@lorsen11

Aya

Ask me anything Follow
Ask @lorsen11

Sort by:

LatestTop

Previous

احكى موقف مضحك ?

ماما دخلت من شوية قالتلي مفيش مرة الاقيكي بتذاكري ؟ دانا معرفلكيش كتب يا شيخة ومكتبك مش فوقه غير اكل ومناديل وايه كمية الاقلام دي أنا مش فاهمة ! حتى ما طلبتي فلوس للكتب ولا الكارنيه ولا بشوفلك كتاب واحد حتى انتي متأكدة إنهم مسجلينك في الجامعة أساسا؟ :'D
بس بطريقة كوميدية ووهي متعصبة ف ضحكت ?
2
Liked by: mamdouh taghian Nada elsheikh

Related users

KareemAbdElhafez’s Profile Photo Kareem
ZIZOWageh’s Profile Photo Abdelaziz Wageh
tasneem664’s Profile Photo Tasneem
Rehab_Abd’s Profile Photo Rehab Abd Elkawy
mahmoudshokry209’s Profile Photo Mahmoud Shokry
siM96081’s Profile Photo Aly
adelelgendy19950279’s Profile Photo Adel

بس دا شغل بتعبي وعرقي جايزين عندكم يعني ايه

أنا مش متخيلة إن في حد لسه بيفكر كده أقسم بالله ، بدل ما يعمل أي شئ يسلي بيه وقته أو يتقدم بيه خطوة لقدام ، أول مرة اقول كده على آسك بس أنا حقيقي مشفقة عليك انت من كتر الفراغ ماشي تلف على البنات تقولهم كده يخرب بيت الذل وفاكر إن اخفائك لليوزر هو اللي هيخلي كرامتك متتداسش بال"جزم" مشفقة على أمك أو أبوك لو شافوك بتعمل الهبل دا والله والله لو سمعت إن حد عمل كل ذنوب العالم و مريض ممكن اتعاطف معاه والله لو كان ألد أعدائي ، لكن أمثالك لو بيموتوا قدامي هقف قدامهم أتفرج ولما يموتوا مش هحس بإن شئ حصل وبحلفلك ب والله ياخسارة أي مليم اتصرف عليك والله
2
Liked by: امل اشرف Nada elsheikh

عادي ولا لا اشتغل عند بنت اخدمها والبسها جزمه

لأ مش عادي لو كوتشي كان ممكن أوافقك بس كده اتسدت لا يجوز ، صندل عادي برضو
1
Liked by: Nada elsheikh

What things do you use every day?

بحس الأسئلة دي تجسسية مش عادية أبدا
بتحطي ايه في شنطتك دايما ؟
بتثقي في مين ؟
اسم اخواتك وعددهم ؟
منين في أسيوط ؟
بتستخدمي ايه كل يوم ؟
5
Liked by: A7med Alsbah ندي Qassem ♣ Nada elsheikh

هتقوم تلاقي ميدترم وعملي وكويزات وملخصات ف ديلهم فاينال واورال ف كل خططك تفشل وترجع لكئابتك

طالما واخدة قرار مكتئبش يبقى مش هيهموني كل دول لمؤاخذة B|
4
Liked by: ندي Fatma Ahmed Nada elsheikh ندى

لو انا معجب بواحدة بس مش هينفع اروح اقلها او حتي اكلمها فيسبوك لاسباب كتير.. اعمل إيه ؟!

