حالياً انا حابب ابعد عن الطب حابب اشوف المجالات التانية
هو أنا غالباً لحد هنا مش هعرف أضيف جديد إلا إذا كان ليك اهتمامات أو هوايات تانية زي الجرافيكس مثلا أو الرسم، أو العمارة أو كده فلو ليك قولي عليهم، أما غير كده ف هطلب منك إنك تمسك ورقة وتحط كل الكليات الي متاح ليك أو الي في إمكانية تدخلهم، واتكلم مع ناس من الكليات دي يفيدوك من خبراتهم لإنها بتفرق جداً النظرة من واحد بيسمع عن الكلية من كلام الناس وواحد دخلها واختبرها، وجرب تحطهم وتشتغل تحط لكل واحدة منهم زي نقطة كده كل لما تلاقي ميزة، ورجح الكليات وصفيهم لحد ما تلاقي أكتر شيء مناسب ليك.
اناعايز لمااختار الكلية اختارحاجة بحبهاعشان اقدر ابدع فيها مش مُتقبل فكرةاستنى المجموع وع اساسه اختارالكليةمابحبش امشي فروتين وبدرس وبشتغل كده،فكرت ادخل قبل كده علاج طبيعي بس لقيت ان علاقتي بالفيزيا مش كويسه اوي،أنت بتحبي الفيزياوالماث ف ان شاء الله هتبدعي فمجالك،كلامك مُريح جداً قبل مكلمك كنت قلقان
الحمد لله، فكّرت في مجالات طبيّة تانية طيب؟ أسنان؟ بايوتكنولوجي؟ في قسم في جامعة زويل لو انت مش حابب تمارس الطب كمهنة بس حابب دراسته والبحث العلمي هو مكس صيدلة وطب وبايو على حد علمي اسمه بايوميديكال، أرجحه بشدة لو دماغك في كده، ولا حابب تبعد عن القسم الطبي كله أساساً؟
لو السؤال أطروحة عادية المفروض إني أجاوب ببساطة باه أو لا ف هقول لأ، لو عايز إجابة طويلة ومن جانب فلسفي شوية ف هطلب منك توضحه، وهقول إني هروح أنام وأصحى بكرة أجاوب عليه لإني فصلت لو أمكن:""D
عاوز أقول إن أسئلتك فيها من الجمال الكثير ، مُتشكر :"D
على الرغم من إنها قليلة وبالكاد بحس إن ليها أي لازمة لكن التعليق أسعدني جداً، على الرحب
لعاشركنت عايزادخل طب كان في تشجيع من اهلي و كنت بتفرج ع فيديوز وبرامج طب فكنت حابب المجال ده اوي بس فجأةكده الشغف الي جواياللمجال ده اختفى معرفش ليه بس بردو مش رافض الطب بحب الأحياءبس جسم الانسان مش الطبيعة والنبات بفضل الكيمياعن الفيزيا، سيبت نفسي فترة كبيرة فمش عارف ايه الحاجات الي بحبها لسه بكتشف
انت بتتكلم عني ولا إيه😂 طيب أنا كنت كده فعلاً، لحد آخر عاشر كنت كده جداً والي هو وش هدخل طب إن شاء الله ومن زمان وأنا ميولي ليها، وحتى كمحاولة من قريبتي إنها تكرهني فيها ودتني مستشفى الجامعة وهي معفنة جدا صراحةً، عشان تقولي إن طب مش نعيم سرمدي ومش كل الي انتي فاكراه دا، الكلام دا كان ف الاجازة الي قبل ١١، وفضلت متمسكة بيها برضو، أنا كمان بكره النباتات بكل قرفها، والحيوانات يعني شوية، وحرفياً بعشق جسم الإنسان ومعظم العلوم الي ف طب، بس هنيجي لنقطة الاختلاف إني اكتشفت بعد دخولي ثانوي إني محبتش حاجة ف حياتي اد حبي للفيزيا، والرياضيات كمان، ودا الي غيّر الدنيا عندي، بس انت معندكش الحاجة الي تبعدك عن المجال والي تحسسك إن المكان مش مكانك يعني، وعموماً موضوع الشغف دا اوفرريتد، طول ١١ أنا كنت بفكر في مجالات تانية مختلفة، فكرت ف هندسة طبية عشان هتخليني أشبع حبي للرياضيات والفيزيا والكهربا وكده، بالإضافة إني هكون في المجال الطبي برضو ودي الحاجة الي أنا كنت عايزاها، بس ف ١٢ شلت الفكرة من دماغي وشلت المجال الطبي برمته من دماغي وبدأت أوجّه اختياراتي لمجالات الفيزياء والرياضيات والميكانيكا ولكهربا وبس، الله أعلم الاختيار صح ولا غلط بس دا الي حصل. دلوقتي معاك سنة ما شاء الله طويلة، تقدر فعلا خلالها تكوّن صورة واضحة عن الطريق الي انت نفسك تكمل فيه، وأنا هقترح إنك تعيد تفكير في طب تاني، طب كلية عظيمة والله، بس محتاجة الي يقدرها والي يكون عنده استعداد يتعب فيها وعشانها، والي أنا طلعت بيه إني مينفعش أدخلها ب " أنا مش رفضاها " بل لازم أكون متقبلاها عشان مشوارها مش سهل، وحاول متشغلش بالك كتير بموضوع الشغف لإنه عمره ما هيستمر