مساحة ك جمالك اية ?..
مرحبا.. كيفِك يا كُلَّ كُلِّي..
بعتقد هلأ عتوقيتك بعدك نايمة.. بس ماكتير بيهم.. هيك هيك بعدك عموقفك بعدم التواصل معي.
اليوم للحقيقة مافي ولا سبب لاكتبلك.. سوى إني اشتقتلّك كتير.. وبما أني ابقى غنّيلك.. كلما بشتقلك بمسك قلم وورقة... وبما إني كمان مابعرف ارسم.. فمارح ارسملك صورة.. لح اكتب رسالة بركي بتكّفي.
بتعرفي بعتقد أكيد رح تكفّي.. لأنك وعلى الرغم من إنك أميرة بمملكة بهالكون.. وأنا واحد من هالنّاس.. بس كنت دايماً انبهر كيف كنتي تتركي كلشي حلو بمنطقتك الأرستقراطية لتجي لعندي لهون عالشام القديمة.. وتبحبشي عتفاصيل بسيطة كانت قدرانة تخليكي سعيدة أكتر من كلشي انتي فيه.. مشوار صغير بالليل.. سندويشة شاورما مع توم زيادة.. قلم كحلة لونو متل مابدّك بعد صراع مع المحل.. أو قعدة جنبي عكنباية مكسورة مع كاستين شاي صغار متل تبع ورشات الدهان.. أنا آسف عالسرعة مالقيت غيرون قدامي.. حلوة كانت قعداتنا ما؟ بعدها بتعنيلك شي او عم تفضلي عليها كاسات القهوة بستارباكس؟
حابب خبرك سر صغير.. إلي فترة زعلان من حالي.. لأني اكتشفت فيني شغلة ماكنت بعرف انها موجودة.. إني طلعت بغار كتير.. مو عليكي.. لأنو هاد أمر مفروغ منو.. بس عم غار من الناس.. وقت عم امشي بالشارع وشوف تنين ماسكين إيدين بعضون.. أو هيك قاعدين بشي مكان وعم يطلعوا ببعض.. طيّب ليش هيك؟ يعني انتي ليش مانك هون لتقعدي معي هي القعدة؟ اختي بلا مانمسك إيدين بعض.. وبلا ماتقعدي معي.. بس هيك عالقليلة أنا بتطمن بس حسّك قريبة.. وجودك مريح كتير.. يعني كتير عاجبك انو كل واحد بديرة.. على شو تاركة البلد وتاركتيني؟ مشان الدرس؟ شو بدك تطلعي؟ دكتورة؟ مهندسة؟ مشان المصاري؟ مشان شو عم يصير فينا هاد كلّو؟ طيّب هي ليكني أنا.. صحي ماني مليونير.. بس والله عم جرّب كل جهدي أعمل شي مفيد بهالدنيا.. ما بيمشي الحال هيك؟ طيّب مافيكي تردّي عليي بس لأفهم شي عالأقل؟
على كل حال بسيطة.. أنا بس بدّي تعرفي انو بغيابك ووجودك أنا ما تغيّرت.. يعني هيك بعدني ناطرك.. بس كيف بدّي قلّك.. أنا كتير مزعوج.. تعبت يعني.. غيابك كتير بيسببلي الحزن.. كنت مفكر أني مع الوقت لح اتعود.. بس طلع الشي الوحيد يلي عم اتعودو هو اشرب قهوة أكتر واكتب اكتر.. عم تفهمي عليي ما؟.. وعلى كل حال كمان أنا لهلأ مابعرف شو موقفك من هي الرسايل.. بس انا ماعندي خيار غير إني كلما اشتقلك اشعل شمعة بقلب الليل (اس
بعتقد هلأ عتوقيتك بعدك نايمة.. بس ماكتير بيهم.. هيك هيك بعدك عموقفك بعدم التواصل معي.
اليوم للحقيقة مافي ولا سبب لاكتبلك.. سوى إني اشتقتلّك كتير.. وبما أني ابقى غنّيلك.. كلما بشتقلك بمسك قلم وورقة... وبما إني كمان مابعرف ارسم.. فمارح ارسملك صورة.. لح اكتب رسالة بركي بتكّفي.
بتعرفي بعتقد أكيد رح تكفّي.. لأنك وعلى الرغم من إنك أميرة بمملكة بهالكون.. وأنا واحد من هالنّاس.. بس كنت دايماً انبهر كيف كنتي تتركي كلشي حلو بمنطقتك الأرستقراطية لتجي لعندي لهون عالشام القديمة.. وتبحبشي عتفاصيل بسيطة كانت قدرانة تخليكي سعيدة أكتر من كلشي انتي فيه.. مشوار صغير بالليل.. سندويشة شاورما مع توم زيادة.. قلم كحلة لونو متل مابدّك بعد صراع مع المحل.. أو قعدة جنبي عكنباية مكسورة مع كاستين شاي صغار متل تبع ورشات الدهان.. أنا آسف عالسرعة مالقيت غيرون قدامي.. حلوة كانت قعداتنا ما؟ بعدها بتعنيلك شي او عم تفضلي عليها كاسات القهوة بستارباكس؟
حابب خبرك سر صغير.. إلي فترة زعلان من حالي.. لأني اكتشفت فيني شغلة ماكنت بعرف انها موجودة.. إني طلعت بغار كتير.. مو عليكي.. لأنو هاد أمر مفروغ منو.. بس عم غار من الناس.. وقت عم امشي بالشارع وشوف تنين ماسكين إيدين بعضون.. أو هيك قاعدين بشي مكان وعم يطلعوا ببعض.. طيّب ليش هيك؟ يعني انتي ليش مانك هون لتقعدي معي هي القعدة؟ اختي بلا مانمسك إيدين بعض.. وبلا ماتقعدي معي.. بس هيك عالقليلة أنا بتطمن بس حسّك قريبة.. وجودك مريح كتير.. يعني كتير عاجبك انو كل واحد بديرة.. على شو تاركة البلد وتاركتيني؟ مشان الدرس؟ شو بدك تطلعي؟ دكتورة؟ مهندسة؟ مشان المصاري؟ مشان شو عم يصير فينا هاد كلّو؟ طيّب هي ليكني أنا.. صحي ماني مليونير.. بس والله عم جرّب كل جهدي أعمل شي مفيد بهالدنيا.. ما بيمشي الحال هيك؟ طيّب مافيكي تردّي عليي بس لأفهم شي عالأقل؟
على كل حال بسيطة.. أنا بس بدّي تعرفي انو بغيابك ووجودك أنا ما تغيّرت.. يعني هيك بعدني ناطرك.. بس كيف بدّي قلّك.. أنا كتير مزعوج.. تعبت يعني.. غيابك كتير بيسببلي الحزن.. كنت مفكر أني مع الوقت لح اتعود.. بس طلع الشي الوحيد يلي عم اتعودو هو اشرب قهوة أكتر واكتب اكتر.. عم تفهمي عليي ما؟.. وعلى كل حال كمان أنا لهلأ مابعرف شو موقفك من هي الرسايل.. بس انا ماعندي خيار غير إني كلما اشتقلك اشعل شمعة بقلب الليل (اس
Liked by:
Jameel Aljabery
• تَيـمـا •
ɦaռaռ (⌒_⌒)
