انا بس دايرة أقول اَي زول حاسي روحه مخنوق او زهجان او اَي حاجة بالشكل دا و ما لاقي زول يتكلم معاه و يشكي و يحكي،انا موجودة في اَي وقت مستعدة،الكبت ما بساعد و مرات الزول ما بيلقى زول يتكلم معاه و انا عارفة سوء الاحساس دا فدايرة احاول اساعد غيري لمن انا ما لقيت زول.
اَي زول و في اَي وقت،بس رسل.
بت خالتي نفسها، ما بقدر اقول ليها لأني بخجل ولأنو ممكن تفهمني غلط، الموضوع بس دايره تعرف انو انا بحترمها وبقدرها شديد لأنها قايلاني بكرها والموضوع هو العكس
يلا ده احلى كلام منك والله ♥ انك بتقدرها وبتحترمها شديد عشان كده ما حابي انها تحس انك بتكرها وكده غايتو انا رأي احسن حاجة تعملها انك تكلمها بشعورك تجاهها يعني مرات الناس ممكن تكون احلى اخوات بس الشيطان وسوء التفاهم بخش ويخرب علاقة حلوة شديد فأنت تتكلم معها عادي (اتكلم معها عن حالها وكده وبعدين عادي قول ليها انو ياخ انتي زي اختي والله وانا بعزك وبقدرك وبحترمك شديد والعفو لو بدر مني اي تصرف يدل على العكس وانا ما بحب اشوف اختي زعلانة مني وبس) بعداك ابقى الموضوع في يدها لو هي انسانة طبيعية حتتبسط شديد بكلامك ده وتكونوا احلى اخوات بس لو حصل العكس ابقى اكسر حنكها ساي #معط
في حاجة عايز مساعدة فيها.. عندي بت خالتي متزوجة وعندها ولد وبت، المهم انا بحبها وشايفها زي اختي وبحترمها شديد بس ما بقدر اكلمها بالكلام دا لأني بخجل منها وخايف اخليها تحس بغرابة وعدم ارتياح واخرب قدر الفي بيناتنا... اسوي شنو؟