@looza_808#16 🇱🇾

Ali R Alkamoshi

Ask @looza_808

Sort by:

LatestTop

People you may like

مـساحة🤍

جملة ف اغنية طليانية تقول :
e che ne sanno gli altri di quando tornavamo tardi pieni di graffi
معناها وشن يعرفوا علينا الناس لما روحنا متأخرين ومعبين خدوش
Liked by: Aya Ali

علاش لعزايز قبل يبنكبو في فراشية ويخلو في عين وحده👀😂

ههههههههه فكرتيني بأيام البيجو 404 وكش تلقيهم التالي ويبنبكو بعين وحده وشادين الفراشية بسنونهم ويطلعولك محل مواد غذائية من تحت الفراشية هديكا لكن العين هديكا اللي يبصو بيها يشوفوا ف كل شيء مش فايتتهم حاجة 😂
Liked by: Aya Ali

في وليد زي العسل يدور في بنية حلال، مش مهم المواصفات المهم تكون مش ترهونية

خوديه أنتي توسديه راه الترهونية مش ميته ع زويله هالزنيلو .

ماتبررش غرابتك ، لأن مافيش حد مر بأحداث قصتك🤍.

هوا هذا وقت تعفس ع النار برجليك مافيش حد يتحمل عليك صهدها .
Liked by: Aya Ali آمي

هل تعبد الله خوفا من عذابه ، أو طمعا في جنته ، فكر براحتك ولا تتسرع !

lolita12022’s Profile Photoآمي
طامع ف عفوه ورحمة والنظر لوجه الكريم
أسأل الله أن يظلنا ف ظله يوم لا ظل إلا ظله 💚
Liked by: Aya Ali آمي

علاش مداروش قانون ينص علي " ملكية شخص معين وإنه ملك خاص لشخص اخـر " وممنـوع المساس به من أي جِـهة كانت .. قلوبنا تعبت من الغـيرة علي ناس ماليهاش ذنب إلا إنها تعدّت علي حاجات او شخص يخصنا.

صح مفروض يركبوله طارقة ع جبهته وله .
Liked by: Aya Ali آمي

تحب فكرة انك تاكل خضرة لما تكسد بدال الشيبسي والمقرمشات

فكرة حلوه وجميلة حتي فكرة شاهي أخضر بالزيوان حلوه راه مره قالهالي واحد وجربتها قعدت نزوزي ف الحوش تقول بركاديلو .

استاحشته هلبا و ليا يومين (واني معش نبي نكلمه لان اني لي ديما نكلم فيه و هو بس يرد) نكلمه ولا نفوت ، جاوبوني بكل صراحة

وزارة الشؤون الأجتماعية ف شارع الجمهورية خلف المرجعي امشي للوزيرة طول وفاء الكيلاني قوليلها أنك من طرفي توا نكلمها غدوا باذن الله إتملك وراقيك .
Liked by: Aya Ali آمي Amal

زر إعادة ضبط المصنع متاع القلوب والدمغات وين؟

afaqir6672A’s Profile PhotoAsma Faqir
أضغطي ع السُره ثلاته مرات كان ماصار شيء معناها خليك ضاغطة ضغطه مطوله
Liked by: Aya Ali آمي Amal

هل تعتبر نفسك جيداً في إسداء النصائح للآخرين!؟

wateen90585’s Profile PhotoSa__ja
الحق ياربي انا أنسان نعطي ف نصائح لكن ماقدرتش ننصح روحي ياشينك برديلو 😁
Liked by: آمي Aya Ali Sa__ja

سؤال: لو ظلمك شخص وعندك أسراره تفضحه؟

كان ظلمني حسيبه ربي مش لدرجة نفضحة مع أحترامي جو كلاب بصطارديا هذا
الستر باهي ياخوي الله لا يفضح مؤمن

تلقاها كبيرة فالعمر وطرف زين وجمال وأناقه ومش مخطوبه #ليش_سؤال_محيرني...!!!!

نصيبات خوي اهوا انا حياتي كلها فوتها كساد ولايكات لنسرين طافش ع انستقرام وف النهاية شني تزوجت ولد شارعي الزميطة
Liked by: Sa__ja Aya Ali

نبي نتزوج الثانية شنو رأيكم بصدق ندوي جد ؟؟

غير نتزوجوا الأولي باش تاخد راينا ف الثانية
نبي نتزوج الثانية شنو رأيكم بصدق ندوي جد
Liked by: Sa__ja Aya Ali

شن يحسو الولاد لما بنت ترفضهم بدأت لو عاجبتهم هلبا وقالت لا اكثر من مرة

أنا ولد عم فلان راهو فلان تعب رفعناه المستشفي
Liked by: Sa__ja Aya Ali ßŏfặ

علاش الراقيين ديما يخلو شوية من العصير في آخر الطاسة

أتيكيت وتلقي هالشوية اللي خلاها ف قعر الطاسة روحه فاها مورقلهم ولكنه الكبرياء يا ألاء 😁
Liked by: Aya Ali Amal

ايوه احني نتكلمو بالايطالي حسداتك 🤭

ريتي هالحاجة المقومة اللي حسدتيني عليها ولا هاللسان اللي يدوي 7 لغات
Liked by: Aya Ali Amal

علي كيف تعلمتها الايطالية ومتقنها انت ميه ميه ولا لا لان خاطري نتعلمها 🤭

تعلمتها مخالطه ف الاول ومش متمكن فيها ميه ف الميه لكن قول 65٪ كيف بنفهمهالك اغلبها مصطلحات شوارعية لكن ساهله تتعلميها هيا كلها كلها 21 حرف المهم اعرفي كيف تنطقي الحروف بس وخبطي حاتتعلميها
Liked by: Aya Ali Amal

ابيخ شعور لما تحط تلفونك فشحن قبل ماترقد وتنوض تلقاه ميشحنش😀💔

مش ابيخ من شعور لما تروح للحوش من اهني والضيء يهرب من هني وكلها تفنصلك واطرم شواربها تقول أنت اللي مهربه

Next

Language: English