@lamiaamohammed345

Lamiaa mohammed

Ask @lamiaamohammed345

Sort by:

LatestTop

People you may like

ماهي العبارة التي ترددها عندما تضيق بك الحياة؟ فربما البعض بحاجتها الآن .

كلما استحكمت حلقاتها فرجت
استغفروا كتير 💜💜

كيف تقوم بلفت انتباة شخص يعجبك ...؟

🤦‍♀️🤦‍♀️🤦‍♀️🤦‍♀️🤦‍♀️🤦‍♀️🤦‍♀️
معرفش ده يتحط تحت بند ايه بصراحه بس اللي هو يعني احنا ليه بقينا كده ليه كل همنا يا ننجذب يا نجذب يا نحب يا نتحب فيه ايه هي الحياه كلها كده 😒😂يا جماعه المظاهر خاادعه جدا جدا الانجذاب اللي من بعيد لبعيد ده نتايجه مزريه مع مرور الوقت وسقوط الاقنعه.... ماتستهلكوش مشاعركم يا جماعه مش مستاهله والله

ماذا ستفعل لو انك احببت شخص يشعرك بانك لم تكفيه؟

هو انتوا بتعذبوا نفسكم ليه يعني مش فاهمه
يعني ايه لا تكفيه.... ليه توصل نفسك للدرجه دي
طيب بالعقل ده وارد ان كل شخص حاطط مواصفات للي قدامه وشايف ده مناسب أو لا فبالتالي دي مش مشكلته انه عنده طموحات معينه مش لاقيه فيك لكن المشكله هنا فيك او فيكي ازاي حد يوصلك انك مش كافي ليه مش مرتاح معاك مش حابب وجودك مش هيكمل معاك ايا كان يعني اتقالت ازاي.... ولسه بتسأل ماذا تفعل😒حافظ على ماتبقى من كرامتك وحبك لنفسك وامشي هيجي عليك وقت تشوف انك كنت متوهم بالحب ده وانه مجرد احتياج وبس وياريت انت كمان تعرف نفسك كويس تعرف كل بواطنها ونقط قوتك وضعفك عشان يبقى عندك نفس القدره دي وتحدد الشخص ده يكفيك او لا.... مش جايز مع الوقت تكتشف انه اصلا مكنش مناسب ليك وانه شكرا ليه لان ادراكه كان أعلى وانقذك من علاقه غير متكافئه.... فكروا يا جماعه استخدموا عقلكم شويه واتعاملوا بالمنطق وبلاش جو المسلسلات الهندي ده

أفضل عمر مناسب لزواج كم ؟

مفيش عمر محدد.... فيه انا مؤهل او لا عارف يعني ايه زواج ومسؤوليه فاهم واجباتي وحقوقي كويس مرن وعندي قابليه للتغير فاهم احتياجاتي كويس واحتياجات شريك حياتي معنديش عقد مستخبيه على قدر كبير من التصالح والاتزان النفسي فاهم يعني ايه تربيه وعارف انا ايه هدفي من الزواج الموضوع اكبر بكتير من عمر ووقت محدد واكبر من اني لقيت حد بحبه ف عاوزه اكمل معاه واكبر من اني أنهيت دراستي ف بقيت فاضيه للزواج واكبر من ان فلانه أصغر مني اتجوزت ف لازم اتجوز اكبر من اهواء شخصيه وقرارات غير مدروسه

موهوبة فى ايه ؟

بحب الكتابه والالقاء عموما سواء شعر او خطب وبحب التمثيل ❤️

أحيانا يكون البعد عن من تحب حب من نوع آخر وأرقى. صح /خطأ ؟ ولماذا ؟

صح *****اذا كان حب للسلام النفسي والطمأنينه والسكون حب للكرامه وتقدير الذات
في حاله واحده اذا كان قربك ممن تحب اذيه نفسيه للاهمال مثلا او عدم مبادلتك نفس الشعور في الحاله دي حبك لنفسك لازم يطغى على اي حاجه ولازم تؤثر البعد

- ‏كيف بإمكانـي العبور من بين كل ‏هذهِ المسافات إلى يديك تحديداً ؟

حد يقول لحد كده ليله امتحان الباطنه 😂
كيف بإمكانـي العبور من بين كل هذه المسافات إلى يديك تحديدا
Liked by: Mohamed Elnabawy

"إلى رسول اللّٰه محمد النائم منذ 14 قرناً .. سلام على روحك التي لم ولن يخلق مثلها ابداً، سلام عليك نريد أن نلقاك .. سلام عليك عند حوض اللقاء .. صلوا عليه."

