@juman_jojo

جُمان

Ask @juman_jojo

Sort by:

LatestTop

فكرة تسيطر على فكرك هذه الأيام ... ؟

sartar2015’s Profile Photoريـّــــان
لا وجود للأمان المُطلق ، وهذا يعني أن كل شيء في هذه الحياة بوسعه أن يُهشم حائط أمانك ، ويُلقيك في الفزع مرةً بعد مرة .

يسعد اوقاتك جمان 💙💙،، كيف الواحد ممكن يتجاوز فترة الضياع ويطلع منها؟

أهلًا عزيزي / عزيزتي وعذرًا على التأخير 🙏🏻
فترة الضياع من أجمل الفترات اللي رح تعيشها بحياتك ، رغم بشاعتها وقسوتها وسوء نفسيتك ، إلا أنها غالبًا رح تكون نقطة مفصلية
كونك ما ذكرت ضياع شو بالزبط رح أجاوبك بشكل عام
- من الشغلات اللي بنصحك تعملها انك تحكي مع حالك ، وتسمع حالك ، وتحاول تطلع الفوضى اللي جواتك لحتى تقدر ترتبها
يمكن تحس انك مش عارف من وين تبلش أو بشو تفكّر أصلًا ، عادي .. مع الوقت الأفكار لحالها بتيجي
ولو بتحب تكتب بتكون فكرة ممتازة .
- السوشل ميديا ، ابعد ابعد ابعد ، قد ما تقدر ابعد عنها وعن الموبايل .. لأنهم أكبر مصدر للتشتت والضياع وقلبان المود
لو يصحلك تفلتر الناس اللي متابعهم مش غلط برضه .
- اتصالك بالخالق وصلاتك ودعاؤك ، أكبر اشي ممكن يهون عليك الطريق وينور بصيرتك ويخفف عليك .
- اخلق عادات جديدة بحياتك تكسر الروتين شوي وتعطيك سعادة صغيرة ، أي اشي مهما كان صغير سواء قناة يوتيوب جديدة أو فيلم جديد أو كتاب أو ناس جديدة
المهم غيّر اشي
اترك هالفترة تمر من خلالك ، اطلع منها بإنسان جديد ومختلف ، خليها تكون السبب بإنها تفجّر كل اشي مميز وحلو جواتك
وافهم الدروس يلي وصلتك لهون ودخلتك هالدوّامة وغيّر يلي لازم يتغير .

View more

Related users

ليش دائما النساء الواعية والمتعلمة والمثقفة توصل للطلاق؟ بدي جواب مفصل جد ليش بزمنا هاد بلاحظ في بنات ناجحات بكلشي الا العلاقة الزوجية!

باعتقادي إنه رأي غير صحيح بالمُطلق ، ومن خلاله يتم الترويج لفكرة " الأمومة والزواج لا يجتمعان مع العمل والتعليم "
وبالمقابل عنا عدة نماذج من المجتمعات العربية نجحوا على الصعيد الأكاديمي والحياة الشخصية .
أما فكرة إنه الأنثى المنفصلة كان زواجها فاشل ، ف هل يا ترى كل أنثى استمر زواجها يعتبر زواج ناجح؟
شو مقياس نجاح الزواج أو فشله؟
الاستمرارية فقط؟
في كتير متزوجات وعلاقاتهم الزوجية والأسرية على شفا انهيار
ف مش مقياس .
أنا أتفق مع نقطة إنه خيار الانفصال عند الأنثى المتعلمة والعاملة ممكن يكون أسهل بكتير من الأنثى اللي ما عندها أي مصدر تستجمع نفسها منه بعد الانفصال
بالإضافة إنه الأنثى العاملة والمستقلة ماديًا بكون استحقاقها أعلى ، وخوفها من المجتمع ونظرة أقل .. ووجود حياة أخرى ومعارف وعلاقات بنطاق واسع ممكن يهون عليها شوي
بينما اللي شخصيتها كانت أقرب للاتكالية وتجاربها أقل
رح يكون الموضوع أقسى وأصعب بالنسبة لالها ونقاط ضعفها أكبر .
بالإضافة إنه مفهوم الزواج للأسف اختلف كتير عن قبل ، وأهميته اختلفت
وفي فئات كتير بتنظر إله ك كماليات أو إنه بآخر القائمة بعد شغلات تانية كتيرة .
ولكن بالمجمل الانفصال مش سهل بتاتًا ، شو ما يكون مستوى الاستقلال المادي والرفاهية و و ..
حقيقة الانفصال تختلف اختلاف كلي عن اللي بظهره الإعلام والبلوغرز على إنه اشي بسيط وعادي .

View more

مالذي تريده حقا ؟!

