Ask @laithAbushmo3:

ليث🖤مساحة 🌺

ҚĦßÂß RĪÐÂĦ
كبرنا كتير...
كبرنا لدرجة إنه بطلنا ندور على أصدقاء جداد... أو حتى على ناس يحبونا ونحبهم♥
كبرنا لدرجة صرنا نلبس نفس الملابس يومين وتلاتة ورا بعض...
لدرجة إنه صرنا نخاف على أهلنا بدل ما نخاف منهم...😥
بطلنا نجادل حدا لما نعرف إنه نحنا الصح...
صرنا نترك الأيام تثبت صحة وجهة نظرنا...
لدرجة إنه ما عاد حكينا لحدا شو اللي بصير معنا ، ولا شو بوجعنا...
صرنا نفرح عالسكت ، ونبكي عالسكت 😢
صار عادي شو ما كان نوع موبايلي...
وشو ما كانت ماركة ملابسي...
ووين ما كنت ساكن ..
وعادي كتير إني أحكي لكل صحابي:
أنا ما معي مصاري، ما بقدر أطلع معكم اليوم،،، بدون ما أخجل من ردة فعلهم...
صارت النكت البايخة هي يلي بتضحكنا عنجد، لأن نحنا صرنا بدنا أي سبب لنضحك عليه...
وما عاد يأثر فينا الحكي الحلو، صار بس بدنا أفعال من القلب...👌
بطلنا نتمسخر لما نشوف حدا لبسه مو حلو بالطريق صرنا نحكي (الله يعين العالم )😦
كبرنا وصرنا نعطي صدقة للفقير بدون ما نحكيله ادعيلنا...
كبرنا وعرفنا إنه المظاهر خداعة... يا لطيف شو إنها خداعة...
وعرفنا كمان إنه فعلا مو كلشي بيلمع ذهب... وإنه حبل الكذب قصير... ومنعرف اللي بضحك علينا ومنتركه مصدق حاله،،،
وتعلمنا إنه ما نستنى شي من حدا...
حتى المعجزات بطلنا نستناها...

View more

Next