حبيبي وسيدي يا رسول الله ❤️❤️
اللهم صلي وسلم على نبينا محمد وعلى آله وصحبه أجمعين ❤️❤️
Liked by: Mohamed Elnabawy

بتتعاملو ازاى مع حوار أن اهلك دايما شايفينك فاشل مع انك مش كدا ومش بتعمل حاجة وانك ملكش لازمة ف الحياة عامة وكل ما تعمل حاجة يتريقو عليك ويحبطوك .. بجد الاحساس مؤذى جدا خصوصا لما مبتعملش ردة فعل وبتفضل ساكت

فيه نوعين من ردود الأفعال في الحاله دي يا تكون شخص سلبي تسمع ويكون عندك تبلد تام وتظهرلهم انك مش متأثر وتفضل زي ماهما شايفينك بردو فاشل ومش بتعمل حاجه والفشل هيجر فشل زياده وبدل ماتبقى مجرد فاشل في نظرهم هتكون فاشل حقيقي
يا اما تكون شخص إيجابي تحمي نفسك من الاذى ده وتوضحلهم بشكل صارم وتكون حاد ف كلامك ان الطريقه دي بتأذيك وانك مش هتسمح بتجاوزاتهم وتبقى طريقتهم بالنسبالك شراره انطلاق وتحدي انك تكون احسن مما انت عليه..... بس لازم تكون عارف ان فيه اهل من كتر حبهم لولادهم بيتعاملوا غلط عشان هما فعلا عاوزين يشوفك احسن بس بيترجموا ده غلط وبيجيب نتيجه عكسيه وف الحاله دي لازم توضحلهم ان طريقتهم غلط زي ماقلتلك وتحاول تعمل لحياتك معني فعلا لان ف الغالب كلامهم قايم ع واقع...... يا هما ناس سلبيين عملت ماعملتش بيقولوا كده طول الوقت وبيعملوا عليك ما يعرف بالاسقاط يعني هما اللي فشلوا ف حياتهم بس مبيعترفوش لكن بيوجهولك انت الكلام اللي عاوزين يقولوه لنفسهم ف الحاله دي تجاهلهم وعدم اخذ كلامهم بعين الاعتبار منتهي العقل لسلامك وهدوئك النفسي وتركز مع نفسك زياده تقف ع نقط ضعفك وقوتك وتنشغل بنفسك وبس وتعمل اللي يخليهم ميعرفوش يقولوا كده تاني ف النهايه انت ادرى باهلك وعارف هما انهي نوع وتعرف تتصرف معاهم ازاي

View more

Liked by: Mohamed Elnabawy

هل ترى أن الأشخاص يهتمون بأشخاص غير مبالين باهتماهم أساسًا ؟

اه فيه نسبه كبيره كده بس ده مش طبيعي (مش اسوياء)
وكما قال علي بن ابي طالب كرم الله وجهه "رغبتك في زاهد فيك ذل نفس وزهدك في راغب فيك نقصان عقل"
Liked by: Mohamed Elnabawy

وهل تقبى اثار للحب الاول

انا مؤمنه بأن لو كان حباً سيبقى مفيش حب حقيقي بيزول ونبحث بقي اذا كانت اثاره باقيه ام زالت..... ماعدا ذلك ف هو توهم 💙
Liked by: Mohamed Elnabawy

ها تتذكر أول يوم لك في المدرسة ؟

جداً♥️♥️♥️
كان عاجبني شكل اليونيفورم جدا وكنت مبسوطه بكل حاجه زي مابتكون مبسوط اول يوم عيد كده 🖤كنت حابه الشنطه والجزمه... والزمزميه كنت حاضناها😂💙بابا هو اللي وصلني اول يوم مكنش لسه اشتري عربيه والمدرسه كانت بتبعد عن البيت بحوالي ٤ شوارع مثلا واخدناها مشي واحنا ف الطريق الزمزميه الحامل بتاعها اتقطع🤣قعدت اعيط عياط هستيري وبابا طول الطريق بيحاول يركبهالي 😂وانا بردو اعيط😂لما وصلت المدرسه الموضوع كله كان غريب... مدرسه غريبه وفي بلد غريب الطلبه كلهم مابين هنود وباكستان 😂وبيتكلموا بطريقه غريبه 🤦‍♀️حرفيا نفس مشهد فيلم فول الصين العظيم وفجأه لقيت اتنين بيتكلموا مصري😂❤️❤️❤️ودول كانوا اكبر مني بسنه وهما اللي عرفوني عالباقي وودوني فصلي وهناك قضيت احلى سنين من عمري واتعرفت على احلى ناس قابلتهم في حياتي كنا حوالي ١٥ مصري ومصريه ف الفصل وكلنا كنا أصحاب ❤️❤️❤️
Liked by: Mohamed Elnabawy