O_M_N00’s Profile Photoفيّاض؛
أريد أن أكون حُرًّة من كل ما يُثقلني حتى إذا كانت مشاعر ..
أن أتحرّر من تمنّي الحصول على أشياء ليست نصيبي ..
أن أسير بيقين ، متأكدةٌ مما أشعر به وأحياه ، أحمل بداخلي فقط ما أثق به ..
أريد أن أمضي بخِفّة ، دون أن يأكل الانتظار عمري ..
وألّا أكون مُعلّقةً من مشاعري ، فأقف طيلة حياتي بنفس النقطة خائفةٌ أن أنتظر أشياءً لن تأتي
وخائفةٌ أن أمضي وأتوقف عن انتظارها فأكون قد أضعتها من يَدي 🤍.

-

mmmmmmmm30193019’s Profile PhotoF♪
اللَّهُم اجعلها عشر طَهور ، تُطهر بها صحائفنا من الخطايا والآثام ، اللَّهُم عشرُ تَوبة و غُفران ، اللَّهُم عشر تُنير بها بصائرنا ، وتستجيب فيها دعواتنا 🤍
اللهم اجعلها عشر طهور  تطهر بها صحائفنا من الخطايا والآثام  اللهم عشر

كل الناس بتكرهني ليش طيب والله العظيم نفسي يكون عندي بس صاحبة تحكي معي بس نفسي حدا يخفف عني والله هلكت

عزيزتي طول ما أنتِ بتدوري على صحبة ، ما رح تلاقيها
وطول ما أنتِ بتستني حب من غيرك ، ما رح يتقدملك
الصحبة بتيجي مع الأيام ، لما الشخص اللي قدامك يثبتلك إنه يستحق يكون ضمن معارفك المُقرّبين
عدا ذلك كلهم أشخاص عابرين
رح تعرفي كتير وتصاحبي قليل .
كونك مش حدا محبوب بشكل كبير ، مش بالضرورة تكوني منبوذة ومكروهة بالدرجة يلي أنتِ شاعرة فيها
ما عندي شك إنه في كتير أشخاص بتستلطفك بس أنتِ ما بتشوفي هاد الاستلطاف !
كل شيء يحدث لسبب ،
وأول سبب بقدر أستنتجه هو طريقتك بكلامك عن نفسك وتعطّشك للقبول ومحبة الناس
وبالغالب سعيك لكسب محبة الناس بتصرفاتك ولطافتك معهم وطريقة تعاملك هي سبب آخر .
محتاجة تقعدي مع حالك وتفكري بكل علاقاتك وتصرفاتك وأطباعك وطرق تعاملك وتعرّفك على الناس .. اعرفي الثغرات لحتى تشتغلي عليهم .

الدرجة العالية من الوعي والتفكير تجعل الإنسان إنطوائي لا إجتماعي 🥺🤷🏻‍♀️

تجعله اجتماعي مُنعزل
النضوج بغيّر نظرة الإنسان تجاه العلاقات الإجتماعية وماهيّتها
بتزيد رغبته بإنه يكتفي بعدد قليل من الأصدقاء والباقي معارف وعلاقات سطحية .
نضوجه بيعني إدراكه لأهميّة التواصل شاء أم أبى
بس ممكن مع الدروس يلي تعلمها خلال حياته يكون حذر أكتر وعنده ذكاء أكتر بالتعامل مع الناس لأنه العلاقات الاجتماعية التزام ، وبتطلب وقت وطاقة ومُجاملات و و ..
وكُترها بشكل عشوائي بزيد من فرص التصّادمات والمناوشات ووجعة الراس .

+ 4 💬 messages

read all

كيف أتخطى شخص خاني واستخف بمشاعري وفيني

شو بتعنيلك الخيانة؟
خذلان ، كذب ، استغفال ، عدم تقدير إحساس بإنك داخل دائرة وهمية لفترة ، خسارة شخص ، تجربة فاشلة ، غيرة ، إنك شخص مش كافي ، اختيارك للأشخاص خطأ ، عمياء عاطفيًا ؟
كل ما سبّق حلّه شغلتين
الأولى القبول ، والتانية الوعي
قبول الموضوع ك تجربة مريتِ فيها فقط ، وإن كانت تجربة قاسية ومؤلمها لكن بتضلها تجربة
وبعدها اشتغلي على نفسك لحتى تغيري كل المفاهيم اللي ذكرتها فوق بدون ما تشخصنيها
مثلًا : مش أنتِ اللي مو كافية ، أنتِ كنتِ مع شخص ما اكتفى فيكِ
عقليتك اللي عاشت الخيانة مش نفسها العقلية اللي رح تتخطاها
تغيري ، جددي اشي بحياتك
ابدي بداية جديدة ، تفهمي حالك فيها ، وتقدّري حالك ، وتنجزي اشي يخليكِ تستعيدي ذاتك وتطلعي من جو الانكسار
بدوون ما تعيشي دور الضحيّة
والأهم تتخذي قرار بخص علاقتك بهاد الشخص ، ما تكوني بالمنطقة الرمادية
يا اه يا لأ
خدي قرار داخلي بالتجاوز وبعدها حاولي .

