لو بعمل ذنب وبرجع اتوب عنه وتوبت عنه عشرن مرة وارجع اضعف واعمله بالله عليكم اعمل ايه وربنا هيقبل توبتي ولا لا انا بقيت مكسوفة منه من كتر ما بتوب وبرجع اعمله وارجع اعيط
ان الله لا يمل حتي تملو ..
ربنا عفور رحيم و ما بيردش عبد ابدااا
بس هل كل مره هيبقى عندك الوقت للتوبة؟؟؟
متسبيش طريق ربنا مهما عكيتي عياطك ف حد ذاته معناه ان جواكى نضيف
إن الله لا يمل حتي تملوا اوعي تزهقي من التوبة وحافظي علي صلاتك لو عملتي اكبر الكبائر صدقيني هيجي يوم واللي بتعمليه هيشفعلك طول ما لسه في ضمير بيقولك دا صح ودا غلط وكل مره بيوجعك علي فعل شئ معين يبقي انتي لسه معاكي فرصه تبقي افضل احسن من ان الصوت اللي بيلومك دا يختفي خالص وتعملي ذنب وتقومي تكملي حياتك ف لاء انتي مش كدا انتي زعلانه علي اللي بيحصل ف والله لسه فيكي شئ كويس وأنا واثقه انك هتحافظي عليه بل هتحسنيه كمان
لا يَمَلُّ اللهُ حتى تَمَلُّوا ..
روى الشيخان عن أبي هريرة عن النبي صلى الله عليه وسلم فيما يحكي عن ربِّه عز وجل قال: ((أذْنَبَ عبْدٌ ذَنْبًا، فقال: اللهم اغْفِرْ لي ذنبي، فقال تبارك وتعالى: أذْنَبَ عَبْدي ذَنْبًا، فعلِمَ أنَّ له ربًّا يغفِر الذَّنْبَ، ويأخُذ بالذَّنْب، ثم عاد فأذْنَبَ، فقال: أي رب، اغْفِرْ لي ذَنْبي، فقال تبارك وتعالى: عبدي أذْنَبَ ذَنْبًا، فعلِمَ أنَّ له ربًّا يغفِرُ الذَّنْبَ، ويأخُذُ بالذَّنْب، ثم عاد فأذْنَبَ، فقال: أي رب، اغْفِرْ لي ذنبي، فقال تبارك وتعالى: أذْنَبَ عبدي ذَنْبًا، فعَلِمَ أنَّ له ربًّا يغْفِرُ الذَّنْبَ، ويأخُذ بالذَّنْب، اعمَلْ ما شئِتَ؛ فقد غفَرْتُ لَكَ
احنا بشر وكلنا بنغلط ومحدش معصوم المهم ان احنا نرجع لربنا ونحاول على طول
افضلي كدة لحد ما ربنا يكرهك في الذنب دة ودعي ديما يارب قربني منك وكرهني في الذنب دة
واول لما تحسي انك هتضعفي اشغلي نفسك بحاجة مفيدة اقراي قرآن اقعدى وسط ناس وهكذا
بس اوعي الشيطان يضحك عليكي ويخليكي تبطلي ترجعي لربنا وتوبي
ربنا بيقبل التوبه
ربنا غفور رحيم
بس قبل ما تعمل الغلط افتكر وعدك لربنا صدقنى هتبطل تعمل ده تانى
توب مره ومليون وادعي
اللَّهُمَّ أَنْتَ المَلِكُ لا إلَهَ إلَّا أَنْتَ أَنْتَ رَبِّي، وَأَنَا عَبْدُكَ، ظَلَمْتُ نَفْسِي، وَاعْتَرَفْتُ بذَنْبِي، فَاغْفِرْ لي ذُنُوبِي جَمِيعًا، إنَّه لا يَغْفِرُ الذُّنُوبَ إلَّا أَنْتَ، وَاهْدِنِي لأَحْسَنِ الأخْلَاقِ لا يَهْدِي لأَحْسَنِهَا إلَّا أَنْتَ، وَاصْرِفْ عَنِّي سَيِّئَهَا لا يَصْرِفُ عَنِّي سَيِّئَهَا إلَّا أَنْتَ، لَبَّيْكَ وَسَعْدَيْكَ وَالْخَيْرُ كُلُّهُ في يَدَيْكَ، وَالشَّرُّ ليسَ إلَيْكَ، أَنَا بكَ وإلَيْكَ، تَبَارَكْتَ وَتَعَالَيْتَ، أَسْتَغْفِرُكَ وَأَتُوبُ إلَيْك.♥️