أخي مدمن وعندي فكرة عن التعامل مع حالتهم وعندي علم بما يحتالونه مقابل الحصول على جرعة تقدم لي شخص مدمن بانجو لم أعلم بذلك الا قبل يوم الشبكة بيوم تيسرت الأمور بسرعة لكن الآن أصبحت في حيرة هل أتمم واقف معه واعالجه ام انسحب من الان بأقل الخسائر ؟ انصحني

الحقيقه شئ محير جدا جدا ربنا يعينك عليه.... انتي أمام امرين اما انك تكملي وتحاولي لعلك تكوني سبب في تغيير حياه شخص للأفضل "مع ان ده مش دورك ولازم الشخص نفسه يكون عنده استعداد انه يساعد نفسه ويتغير" ف الاختيار ده هيكون متوقف فقط على أنه ياخد خطوه ويقرر يتعالج ومش انتي اللي تعالجيه لأ لازم يروح لمختص واوعى تتممي الزواج على وعود منه انه هيتعالج....... وبين امر اخر وهو ان الحياه اقصر من اننا نضيعها في معافره وحروب خاسره ومتنسيش ان ده هيكون والد اطفالك وفي الغالب المدمنين تصرفاتهم مش بتكون مضمونه يعني وهو هيكون نموذج وقدوه لأولاده فلازم تاخدي ده بعين الاعتبار
بصي والله انا شخصيا حطيت نفسي مكانك لوهله ولقيت اني استحاله اكمل لانه قبل مابختار زوج بختار اب لاطفالي لكن ده مش بالضروره يكون قرارك جايز ليكي اعتبارات تانيه
نصيحتي الشخصيه صلى استخاره واستشيري الاقربين واللي تتوسمي فيهم العقل والحكمه
Liked by: Mohamed Elnabawy

شيء مستحيل تستغنى عنه؟😴❤️

مفيش حاجه كده 😅
او جايز تكون فاكر كده بس مع الوقت بتكتشف انه لا مفيش حاجه متعرفش تستغني عنها او تعيش من غيرها يعني
بس عشان اكون دقيقه 😂يبقى الهوا والمياه مثلا 😂😂
Liked by: Mohamed Elnabawy

ألطف شعور ممكن يمر على قلبك ؟

لما بحس ان وجودي فرق في حياه حد سواء بكلمه او دعم او موقف..... لما بحس اني شخص مؤثر وقتها بكون ممتنه لوجودي في الحياه ككل اصلا❤️✨ودي الطف حاجه بحسها فعلا❤️✨
Liked by: Mohamed Elnabawy

أُمنية عامك الجديد؟..

ان يحيط الله عائلتي برحمته ولا يريني فيهم سوء..... وان يوفقني لما هو خير لي في ديني ودنياي ❤️✨

ليتَك بارعٌ في تجاوز حُزنك ، بقدر ما أنت بارعٌ في إنكاره

fri_ska’s Profile PhotoFri Ska
انا لست بارعه في انكاره ولكنني الأكثر براعه في تجاوزه❤️
الحمد لله ✨
Liked by: Fri Ska

‏الحُب إشاعة ...؟ أطلقها شاعر وحيد و حزيّن ...!

لا خالص والله 😅ده رزق وشعور جميل ❤️لما بيكون شخص مناسب وفي إطار مناسب ❤️

ما هو الخطأ الهائل الذي أرتكبته في ٢٠١٧؟!

😂اشمعني ٢٠١٧
لا الحمد لله انا ناسيه كلت ايه امبارح يعني😅...... اللهم العفو والعافيه وربنا يتجاوز عن سيئاتتا🤲

ربناا يفرحك 🌸

انا ممتنه للحاجات اللي بتيجي في وقتها اوي دي ❤️❤️❤️❤️حتى لو مش بكون انا المقصوده بس بعتبرها كده ❤️❤️
شكراً للناس الجميله ❤️❤️❤️

٣اشياء تعبترها نعمة بحياتك 💭

الحقيقه انا في تزاحم من النعم بحمد ربنا عليه ❤️❤️
لكن لو ٣ بس
١_عيلتي❤️❤️❤️❤️
٢_دخولي طب😅❤️
٣_خوفي من الخطأ ومحاوله التقرب من الله حتى لو انتكست 💔😔

سبحان الله وبحمده سبحان الله العظيم 🌸

عدد خلقه ورضا نفسه وزنة عرشه ومداد كلماته ❤️

• هل صديق الطفْوله مازالّ معكك اليوُم .؟

لأ 😭
هما في بلد وانا في بلد 😂

اللهم اني اعوذ بك من الهم والحزن واعوذ بك من العجز والكسل واعوذ بك من الجبن والبخل واعوذ بك من غلبة الدين وقهر الرجال

❤️❤️❤️❤️

هيا النفسيه محتاجه اي ..!🤔

كل شخص ونفسيته بقي😅🎈
فيه اللي محتاج ركعتين وصفحه جديده مع ربنا✨
وفيه اللي محتاج تصالح نفسي وهدوء داخلي ✨
وفيه اللي نفسيته محتاجه مكان جديد،، أو اكله جديده،، أو حتى شخص جديد ✨
انا بقى محتاجه اخلص سنه٦ واتخرج على خير😭😭

‏فهل لرسالاتِ المُحب جواب؟!

