👩 انا بدي اتطلق 👨 حاضر👩 شو هي حاضر ؟؟👨 حاضر يعني حاضر رح طلقك شو اللي مو مفهوم بكلامي ؟👩 مابدك تعرف ليش طلبت الطلاق ؟👨 أكيد عندك أسبابك المنطقية اللي تخليكي تطلبي الطلاق إنتي مو صغيرة وبتعرفي مصلحتك👩 شو هي مو صغيرة ! لأ يا حبيبي أنا صغيرة ونص إحكي عن حالك أنت 👨 خلص إنتي صغيرة وبتعرفي مصلحتك 👩 صغيرة في السن بس عقلي كبير وبفهم👨 أكيد ..طبعا 👩 ايمتى رح تطلقني بقى ؟ 👨 بعد ما ارجع من الشغل👩 وشو رح تعمل بالولاد ؟👨 متل مابدك 👩 مو متل مابدي .. متل ما القانون بيقول الولاد رح يضلو معي لحد ما يتموا ١٨ سنة " 👨 ماشي ولو بدك ياهن اكتر خليهن 👩 طبعآ بدك تخلص منهن مشان ترتاح وتتزوج وانا اللي وقف حياتي بتربايتهم 👨 خلص رح اخدهن ربيهن وارتاحي انتي واتزوجي 👩 لا يا حبيبي ما رح تلوي دراعي بالاولاد ورح اخدهن غصب عنك
👨 حاضر ..تكرمي👩 وبدي اخد البيت متل ما القانون بيقول 👨 ماشي ..حاضر👩 طبعآ ما إنت رح تتركلي خرابة وتروح تجيب شقة نضيفة ، ما أنا وولادك مو مهمين عندك 👨 مهمين طبعآ 👩 طبعآ والنفقة رح أخدها غصب عنك 👨 أساسي 👩 ورح انقل الولاد لمدرسة خاصة ورح تدفع مصاريفها 👨 طبعآ أحسن 👩- والسيارة ؟؟؟👨 تحت أمرك خديها 👩 بتقدر تقلي وين رح تقعد بعد الطلاق ؟؟👨 ما تشغلي بالك 👩 وليش بدي أشغل بالي ؟ ما إنت رح تتركني مع ولادك وتروح انت تروق حالك بأي مكان 👨 الله يسهل👩 طيب شو رأيك نتطلق وتقعد معنا هون ؟ ما أنا مابقدر شيل المسؤولية كلها لوحدي ؟👨 حاضر عن اذنك 👩 قايم ؟ وين رايح ؟ 👨 الحمام 👩 إعمل حسابك لو حاولت تنتحر .. رح نكد عليك عيشتك ، أنا مالي مستعدة صير أرملة ...وكل من هب ودب يجيب سيرتي 👨 أنتحر وأترك قالب الكاتو اللي عملتيه..لمين ؟👩 عنجد عجبك ؟👨 تحفة ..👩 بس حاسستو ناشف وسكرو كتير وما عاجبك ؟!👦 لا تقولي هيك هاد أحلى كاتو دقتو بحياتي فوتي هاتيلي منو 👩 ماشي و رح أعملك جنبو فنجان قهوة يعدل مزاجك .. تئبرني 👨 تسلميلي ياقلبي اسم الفيلم : أمنت بالله على هاليوم#لسا_بدن_نتجوز