تتققدملها وتترفض أو تتقبل غير كده لو انت مش جاهز لأي سبب تبقى بتضيع وقتك و بتهدر مشاعرك وممكن في سكتك تهدر مشاعرها معاك و دا على فكرة القرار الصح الوحيد كل وأي قرار تاني هيكون فيه خطورة
عندك مثلا إنك تبعتلها صاحبتها وساعتها ممكن صاحبتها تحكي لكذا حد القصة أو يا إما تقول لصاحبتها فتصدك ويعملوك مسخرتهم هما الاتنين ف تكره المكان اللي بيجمعك بيهم يا إما تقولها فلان عايز يكلمك فيحصل حاجة من اتنين يا إما ترفض عادي أو توافق ولو فرضنا إنها كانت بتبادلك نفس الشعور وقررت تستناك ف كونك مش جاهز دا هيحسسك بالعجز قدامها أو إنك مش راجل لإنك قليل الحيلة فتتضايق من نفسك وتكره حياتك برضو
هتقوللي طب مانا ممكن لو إتقدمت أترفض من أهلها مش منها هي !
هقولك ما هي وأهلها واحد ولا انت هتدخل وتعمل فجوة بينهم وتعيش مع ناس مش حابينك ومستقلين بيك؟
أنصحك تعمل زي ما قولتلك ولو عندك أفكار تانية قوللي يمكن أنا فيه قرار أصح بس معنديش علم بيه أو مفكرتش فيه :3

View more

5
Liked by: ندي Fatma Ahmed mohamed gamal Nada elsheikh ندى

ازاي نخرج من فترة الحزن دي؟

تسألي الشخص الصح
و تاخدي قرار متكتئبيش مهما حصل أو متكتئبش لإن في تغير الفصول في ناس بتكون معرضة للإكتئاب خصوصا فترة الشتا دي الأولاد بيكونوا معرضين أكتر لإكتئاب تغيير الفصول حسب احصائية اتعملت ، والحقيقة الحزن حله المثالي هو إنك تدور على حل المشكلة ولو مفيش حل يبقى يا إما ننسى المشكلة ودا حل صعب يا إما نركنها لغاية ما يجد جديد فيها علشان للآسف الحزن مش هيغير شئ سلبي لإيجابي ولو الحزن بيغير حاجة كنت لقيت البلد دي كلها حزينة وبتطلم :D
يا إما تفضل تنكت وتهري في نفسك لغاية ما تكتئب والكورة في ملعبك تقدر تختار بس الحل اللي أنا كآية بفضله يعني هو إنك تاخد قرار متتضايقش ولا تكتئب مهما حصل ، في الأول هتلاقي مشاكل الدنيا كلها جات فوق دماغك بعد القرار دا وكل حاجة حواليك هتقولك إن القرار دا سخيف ومجرد تنمية بشرية ملهاش لزمة إسمع الأصوات دي واضحك على هيافتها دي أصوات طبيعية جدا وابعد ابعد ابعد عن أي حد عنده مشاكل وبيحكيهالك كل يوم لغاية ما غمك مقصدش اصحابك المقربين جدا أقصد اصحابك العاديين اللي عندهم ألف غيرك وحتى لو معندهمش ألف غيرك أو معندهمش غيرك اصلا ف مش وقتهم خالص في الفترة دي لإنك من كتر ما هتفضل تسمعهم هتكتئب دا بشهادة كل الناس اللي جربت يعني إن حد يفضل يحكيلها مشاكل كل يوم :D
صاحب ناس مفرفشين ومتشتكيش لحد مهما حصل ، ليه بقى ؟
لما متشتكيش لحد وتترمي على السرير بائس حزين ويفضل مخك يقولك انت محدش بيحبك ومحدش بيعملك حساب والكلام دا و محدش فعلا يعبرك واللي يعبرك ميحسش بيك مخك ساعتها هيقولك لأ دانا أقوم بقى وأكمل حياتي علشان اثبتلهم إنهم مش مهمين ، هتقوم هتلاقي مفاجأة مش هحرقهالك بقى في الآنسر دي

View more

2
Liked by: ندي Nada elsheikh

قولي آخر معلومة ذاكرتيها؟

الشخص لما بيحمل وزن تقيل بيميل للتعويض ف بيميل لتوسيع أحد أطرافه علشان تعادل الوزن التقيل دا يعني لو شايل في إيدك اليمين وزن تقيل ف غالبا هتملي لفرد ايدك التانية أو تحريكها وعلشان كده الناس اللي فقدت إيد بيركبولهم ايد صناعية حتى لو مش هيستخدموها علشان ميحصلهمش تشوه دائم في العمود الفقري
5
Liked by: ندي Mohamed rashad Fatma Ahmed Eman gamal Nada elsheikh

