اليوم شفت فيديو لصديق بالتنميه البشريه وحكى جمله جداً رائعه "التجارب هي يلي بتصنع النجاح والفشل لا يعني عدم النجاح طول ما في محاوله ) الخساره الحقيقيه لما تستسلم وتترك طموحاتك طول ما انت بتحاول انت حدا قوي وناجح 👌
في بنت تعرفت عليها بس كونه صار في شعور متبادل خفت اوقع معها باشي حرام فبعدت عنها و بتأمل انه ييجي الوقت المناسب الي اطلبها من اهلها رسمي و صرلنا تقريباً خمس اشهر بنحكيش بالمرة ولا بشوفها و لا بتشوفني و قطعت كل طريقة للتواصل بس هسا مشتاق الها كثير ارجع احكي معها !؟ ولا لا يا ريت تنصحوني
لحتى تكون مبسوط وحدا عنده قناعه ورضا بحياتك 👌تأكد انه ما في سعاده كامله وما في راحه برضو كامله وما في انجاز بلا تعب وما في تميز ونجاح بسهوله ،الحياه حلوه بمرها وصعوبتها بعض الاحيان لانه بتعرفنا قيمه الاشياء والاشخاص واللحظات ،المصاعب بتخليك تقدر قيمتك وتقوي شخصيتك ازا كنت حدا ايجابي وما انجرفت للضعف والسلبيه بحياتك ✋
قبل شوي كنت عم بحضر فيلم للمغني التركي مسلم جورجيس،طبعاً يلي خلاني احضره انه القصه حقيقيه،لقبه كان اب الاباء وكان حدا جداً شعبيته قويه متواضع وطيب وبحب المساعده للناس ،تعرض للضرب والظلم بصغره وكانت امه تنضرب قدامه وابوه حدا مدمن ع الشرب وما درسه بالمدرسه ليشتغل ويجيب فلوس كونه من عيله فقيره جداً ،صوته كان مميز بالمواويل وحب يشارك بمسابقه غنائيه فشوه ابوه شعره لحتى ما يقابل اللجنه لمنظر شعره بس هالشي ما زاده الا اصرار وشارك بالسر وامه شجعته ودعمته وبس عرف ابوه عصب وشرب كتير ورمى بنته الرضيعه وماتت طعن مرته لانها حاولت ادافع عن ولادها وماتت كمان ،ربى اخوه الصغير وكمل حياته بصعوبه ليوصل لحلمه وبنفسيه سيئه لذكريات طفولته وقتل امه قدامه وبعد سنين صار مشهور وصاحب اكبر سلسله البومات غنائيه وبطوله ادوار ل38فيلم ...كانت رساله الفيلم انه هالقصه ممكن تكون حقيقتها بتشبه كتير مواقف بحياتنا وبنعيشها لتمنعنا من تحقيق كل شي بنتمناه ،بس لازم كل شي يكون دافع لنكمل بقوه ،الاب مسلم ترك وراه رساله انه كونوا اباء للناس بالانسانيه وحب الحياه والاحلام ،لا تكونوا متل وجه ابي عليّ بالحياه #لام الميم