- جُمان 🌸🤍 ‏اللهم اجعل قلبها يفيضُ فرحاً وراحة ولا تجعل للحزن والتعب مكاناً في حياتها🤍🌸... 🌸 | سفيرة السعادة | 🌸

آمين يا رب ولك بالمثل 🙏🏻🤍

بدرس وعلاماتي غير مرضية وعالحفة.. شو الحل يا جمان؟ تعبت والله

كل شيء يحدث لسبب ، شو السبب؟
ممكن طريقة دراستك خطأ أو ما بتتناسب مع موادك .. مهم تعرف طريقة الدراسة والمراجعة الصحيحة .
أو ممكن يوم الامتحان بتروح مُرهق ونايم عدد ساعات قليلة جدًا مشان تلحق تخلّص وهاد خطأ وبأثر على أدائك .
أو ممكن ما عندك المهارات الكاملة لإدارة الامتحان والتعامل معه
العلم وحده غير كافي وهاي نقطة مهمة .
دراسة ليلة الامتحان مش كافية للتميز ، ممكن تزبط معك كم مرة
بس الصح إنك تمسك المادة منيح من البداية وتكررها وتتمكن منها .
الارتباك والتوتر أثناء وما قبل الامتحان بضيّعوا عليك مهما كان مستواك
مهم تعرف تتعامل مع توترك .
+ انتبه للمصادر والمراجع اللي بتدرس منهم .
** كلامي بناءً على تكرار هاي النتيجة بحياتك
وبالمقارنة مع نتائج أقرانك
وبعيدًا عن لؤم مدرّس المادة أو طبيعة المادة .

ما الفرق بين الحب والمودة في الزواج ؟

سؤالك جميل
الحُب أعمى والمَودة مُبصرة
الحب مشاعر بحتة وعواطف قويّة ، بيغلب فيها القلب على العقل
والقلوب قلّابة ، بالتالي المشاعر متغيّرة ومتقلّبة ومش دائمًا على شاكلة وحدة .
بينما المودة بكون حضور العقل فيها أكبر ،
وهي نتيجة للعشرة والمواقف والوقت ، مش نتيجة لكلام معسول وغراميات فقط
وطبعًا هي الأقرب للاتزان .
الحب ممكن يكون كافي لخطوة الزواج لكنه مش دائمًا كافي لاستمراريته
وهاد اللي بفسّر حالات الطلاق نتيجة الزواج عن حب بكتير حالات

الزواج ميثاق غليظ ، خطأ يكون خاضع فقط للعواطف .

جمان اللهم أكرمها ولا تحرمها، وزدها ولا تنقصها، وارحمها والطف بها في كل شأنها، أرضِها وارضَ عنـها، واجعلهـا من عبادك الواثقين بك ثقةَ من لا يخشىٰ الفقر، والمطمئنين لمَـا عندك من خيرٍ وعِوض، والعارفين بك فلا يضرّهم ما كان وما سيكون 💛💛💛 ‏آمين.🌿

Abood70765’s Profile PhotoAbood Sliman
اللهم آمين ، جميعًا يا رب 🙌🏻
وفقك الله لما يحب ويرضى 🌼

+ 1 💬 message

read all

كيف اصبح انسانة تفكر بعمق و اتوقف عن تفكير بسطحية ؟؟

- جددي مُحيطك
اختلطي بناس أعلى منك عِلم وخبرة وعُمر ، اكتسبي منهم مهارات وخبرات .
انتبهي مين بتتابعي ، وبمين بتتأثري ، ولمين بتحضري ستوريز ، وشو أضافوا الك ولحياتك .
- تقبّلي الاختلاف
مش رح تقدري تفكري خارج الصندوق طول ما أنتِ حاصرة عقلك بقوقعة ضيقة وروتينية وماشية بنفس المسار
اختلطي بناس مختلفة عنك كتير ، من غير دينك ، من غير بيئتك
وتقبّليهم
وسعي مداركك وأفقك بشرط تحافظي على المبادئ الأساسية عندك .
- كوني على اطّلاع دائم
كل الأحداث والأخبار والوقائع ، اعرفي عنها .. أي كلمة أو بموضوع بمر عليكِ وبتشوفي انك بتجهليه ، ابحثي عنه
ابحثي ثم ابحثي ثم ابحثي وتعلّمي واستزيدي .
وبدون أدنى شك إنه مش كل اشي لازم يؤخذ بعمق
مرات الهبل حلو ، ومرات الاستهبال أحلى .

Next

Language: English