قولي التلاتة ؟

شخص ندا
شئ يبقى اليوتيوب و خصوصا قنوات معينة
زي أسلوب وإبراهيم الفقي وأوديو لابي و تيد وإيجيكولوجي و شوية فيديوهات من كذا قناة بعد كده
وفيه الكريب والبيتزا دول اكلتين مميزين بالنسبالي
لكن صفة معرفش بس بحب الناس اللي دمها خفيف أو عقلانية وبتقبل النقاش
انتي كان قصدك أقول أنهو في دول في الأول ؟
3
Liked by: ندي Mohamed rashad Nada elsheikh

عايزه اجيب تقدير كويس بس العوائق كتير +عايزه اخلص السنه دي بشياكه ف اعمل ايه قبل م تخلص يحسسني اني انجزت فعلا ؟

العوائق والظروف والكلمات دي أكتر كلمات مبحبش اسمعها ولا اقولها ولا أدي مبررات لأي شئ أيا كان دي حاجات وهمية أساسا لإني لو قلت كل اللي هيجيب جيد جدا هديله مليون دولار هل برضو هتفضل عندك عوائق ؟
برنارد شو كاتب أجنبي قال :
يلوم الناس ظروفهم لما هم فيه من حال لكني لا اؤمن بالظروف فالناجح في هذه الحياة هو من يبحث عن الظروف التي تلائمه فإن لم يجدها يصنعها لنفسه
ف مش مسألة عوائق .. كان عندنا معيد أول ترم ليه جاب في كل الميدترمات زيرو إلا الرياضة لإنه كان علمي رياضة و في آخر شهر كان فهم النظام اتلم وذاكر وطلع الأول عادي جدا لإنه اخد قرار ليس إلا
عارفة ؟
أنا موصلتش لحاجة كويسة أيا كانت من اللي أنا فيه دلوقت غير بمجموعة قرارات .. زي إني مكتئبش أو أخس أو أبطل أستنى حاجة تحصل فتغيرلي حياتي أنا فضلت كذا شهر مستنية أي حاجة تحصل تدفعني اذاكر أو تدفني اصلي أو تغيرني للأفضل وفضلت قاعدة مكاني مش بسعى أند جيس وات ؟ الدنيا كملت عادي جدا وحياتي متغيرتش ف أدركت إن مفيش حاجة هتيجي تغيرنا للأحسن احنا اللي لازم نتحرك ، بالنسبة لإنك مش عايزة تحسي السنة ضاعت ف كل يوم من الساعة 11 للساعة 12 استغليه في القراية بما إن معاكي كارنيه مكتبات استعيري كتب واقريها لغاية 12 الا تلت وبعدها شوفي فيديو على قناة ted بالعربي أو قناة أخضر ، وكل ما تحسي نفسيتك هبطت اسمعي قناة أسلوب وإبراهيم فقي
وبصي بما إنك باعتة السؤال دا ف دا معناه إن عندك وقت فراغ ف استغليه أقله في المحاضرات اللي ملهاش لزمة بس فيها درجات حضور اقري أي كتاب حلو
وفيه كتب في صورة روايات حلوة زي صراع جورجيت على حسب ما فاكرة يعني
وفي الأول والآخر عايزة اقولك استشيري حد يفهم عني لإني مش سايكولوجيست ف مش هقدر أفيدك إلا برأي شخصي

View more

5
Liked by: Eman gamal Mohamed rashad امل اشرف Ibrahim Nada elsheikh

Can you detect someone personality just from what is he or her writing in social media ?

آه بصراحة وبيفضل إنطباع السوشيال ميديا دائم عن انطباعي اللي كونته من كلامي لايف
2
Liked by: ندى Nada elsheikh

What is your definition about " perfectionist " ?