فليتك تحلو والحياة مريرة ... وليتك ترضي والأنام غضاب
وليت الذي بيني وبينك عامر ... وبيني وبين العالمين خراب...

بتحبي تلعبي مع الاطفال ؟

ومين مش بيحب يلعب مع الاطفال🙈❤️
انا عاوزه اتخصص أطفال اصلا 🙈❤️😂

فكرتك صحيحة بس ينقصها جزء بسيط،دراسة واقعنا كويس وليه وصلنا لكده وايه المحاولات الفاشلة قبل كده في التغيير هيؤهلنا لمعرفة الحل الأمثل للتغير وازاي ندير الفترة دي فيما بعد،لو تحبي تشاركي هي دورة قراءة في كذا كتاب ولمدة معينة

فاهمه تقصد ايه..... يمكن الفتره اللي فاتت خلتني اعيد ترتيب أولوياتي اكتر مقصدش ابدا التقليل من وجهه نظرك بس هي كل الفكره عشان اقدر اعمل اللي بتتكلم عنه انا محتاجه تأهيل لنفسي قبل أي خطوه... بغض النظر عن وجهه نظري دي .. بس اكيد حابه أشارك طبعا
+3 answers in: “مين حابب يتثقف ثوريا”

تعرفي ليه وضع دولتنا كده ومين أعداءنا وازاي نخرج من الوضع المتأزم للأمة

انت قلت وضع متأزم للامه 💔... للاسف مش وضع دولتنا لوحدها.... الامه كلها امه ضعيفه قرارتنا مش بأيدينا ولا نابعه من داخلنا نحن امه مُقاده.... ليه وازاي؟
محاولتش اعرف ... مش سلبيه بس احساس مستمر بأنك حتى لو عرفت مش هتقدر تغير حاجه احساس عجز اكتر .... اللي بايدك انك تشتغل على نفسك وعلى محيطك على قد ماتقدر اهلك وولادك يوما ما..... جايز هما يقدروا يغيروا حاجه
+3 answers in: “مين حابب يتثقف ثوريا”

علمي علوم ولا علمي رياضة وليه ؟

ده سؤال ليكي بتاخدي رأي يعني😅
مفيش حاجه اسمها كده..... شتان مابين الاتنين
انت /ي حابب ايه وشايف نفسك فين وحابب تشتغل ايه وحاجات كتير انت الوحيد اللي تحددها
لكن لو بتسأل انا اخدت ايه يعني..... علمي علوم عشان ادخل طب 😂

نا لازم يكون معايا فلوس او اكون دكتور ولا مهندس او ظابط علشان اعرف اشتغل في البلد دي يعني ايه اكون خريج جامعة وعاطل طيب انا محتاج اتجوز محتاج اصرف على نفسي محتاج اشتري لنفسي حاجات اشتغل ازاي وفين

في البلد دي؟؟!!!!
ممكن اكلمك بمجامله او حتى اواسيك واقولك بلد مفيهاش شغل والتعليم ملوش لازمه ونقعد نذكر مساوئ من هنا للصبح.... طيب وبعدين؟؟؟؟؟
اشتغلت؟ لا ولا هتشتغل وهتفضل حاطط في بالك ان العقبه الوحيده هي كونك خريج جامعه في البلد دي ونقعد نعلق اي تأخر على شماعه احنا عملناها
سيبك من كل الكلام ده
محتاج تجاوب ع مجموعه اسئله
١-انت خريج ايه
٢-فيه حرفه معينه بتعرف تشتغلها
٣-عندك هوايه ممكن نشتغل عليها تجيب دخل
٤-اخدت كورسات في مجالك
٥-قدمت على وظايف واترفضت طيب ايه السبب
٦-معاك اي مبلغ حتى لو صغير مثلا او تقدر تتصرف فيه ولا مفيش مجال؟

هل كثرت الإهتمام بالحب تقوي الحب أم تضعفه ؟.

الاعتدال مطلوب في كل أمور الحياه

أجمل شعور انك تدخل الفرحه على روح بريئه.

روح بريئه ولا حتى شريره😂
ادخل الفرحه وخلاص كل ما أمكن ذلك ❤️🌺

هل سبق وتعايشت مع أمرٍ كان يؤلمك ؟

اكييييد
هي الحياه كده😅بس الفكره اتعاملت مع الأمر ده ازاي

Next

Language: English