ممكن نصيحه لحد
1_عاوز يستفيد جدا في الاجازة
2_يتفوق في الدراسه رغم تعبه فيها جدا بس مفيش نتيجه 😔
بالنسبه لاجازه قسمها استفادتين *استفاده دينيه هو معرفة الأخطاء إلى اكترنا بيقع فيها ونحاول نتحاشها ونتدرب على أى حاجه مكنتش بتعملها ومش قادر تعملها وتعملها مثال. .اكتر الناس بتصلى الفروض وبتكسل عن السنن وانا منهم. وفى أمثلة كتير بقى ..حاول تقرأ قرآن أو تحفظ وادعولى بقى أكون طالعه من الإجازة مخلصة عدد معين من الأجزاء وفى حاجه مهمه اوى سمعتها للمهندس فاضل سليمان فى التربيه الايمانيه قال حاجتين مهمين. ..1- أننا نعمل قائمه أمنيات بالحاجات إلى ممكن نعملها قبل الموت ب 24 ساعه فى حاله لو عرفت انك هتموت فكر هتعمل ايه وخلى حياتك دائما ماشيه على النمط دا واكيد حياتك ه تتغير تماما مع العلم أننا بشر واكيد هنغلط بس الأخطاء تكون بسيطه 2- قال على فكره انك تتخيل نفسك ميت وتحاول تتخيل كل لحظه ممكن تحصلك فى وقت ما مت لحد لحظه دخول القبر بس ودا هياخد ربع ساعه تخيل كل يوم قبل النوم *استفاده دنيوية -كل واحد اكيد عنده أهداف سواء قصيره المدى أو طويله المدى شوف الأهداف دى محتاجه ايه عشانه توصلها وحاول تنمى قدراتك فى الاتجاه دا -دا غير طبعا لازم تحدد عدد ساعات معينه تقرأ فيها كتاب معين القرأه أهم حاجه ومش قصدى قرأه الروايات التخيليه إلى اكتر الناس بيقراؤها دلوقتى عن نفسى مبحبش النوع دا خالص لأنى بحس انى مبستفدش حاجه غير أنها بتكون مسليه ودا مش هدفى من القراءة. . ^^أما بالنسبه للدراسة أن الواحد بيتفوق وبيتعب نفسه وفى الاخر مفيش نتيجه دا كلام مش صح لأن ربنا بيدى كل واحد على قد تعبه ويوم ما الواحد يخفق وهو مؤدى إلى عليه بيبقى حكمه من ربنا بس مش طول الوقت هتخفق ممكن تكون المزاكره بطريقه غلط وبتاخد وقت ومجهود على الفاضى لازم كل واحد يغير أسلوب مزاكرته لأن كل مرحله من السنوات الدراسيه من الابتدائى للجامعة لها مزاكره مختلفه لأنك اكيد فى كل مرحله مش بنفس الدماغ وحاول تشوف نقط ضعفك وتقويها أو تغير أسلوب المزاكره سورى على الإطالة 😹