الشخص المثالي اللي كل كلامه باسم الدين اللي هو أنا هقفل سلام ، لا إله إلا الله في رعاية الله ربنا يحفظك .. والسرير مفيش بيني وبينه غير بلاطة
أو اللي من غير ما تسأله عن أي شئ يقولك أنا جبت تقدير كذا ، أنا قفلت كذا
طيب أنا مخنوق ! روح صلي ركعتين لربك وهتبقى كويس
1
Liked by: Nada elsheikh

ما انتي كنتي شبح اهو يا آية :D .... طلع ليكي في الكتابة ؟ ^^ https://ask.fm/lorsen11/answers/113375050919

الحاجات اللي زي دي بتثبتلي عقم التعليم بتاعنا بجد
اللي هو الشعر المناسب للجيل المفروض العامية واحنا كنا مبندرسش غير فصحى وأحمد شوقي والمساء وعنترة ف ليه مندرسش من الفئتين عادي يعني ؟ أو مندرسش شعر اصلا لو مش هندرس من الفئتين بس المهم يعني أنا بطلت شعر خلاص معرفش هل لو كانوا دول بوادر موهبة الموهبة راحت فين ولو كانوا مش موهبة وكلام فاضي ف ازاي كانوا موزونين بشكل مش وحش كده بكتب فصحى بصي دي :
خُلِقٙتْ أنثى قرّٙرٙتْ تجاوز كل الصعوبات في هذا الجزء من مصيرِها ولا أعنى بذلك أنّٙ الذكورٙ هم أفضلُ من الإناث لكنّٙ لكلٍ خلقٍ تحدياته ، وربما تحدياتُ الأنثى أكبر فهي تلك التي تنشأ على أن التعليم هو أسمى شئ في الوجود ولأجله ولأجل العمل خلق الإنسان فتنضج وتدرك أنهم غفلوها بتلك الحقيقة والحقيقة تكمن في أنها أنثى خلقت لتتزوج فقط هذا وتنجب أولاداً وبناتاً ، الأولاد للسعى والبنات لتربية الأولاد وإنجابِهِم أيضاً فقط هذا ، ماذا عن ما رتبته لنفسِها ولحياتِها ؟! نأسفُ عزيزتى تعليمُك غيّٙرٙ فطرتٙك ، نأسفُ لِأنّٙ تعليمٙك أصلاً تعلمته لتعلمِيه للأولاد والبنات لِيُعٙلِّموه لأولادِهن لكنِّى لا أثقُ في صدقِ تلك الأقاويل ، فإن ماتت الأنثى أظنُّ أنّٙ الرجلٙ سيكونُ قادراً على تربية الأولاد أى أنّٙ وظيفةٙ الأنثى حصرٙها المجتمع فى الإنجاب ولا أؤمنُ أنّٙ وظيفةٙ الأنثى العمل دون الزواج ، لأنّٙ لو هذا الصحيح ف لِمٙنْ تعمل ولماذا أصلاً ؟ ودعونى أهدمُ فرضيةٙ أنّٙ الأنثى خُلِقٙتْ للعملِ والإنجاب والتربية ف لو هذا صحيح إذاً ما فائدةُ الرجل ؟! الأقرب لعقلى أنّٙها خُلِقٙتْ للعمل وإن توافرٙ الزواج فيُمكِنُها اختيار التمسك بالعمل والتخلى عن الزواج أو الزواج دوناً عن العمل أو المزج بينهما وإن لم يتوافر فهو مجرد زينة للحياة وليس أساسياً أى أنّٙ المال والبنون زينة الحياة الدنيا لكنّٙهم ليسوا من أساسياتِها

