وطيبة، خلّي كُل حاجة بمقدار عشان متطمعش الناس فيك، الوسطية حلوة في كُل حاجة، حب بس بحذر، استجدع مع اللي يستحق، ضحي للي يستاهل، خلّي دايمًا خطوتك محسوبة، ومش عيب إنّك تفكر مرة واتنين في الحاجة قبل ما تعملها👏🏻
كُلّنا بنتمنّى إن اللي جاي يبقى أخف علينا من اللي راح، ومش عايزين وجع قلب ولا فُراق تاني، لإننا مش حِمل زعل ولا قلوبنا هتتحمل صدمة جديدة، كُل اللي نفسنا فيه إننا نعيش في هدوء وراحة بال ونشوف الناس اللي بنحبها كويسة وبخير.🌻