انك تحس بشعور انك ولا اشي ممكن يسعدك انو كل اشي بسير سيء والامور بتزداد سوء وهيك بنضل تحس انو كل اشي ليس له معنى شو برئيكم المفروض يعمل الواحد كيف لازم يبعد عن هيك افكار مع العلم انو المحاولات عن التخلي عن هذا الشعور كانت كثيره😢😭
الفكرة مش بالتخلي عن الشعور .. الفكرة كيف تكتشف أسباب هاد الشعور وتعالجها او تحلها. وكخطوة أولى صلي واقرأ قرآن و ادعي كتير .. خصوصاً وقت السجود .. صلاة الفجر ع وقتها علاج سحري للروح . الأطفال.. الموسيقى والكتب.. البحر والشتا والغيوم .. الألوان الهادية وضحكات ناس غريبين عنك .. النوم سورة البقرة بصوت شيخ لطيف.. الخ.الخ... ساعد ناس ساعد بدون مقابل ساعد من قلبك .. انك تشوف حد مرتاح او مبسوط بسببك؛ بيلئم جروحك وبينعش روحك. دوّر ع التفاصيل البسيطة اللي بتلمس الروح.
انا صرلي خاطبة شهرين خطيبي حدا منيح وبعرف انه للشدايد وانه رح يحترمني ويصوني بس هو فيه شغله انه احيانا بصير كثير مهمل وبصير يتحجج بالظروف وانا عاتبت كثير بس بالاخر ما بدي اجي ع كرامتي وبنفس الوقت ما بدي المشكلة تكبر واصير اجاكر لانه ما بجيب نتيجة..شو اعمل شي او ابعثله واحسسه قديش هو غلطان يراجع حاله
خاطبة شهرين ومُهمل! طيب وبعد الزواج شو ممكن يصير يعني؟! بس لو هاي طبيعته ؛انه هو انسان ما بيعرف يظهر اهتمامه وزي ما بتحكي بيحترمك وبيصونك ف المفروض تتأقلمي مع طبيعته اما اذا كان مزاجي و"حبة معايا حبة عليا" ف الموضوع مش متوازن ومُتعب جداً وبنرجع نقول الصراحة والوضوح هم الحل .. لأنه التلميح ونشتغل من تحت لتحت ما بجيب الا وجع القلب. والسلام ختام✋