View more

1
Liked by: Islam Abdel Shafi Ammar

مساحه

أسلم شعور هو اللا شعور
لم أكن أدر حين تركت القراءة لوهلة أن لها ارتباط وثيق بالكتابة ! ف فاقدة للشعور مثلي ماذا ستكتب إن لم تقرأ ؟ أتستمد ترياقا يساعدها من الأفلام التي تشاهدها يوميا ؟ لو فعلت هذا ستعتبر بكل معايير الحكم سارقة حتى وإن كانت لم تسرق الفكرة كاملة فهذا ليس
Web developing
يمكننا إعتبارة مكملا للجرافيك مثلا !
بل سرقة .. لكن أنظري للجانب المشرق يا عزيزتي فأنت لم تسرقي أبدا لكنك أيضا لا تقرأين ما قد يدفعك للكتابة ولا حتى للإبداع بالحروف كالسابق حين كنتي في الثانوية فتدرسين اصول علم النحو والبلاغة ف تكتبي بتلك الأساسيات لكن أنظري لك الآن ؟ لست بقارئة ولا فيلسوفة ولا تتقنين لغة أخرى غير العربية بشكل كامل بفضل الكلية، الكلية التي كما أخبرتني في السابق بأن أساس نشأتها كان منبثق من دولة أجنبية آثرت أن تقضي على كل علماء القرن في بلدتنا التي لا تعني أحد ف بنت أول جامعة وبناها أصلا رجل أجنبي عنا إدعى أنه واحد منا والله يعلم إن كان حقا يريد مصلحتنا ببنائه لها أم أن هذا السبب الظاهر وهناك سبب خفي دفين لا يعلمه إلا الله
لكن التفسير الأقرب لقلبي أن سبب بنائها كان من الدول الأجنبية التي أرادت خسف علمائنا أما لو كانت الفكرة فكرتنا ف حينها يصدق قول نجيب محفوظ بأن الدول الصهيونية لم تفعل بنا ما فعلناه نحن بأنفسنا ، أتراني أكتشف السر الحقيقي وراء بنائها ؟ أو أتقبل شخصا يخبرني بأن هدفها العلم ؟ أي علم ذاك ؟ إنها حتى لم تعطني القليل من الوقت لنفسي ولم تعطني أقل القليل من العلم والذي يمكنني من ممارسة مهنتي بإتقان لو إعتمدت عليه وحده

View more

4
Liked by: Muhamed Wageh h , o , b , a ,, Islam Abdel Shafi Ammar Mohamed K Amer

مقطع من اغنيه معلق معاكم

والله مفيش ، أنا مليش تقل على الأغاني أوي معرفش ليه بس فيه مشهد من فيلم ويجا معلق معايا لما هاني سلامة قال :
هتفضلوا تاكلوا في بعض دايما وتكرهوا بعض لإنكوا بتحاولوا تدوروا على أسباب للكره مش للحب ف طبيعي هتلاقوا
مش فاكرة النص بتاع كلامه بس دا التوتال يعني :D
وفيه جملة للحلاج بحبها بس مش بحب الأغنية اللي اتغنت فيها
" مالي ومال الناس إن مالوا وإن عدلوا ديني لنفسي ودين الناس للناس "
وفيه جملة من الإرهاب والكباب دايما معلقة معايا
" - هو مفيش حاجة هترخص ؟
فيه ، أنا وأنت والأستاذ دا هيرخص والآنسة "
برضو جملة دا مضمونها بس مش فاكرة النص تحديدا
وفيه جمل كتيرة ليحيى الفخراني بس دول مبيجوش في بالي إلا لو فيه موقف معين دفعهم إنهم يجوا في بالي
4
Liked by: Nada elsheikh Fatma Ahmed Islam Abdel Shafi Ammar Muhamed Wageh