معاك علطول، لازم هتيجي وتلاقيه بيقل بل ممكن بيروح بس بيرجع يعني، كمل في الي انت فيه، اسمع من ناس في كل كلية ممكنة ومتستبعدش حاجة خالص، فكر في كل كلية من ناحية جوانب كتير انت مش بتدخل المجال بس عشان بتحبه، لازم تعتمد مبدأ ال big picture، تبص للشغل وهتحبه ولا لا، انت مش هتفضل تدرس طول حياتك، ممكن تدخل مجال مش حابب دراسته بس حابب شغله، ف دا هيكون أفضل من مجال حابب دراسته بس مش حابب شغله، بص للمكان الي هتقدر تجتهد فيه بنَفس أطول، بص للمواد ولفرص العمل، ومتضغطش نفسك ف التفكير عشان برضو متأثرش عليك لإن ١٢ سنة مهمة، بس حاول من وقت لوقت تتكلم مع ناس دخلت الكليات دي وتسمع تجاربهم، وتقرأ برضو وتشوف انت ممكن تدوس ف إيه أكتر، ونصيحة برضو أنا شوفت ناس وقعت في أخطاء إنها دخلت في نوبات اكتئاب بس عشان مش قادرين يحسموا قراراتهم في حين إن بجد الموضوع أبسط بكتير ف متاخدش الأمور بحساسية وتضيع سنتك قصاد انك محتار، القرار هيتاخد ف الآخر، وف النهاية، دا مش قرار حياة أو موت ف برّاحة على نفسك وخد وقتك، ومعرفش ليه كل الكلام دا بس يا ريت يكون فيه أي إفادة، ولو في أي حاجة اسأل أنا ف الخدمة.
هتابع ان شاء الله .. بحب الماث شوية .. حاولت اقبل كده اكتب التخصصات و اقعد اختار بس مالقتش نفسي ف اي تخصص
نفس الحالة هنا:'D أنا كنت ناوية على طب لحد فترة قريبة جداً من حياتي، بعدها حولت المسيرة بالكامل تقريباً ف ١٢، السنة دي فاصلة فعلاً، غيرت فيها كل حاجة كنت بفكر فيها، وللأسف عشان أنا حاسة إن كل حاجة حصلت بسرعة مش قادرة أحس أني مستقرة في المجال الي اختارته حتى، ف يمكن الي هقولهولك حالياً إنك متكررش الي عملته أنا لما الكل كان بيقولي جيبي المجموع بعدها فكّري لإنك هتضغط ومش هتعرف تختار صح، موضوع اختيار المجال لازم يكون في بالك نسبياً على مدار السنة، بس الرياضيات الي بتحبها؟ مفيش أي علوم مثلا؟ مفيش أي حاجات مميزة عندك بتحب تقضي وقتك فيها مثلا؟ أو أي هوايات جانبية حتّى، حاول تدّي معلومات يمكن من واقع إني لسه مخلصة مرحلة الاختيار دي أقدر أفيد.
لا انا 12 عايز احدد هدف و أسعى ليه عشان من غير هدف هتوه
همم، طيب بما إن في كذا حد كلمني الفترة الي فاتت ف أنا في غضون كام يوم كده هكتب كل حاجة أنا اتعلمتها ف ١٢ للي لسه داخلينها لو تقدر تتابع الكلام ابقى تابعه. غير كده، عندك أي ميول أو اهتمامات؟
مش عارف احدد الكلية حاسس نفسي تايه!😫
هو لسه في وقت لتحديد الكليّة دلوقتي؟ إيه خياراتك وإيه ميولك؟
Who's the one person that makes you laugh all the time?
my hookworm does, always.
هو مش انا اللي كنت بسالك من الاول، انا واحدة عيد ميلادها بكره بس، وبتعمل نان سينس تبدأ بيه سنتها الجديدة عشان مش كفاية النان سينس بتاع السنة كلها، فقشطة يعني، وانت طيبة
ايوه عارفة إنكم شخصين مختلفين، أنا كنت بقضّي يوم ميلادي على نفس الهيئة دي لفترة قريبة، ولحد دلوقتي مبحسش ف اليوم نفسه بشيء مميّز، بس ع الأقل طول سنتي مش بعمل " نان سينس" ، بلاش النظرة دي أرجوكي، حاولي تخلّي لحياتك قيمة، لنفسك قيمة، لأيامك المميزة قيمة، إنتي ليكي وجودك وليكي مكانتك وليكي إنجازاتك وأهدافك، صح ممكن ميكنش حوليكي الأفراد الي ممكن تحسسك بالأهمية دي، بس انتي لو حسيتي بيها هتخلي الكل غصب عنه يعترف بيها، دي سنة جديدة مش نان سينس جديد، سنة جديدة يعني تجارب جديدة وتحديّات جديدة ولحظة واحدة فيها ممكن تشقلبلك حياتك بكل الي فيها، خلي لأيامك ووقتك واللحظات الي بتعدّي أهميّة، عشانك صدّقيني، اقعدي مع نفسك، واوعديها إنك ترجعي السنة الجاية ف نفس اليوم دا وانتي شخصيّة أجمل وأنجح وأكثر حماساً للحياة من كده، واشتغلي على دا طول السنة، أنا موجودة لو محتاجة حد تكلميه وهكون سعيدة بجد، كل سنة وانتي بخير وبصحة وسلامة وإنتاجيّة ونهم، كما تقول صديقتي.