Ask @imousa0002:

Wo 😅😇🙃😤😳👩stellst du dir vor, in Zukunft zu leben?

في الحقيقه معنديش اهتمام كبير بالمكان ،يمكن انا مفكرتش بجديه ف الموضوع يعني ،بس بتمني اعيش في راحه ،وابقي مطمئن ،بعيد عن الخوف والملل ،غالبا مطلب زي ده مستحيل يتحقق ،الراحه المطلقه معتقدش انها تكون موجودة ،دايما بيكون فيه منغصات مؤقته ف وسط حياتك لو قُدّر ليك انها تكون سعيده يعني ف الاصل ،ويمكن اصلا الحياة عبارة عن عقبات مطلوب منك تتخطاها ،يمكن الخوض في الخطر هو اصل الحياه اصلا ،وان الراحه مجرد بريك ليك عشان تكمل تاني ،وحتي لو مكانش اصل الحياه ولا حاجه ،فانتماءاتك والمجتمع المحيط بيك بيحطوك ف قلب الخطر غصب عنك ،ولو حتي افترضنا ان ممكن نعيش في مأمن ،ف اصل وجودك مش حيسيبك والاسئلة المطروحه بسببه حتدفعك نحو الخطر ،وقناعتك بوجود اله تعبده وايمانك بدينك مش كفايه لاجابتك عن اسئلة كتير تاني ،يمكن قناعتك دي بوابة لاسئلة محتاجه اجابه ،وعدم وجود اجابه ليها بيعيشك ف خوف خطأ ما تؤمن به ،ولو مأثرش ف فضولك حيعذبك ،وهو كفيل يدفعك ترمي نفسك ف اماكن متعرفش حتقدر تخرج منها اصلا ولا لا

View more

Have you ever had a weird dream that you could never forget and it still haunts you when you remember it?

فيه حلم حلمته انا وصغير غريب فشخ واقرب لكابوس
كان عندي ١٠ سنين لما ختمت القرآن ، كان مفروض يعني ان اليوم ده حاسمع فيه اخر لوح وبكده حبقا سمعت كل القران علي الشيخ ،المهم ليلتها حلمت باني بافتح المصحف والاقي المصحف اتغير والقرآن مش موجود وكلام تاني غريب موجود انا مش حافظه وبحاول افتكره ومش مصدق ان الكلام متغير ، واروح لامي ولابويا والشيخ بتاعي محدش بيرد واللي بيرد بيرد ردوك غامضه وكلها تأنيب باني مقصر او مذنب ف حاجه انا مش فاهم ايه هي ، الشيخ كان مره حكالي عن ان قبل يوم القيامة المصحف بيتمحي ، افتكرت ده فالحلم بس قولت أن المصحف مش فاضي فيه كلام انا مش عارف اقراه او احدده ، واقعد ابص عالغلاف يمكن ماسك انجيل مثلا 😂 بس مفيش فايدة بردو ،المهم اني الحلم طول بيا فشخ او من الرعب كنت حاسه طويل يعني عليا ، لحد م صحيت ، افتكر اني اليوم ده اول م صحيت قومت مفزوع وجريت امسك اي مصحف وكنت علي وشك اني ابكي ، مش فاكر بظبط اذا كنت فاكر نفسي لسه فالحلم وبحاول اعرف المشكله ولا انا كنت عرفت اني صحيت وبتاكد يعني بس قلبي ارتاح لما اتاكدت انه زي م هو ، كنت وقتها عندي ١٠ سنين وفعلا حفظ القرآن كان هو اكبر حاجه عملتها ف حياتي كلها ولازال اعتقد ، لحد دلوقتي لما بفتكر الحلم ده بترعب فشخ لدرجة اني وقتها معرفتش احكيه لاي حد وكنت خايف فعلا

View more

Next