إذآ كآنتْ السعٓآدةُ شَخصٓاً ، فَمنْ هُو ذَلِك الشَخصّ ؟

في الحقيقة لما كنت بجاوب الاسئلة دي كان بيحصل حاجة من اتنين يا أنون
يا إما نخسر بعض أنا والشخص بسبب الحسد ودا فعلا حقيقي حصل معايا مرة يا إما بكتب اسم حد ف يظهرلي شخص من اللا شئ يقولي طب وأنا ليه لأ ؟
ودا بيكون موقف محرج جدا
ف منعا للإحراج هذكرلك اسامي ناس مشهورة وفعلا لما بتضايق بدخل عندهم وأفرح
أحمد سمير بتاع إيجي كولوجي
آسك أحمد عبدالمنصف
أحمد عاطف ونادر بكر ودول سكربت رايتر ساخرين
عمرو أبوزيد ودا شاعر ليه بوستات ساخرة
إبراهيم الفقي ودا مش محتاج تعريف طبعا
والشيخ مبروك عطية بحب إجاباته الساخرة دايما
هموت واكتب اسم واحدة كدة بس لأ مش هكتبه علشان الأسباب اللي قلتها فوق
ممكن أستغل بقية السؤال واكتب قنوات بحبها على يوتيوب
أسلوب Oslop
Ted بالعربي
Egychology دول أساسيين بجد
لكن مؤخرا عجبوني دول جدا
Ahmed Shahin
Nacked science
Crashcourse
6
Liked by: Walaa Mohamed امل اشرف Ahmed Gomaa GH Zezo ندى

???اه والله لقيت يازمين ومش عارفه مين بتقول تلاقيكي انتي وممنشنالك

AmoshaAshraf’s Profile Photoامل اشرف
حبيييبي بصوت الراجل اللي مش فاكرة اسمه وطلع في فيلم زكي شان بدور حرامي وعصابة دكتور عمر في دور حرامي برضو عارفاه؟ ?
3
Liked by: ندى Yasmine Nasser امل اشرف

كيف تحب أن تبدأ المحادثات؟

السؤال دا لف آسك كله ، ممكن الشخص اللي بيبعت السؤال يوضح الهدف منه ؟ :'D

انت بتهتم انك تكون محبوب بين الناس...

دا سؤال ولا اتهام ولا مبعوت بالغلط ولا ايه ؟
عامة أنا كنت كده بس دلوقت لأ مبيفرقوش معايا
2
Liked by: Taghreed Ahmed Yasmine Nasser

إلى حد ما فى بس مش فارق كله مش فارق و محدش فاهم أو فى ناس فاهمه بس بتتفرج بس مبتعملش حاجه.

عارفة موقفك وفاهماك جدا ، لما كنت بشتكي لصاحبتي ساعتها اتهمتني بإني فرفورة ! الكلمة دي ساعتها كرهتني فيها بس فوقتني ، مش من حق حد يحس بزعلنا مهما كان مين علشان كده تفهمت فكرة انك بعتت شاوت اوت للناس لإن طبيعي محدش في حياتك هيتفهم دا ، قبل ما انسى اقولك .. انزل تحت في الاسئلة هاتلاقي بنت قايلالك كلام اقراه
وبص من النهاردة ابدا نام بدري واصحى الفجر اقرا كتاب لمدة ساعة وساعة رياضة وانت بتشوف كورس وبعدها انزل مارس حياتك سواء شغل أو دراسة وارجع روح جيم أو حصة أو أيا كان و اشغل نفسك في مذاكرتك أو الرياضة أو الكورس واتحدى الاكتئاب ..واحدة تانية شافت السؤال دا وبتقولك لحسن حظك انك شخص عنده دين سواء مسلم أو مسيحي لإنك كده مدرك ان دي دنيا قصيرة مهما طالت وعلينا اننا نجهز للدنيا الدايمة و نقدم ليها
وإياك إياك تستسلم للاكتئاب
ربنا يهون عليك والله كذا حد قاللي اقولك انك لازم تشد حيلك وكلام مثالي من دا بس مش شايفة انك محتاجه انت محتاج تصبر شوية وتحتسب وتعملهم صدقات جارية كتير

View more

3
Liked by: Ahmed Gomaa امل اشرف

Next

Language: English

4.1

1,266,418 reviews
© Ask.fm 2024