السلام عليكم ورحمة الله وبركاته
هتجوز بنت لكن هي مش ملتزمه بالزي الشرعي كامل وبتقول انها بتحاول وهتتغير مع الوقت لكن التغير مرة واحده اللي انا بطلبه كشرط للجواز انها تلتزم بالزي الشرعي كامل هي مش قادره عليه مره واحده هل اكمل وفعلا ف ناس بتتغير مع الوقت ولا الموضوع مفيهوش نقاش هي هتشوف الرد
وعليكم السلام ورحمة الله وبركاته
أنا لما بشوف الأسئلة دي ، أول حاجة بتيجي في دماغي نشيد كنا نسمعه زمان آخره : عجب عجاب لو ترى عيناك
آه والله
أنا راجل عاقل ، يوم أما أحب أتزوج أروح آخد واحدة شبهي - العقل بيقول كدا
عشان ما أعذبش نفسي وأعذب البنت لأننا من البداية أساسا تفكيرنا مختلف ، وعشان الحياة المشتركة بعدين حتطلع اختلافات كتير أوي تسبب خلافات ، فبلاش نبدأ العملية من بدري!
طيب ، اتقدمت لواحدة وكتر خيرها قبلت تتغير عشان تكمل معايا ، يبقى أصبر عليها حتى لو الخطوبة حتطول شوية عشان التغيير ما بيحصلش مباشرة أصلا - ولو بصيت لنفسي حلاقيني نفس الشيء مع أي تغيير أنا عاوز أتغيره - فبدل لما أتقبل رغبتها ومحاولاتها ، مش عاجبني !!
هو التغير اللي أنا طالبه بطلبه عشان أحسن منها ولا بطلبه لمجرد إني أأمر فأطاع سواء في الإمكان أو لأ ؟!!
لو البنت بتقرأ الكلام وبتسألني عن رأيي ، فرأيي إما هو اللي يصبر وإما ربنا يخلف كل واحد منكما خيرا من صاحبه ، ويا أختي الحجاب بيتظبط طاعة لله عز وجل قبل أي حد ، وسواء كملت مع الحد دا أو كل واحد راح لحاله ، فمادمت بتجتهدي تصلحي من نفسك - فعليا مش بتسكتيه بكلمتين - فأسأل الله أن ييسر أمرك ويرضى عنك ويسعدك.View more
والله وجهه نظري حسب طبيعيه الشخص نفسه هو لو قابل للتغير ومتفهم التغير وفي الاساس عارف ان الالتزام بالزي الشرعي فرض يبقي تكون
وعليكم السلام ورحمة الله..
طالما ده شرط أساسي عندك اتقدملتها ليه من الأول طالما مش مناسب مع اللي محتاجه؟
لو افترضنا إنها فعلا ناوية تغير طريقة لبسها فهي عندها حق فإنه مش هيحصل بين يوم وليلة ولا مرة واحدة.
لو ليها قابليه من جواها انها بتحاول تلتزم بيه كمل لحد اخر الخطوبه كده شوفها التزمت بشكل كامل و لا اي لو مقدرتش بقي ف ممكن تسيبها
لو بتحبك هترضيك مع الوقت
انا واحد من الناس الي مبحبش كدة..اخطب واحدة بتلبس لبس شرعي كامل، و متجبرش حد..عشان متدخلش نفسك ف مشاكل ع الفاضي..
ده رأيي الشخصي
نصيحة تزوج واحدة تاخدها زي ما بتتمنى بكل حاجة،
ماتغيرش حد ولا تطلب من حد يتغير.
وعليكم السلام ورحمة الله..
مفيش حد بيتغير عشان حد..
اختار اللي يكون فيه المواصفات اللي أنت عايزها من البداية..
ده جواب سؤالك اللي طلبته..
هضيف عليه ملحوظة حاول تراعيها بعد كده في معاملاتك لغيرك..
لما تدخل حياة حد اتعود تعكس الوضع وتتخيل نفسك مكانه وتشوف أثر كلامك وتصرفاتك عليه ممكن يكون شكله إيه..
إيه إحساسك لما يكون وجودك في حياة الطرف التاني مشروط بتنفيذ أوامره ؟ هل شايف أنه شيء عادي لما اللي معاك يشوف غيرك يحل محلك لمجرد أنه هينفذ طلباته ؟
بتقول أن البنت هتشوف الجواب.. هل حاولت تفكر في تأثير سؤالك نفسه عليها لما تشوف كلمات زي (مش ملتزمة / بطلبه كشرط للجواز / هل أكمل ولا ؟ / هي بتقول كذا .. الخ) ؟
متزعلش من كلامي بس أنت مش ماسك عليها ذلة ولا أنت آخر رجل على الكوكب عشان تعاملها بمبدأ (نفذي رغبتي أو هشوف غيرك).. نفس الكلام ينطبق على البنات اللي بيتعاملوا بنفس المبدأ مع اللي معاهم..
آه من حق كل طرف يختار اللي يناسبه.. بس بدون ما يجرح الطرف التاني ويحسسه أنه مجرد خيار متاح وممكن يحل محله أي خيار تاني، و بدون ما يحسس الطرف التاني أنه أقل من تطلعاته..
سؤالك نفسه مفيش فيه مشكلة طالما بتطلب النصيحة.. بس بدون اطلاع البنت على السؤال عشان متتأذاش..View more
+ 1 💬 message
read all
وعليكم السلام ورحمة الله وبركاته..
في بيغيروا تفكريهم بعد الزواج بس مش اجبار، فانت ماخترتش واحده تناسب تفكريك وعقلك ليه من الأول..! انت هترهقها معاك..
اختيارك غلط من الاول طالمة حاطط معايير لشريكة حياتك يبقى تتجوز واحدة زي مانت عايز من الاول ف رأيي انكم مش مناسبين لبعض واهم حاجة هي لو حابة دا تتغير عشان نفسها وعشان ربنا مش عشان حد تاني