Ask @iscoo27:

مساحة 💜💫 ؛

مَـرْيَـمـ صـآلِـح ♪ .
قررت ما أعطي وعد لأي شخص - مهما كان قريب - انه راح اضل معه على طول، وما
أسمح لحالي أصدق انه في حدا دايملي وما بقدر يستغني عني..
مش تشاؤم، بس صار عندي قناعة وإيمان داخلي بأنه كل شيء مؤقت ومهدد بالإنتهاء، كل اشي ممكن يكون أو ما يكون.. وطالما في وقت وفي حياة وفي عقل عند البشر، ما في وعِد مضمون..
صار في شي جواتي متأهب ومستعد لغياب أي شخص، صرت أستعد للخسارة قبل الربح، وأحضر نفسيتي للخيبة قبل الفرح..
صارت علاقاتي ضمن حدود، وقربي ضمن حدود.. قررت ما بدي اقرب من شخص يخليني عاجز اتخلى عنه .
تعالوا نتذكر أشخاص ياما قلنا مستحيل نفترق عنهم ومستحيل نقدر نعيش بدونهم.. وهيهم عاشوا بدوننا وعشنا بدونهم!
هينا صرنا نسمع أخبارهم من الغريب، بعد ما كنا احنا كل أخبارهم، بعد ما كانوا يتمنونا ويحلموا فينا، ويحلفوا بغلاوتنا عندهم .. بطلنا نعرف اذا بنخطر على بالهم أصلاً، ولا نسيونا..
كإنهم بعمرهم ما عرفونا.

View more

+3 answers Read more

إحكِ 🖤🍂

مش هاينلي فيك!
حتّى بعد ما تَركنا وبعد ما كان القرار قرارك، بَعد ما هُنت عليك، ومحيت كل ذكرى حلوة وكل يوم عشناه بينا!
مش هاين علي أشوفّك بتدور علي بكل مكان بعد ما حسّيت بغيابي، وزعلان كثير عليك وأنت بتحاول تعوض مكاني بحدا ثاني!
جربت مرة واثنين وثلاث، كلّهم كانوا محاولات فاشلة لتعيد صناعة علاقة زي علاقتنا.
أنا مش أحلى شخصية عرفتها ولا حتّى أكتر انسان مرتاح ماديا، بس عالقليلة كُنت غني بمشاعري، بطريقة احتوائي إلك، مليون شغلة مميزة كنت بصنعلك اياها بكل وقت احتجتني فيه!.
الشخصية الكوميدية لما تنكد، الشخصية الرومنسية وقت ما تحتاج حنيتي، الشّخصية القوية لما حد يقرب منك!
حتلاقي شخصية كوميدية وواحدة رومنسية وآخرى قوية، بس مش حتعرف تجمعهم بشخصية وحدة تكون مكاني..
بنهاية الموضوع أنا ما بعايرك، ركز بالجملة الاولى منيح حتعرف شو شعوري تجاهك🖤

View more

و لِيَحضُنَنَا أَمَانُكَ يَا اللهُ كَيْ تَذُوبَ مَخَاوِفُنَا وَ تَطمَئِنُّ قُلُوبُنَا، فَإِنَّا نَسأَلُكَ الأَمَانَ وَ السَّكِينَة وَ أنتَ رَبُّ كِلَيهِمَا .. 💜 صباح الخير جداا 💭💫💜

♥️⚡" Sewar||سِوار ⚡
امين ي رب
يسسعد هالصباح

View more

Next