كان أقرب حد ليا وكذلك كنت أقرب حد ليه ، كان صاحبي واخويا قبل ما يكون ابويا كان عصبي شوية وشديد عليا بس ده اللى خلاني راضي بشخصيتي وتربيتي اللى محدش يعرف يتكلم نص كلمه عليها ، كان بيحبني جدًا وانا متأكد من كدا .. وانا كمان كنت بحبه أوي ، كان بيعمل كل حاجه عشاني ، كان بيفهمني من قبل ما اتكلم كان بيحب يتكلم معايا ف كل حاجه ، اسراره كانت معايا انا بس ، كل حاجه ف حياته كان لازم يقولهالى ، كان دايما بينصحني ويقولى ده الصح وده الغلط وانت اختار وانت اللى هتستحمل نتيجة اختيارك مكانش متعصب ، كان دايما بيقولي حب وعيش حياتك ، كان لما يلاقيني مكتئب او قاعد ف اوضتي لواحدي فتره كبيره يقولي اخرج مع اصحابك ، روح اقعد ف الجامع استني العشا ولما تصلي اخرج ، اجيبلك فلوس ! كنت لما اقوله معايا كان يجيبلي برده كان عاوزنى ابقا احسن واحد ف الدنيا ، وهو أحسن أب ف الدنيا ♥ ربنا يرحمه ويجعله من أهل الجنه ويجمعنى بيه ع خير ♥..
لما حضنتني وقولتلي ربنا يهديك، كنت مفكر انك بتدعيلي زي ما بتدعيلي دايماً ف كل وقت ، بس مكنتش اعرف ان ده اخر دعاء واخر حضن وانك بتودعنى. مش هنسي ان اخر حاجه كتبتها بإيدك ف الدنيا كانت ليا "i love you" ♥. حقيقي انت وحشتني ومفتقد كل حاجه كانت ف وجودك. بس انا متأكد انك ف مكان احسن.