Ask @lwuarkhalil:

- أكـتب تآريخ لـن تـنـسآهُ أبداً فـي حـيـآتِكـ ..؟ 💗😴

nadeen salhab❤️
21/2/2018 بهاد التاريخ صار اللي معروف ب فرحة ما تمت كانت كلها دموع بالنسبة الي كلها نكد كلها حزن..
بهاد اليوم تمت قراءة الفاتحة تبعتي ع الشب اللي حبيتو وحبني وطول واحنا قاعدين كانت الدموع بعيوني وما عرفت اتهنى بالقعدة من دموعي اللي فضحتني ومش دموع فرح كانت دموع زعل..
دخلنا نقعد مع بعض انا واياه وما سكتت ابدا من كتر ما بكيت وتنهدت...
بعد تلات ايام بالزبط تم فسخ الخطبة بسبب الأهل وتم قطع النصيب لأسباب تافهة جدا...
بالزبط هيك عبارة يا فرحة ما تمت😢
............
2/2/2011 صحينا قبل صلاة الصبح بشوي ع صوت عمي وعمتي ومرت عمي
اخدو امي ع المطبخ وحكولها انو ابوي توفى صحينا ع صوت بكي امي سمعت امي ورحت ع طول عندهم اجت امي حضنتني وحكتلي ابوكي مات يا لوار ابوكي بطل موجود خلص راح 😭😭
هالكلمات هدول مش قابلات يروحو من بالي رغم انو عمري كان 11 سنة وكنت جديد مكملة 11 ومن يوميتها وصار اسمي اليتيمة 😢😢

View more

لوار - 🦋

W ~ A ~ E ~ D
ألا تدري كم الأمرُ مخيف، أن لا تؤمن بالسحرِ والشعوذةِ او ما شابه، ثم تكتشف أنكَ أنتَ مُصاب بالسحرِ الذي لا تؤمنُ به، ان تعتبر كل ذلكَ خزعبلاتٍ وأحاديثُ أناسٍ لاختلاق المشاكل بينهم!!
رغمَ أنهُ مذكورٌ بالقرآنِ والسنة ومؤكد وجودهُ ، لكن لا تؤمن به!!!
ثم فجأةً يُقالُ لكَ أنكَ مُصاباً به، وأنكَ من ضحاياه؟!!!
يا إلهي ما الذي تقولهُ يا رجل أنا مصابةٌ بالسحر؟؟!!!
لكنني لا اؤمن به أبداً ! !
ما هذا الذي أسمعهُ كل هذا كذب !!
لكنهُ أمرٌ واقع لا يمكن تغييرهُ أبداً😞
كنتُ استهزأ بكلِ هذا ، وكنت أرفعُ صوتي ضحكاً لسماعه، وكنتُ اعتبرهُ شيءً تافهاً لا يمكن ان يكونَ حقيقة؟! لكن الواقعَ أصدقُ من اي تفكير ، لماذا لا يكون خيالاً، أنهُ أمرٌ مخيف جداً ، إنَّ قلبي لا يتوقفُ عن مشاعر الخوف،! وعقلي دائمُ التفكيرِ فيه،!
انا خائفةٌ جداً😭 كيف أخرجُ هذا من رأسي كيف كيف؟؟؟!!
لا أملكُ سوى الدعاءِ لربِ العالمين🙏

View more

في بلادنا فقط✋ ان البنت تحب وترتبط يبقي عيب وغلط ومش متربيه 😐 لكن الولد يبقي دنچوان وسابق عصره ومفيش منه اتنين😏

Re5ma Hanem♡⃛︶︿︶
لان احنا مجتمع ذكوري كلشي مسموح للشب وعايشين ع كلمة الشب ما بعيبو اشي لانو شب بس البنت لا انو اقل غلطة الها قال ضياع لمستقبلها وسمعتها ولو البنت حبت شخص معين وارتبطت فيه يعني البنت خانت ثقة أهلها البنت مش متربية البنت فش حد يضربها يربيها يوقفها عند حدها أنها جريمة اللي عملتو وفي بعض الناس بتوصل عندهم للقتل بس لمجرد أنها حبت شخص
بس الشب اسم الله عليه خزااااة العين صلاة النبي كل ما زادو عدد البنات اللي بحكي منهم اووه والله هيو زلمة البنات بحكو معو وقاتلات حالهم عليه ومدري شو
ووقت يروح يحكي لاهلو انا بحب فلانة وبدي فلانة
اه يما منيح الله يوفقكم ويسعدكم
ومحدا بيحكي للشب لا ولا بوقف بطريقو
بس البنت ازا حكت أه بدي فلان بتصير عديمة شرف عندهم وانو بدك تفضحينا وللاسف هاد واقعنا المرير اللي الشرف عندهم بس ع البنات

View more

الحــرام قبـل العيــب ؛ وربــگ قبــل النَّــاآس . 🥀🙂

Tayő
هي العبارة اللي لازم كل الناس تمشي عليها
بس للاسف احنا ب مجتمع عربي بخاف من العيب وما بخاف من الحرام
دايما كلمة عيب اللي دارجة ع لسان الشعب ببساطة لان احنا شعب بتهمنا العاهات والتقاليد اللي مرجعتنا الف سنة لورا وما بهمنا الدين
الدين عنا انو عي احنا بنصلي وبنصوم ونعبد ربنا نطلع زكاة نطلع عمرة نطلع حج وهيني بسبح ومدري شوو
وناسيين الأشياء التانية بنمشي بس ورا العيب
حتى لما يشوفو حد مفطر برمضان بحكو يا عيب عليه مفطر برمضان بحكوش حرام
مثلا انا بعرف كتير اصدقاء شباب ومنهم زملاء بالحياة ومنهم عادي بمشي معهم بالشارع يعني رايحين بنفس الطريق ف بنطلع مع بعض وقت يشوفني حد عيب تطلعي معو يجماعة شو عيب شو هالتخلف انا شو بعمل معو
انا ماشية متلي متل غيري وما فيها اشي لو مشينا مع بعض ولا تحكولي حرام ومش حرام
ربنا قال (وجعلناكم شعوبا وقبائل لتعارفوا)
مش عشان كل واحد يمشي بطريق وعشان العيب
والعلاقات هيك مش حرام
بتدخل بمفهوم الحرام لما العلاقة بينهم تتخطى الحدود وقتها بتصير حرام
طبعا كلنا لازم قبل نعمل اي شي نفكر هل هو برضي ربنا او لا وكل واحد ينسى العيب وما يفكر فيه اصلا يفكر بس حرام ولا لا
انا هيك رأيي ومحدا يجي يتفلسف ويزود بالحكي لان كل واحد الو طريقة تفكير بتختلف عن التاني

View more

أجمل عبارة قالها لك أحدهم 🕊

Deifalla K Almomani
كتير عبارات جميلة حكولي اياها كتير ناس بعض من هي الجمل:
1- من أروع الجمل وأحلاها لقلبي 😍
(انتي احلى اشي بحياتي،انتي الفرحة تبعتي،لولا وجودك بحياتي كان انا انتهيت من زمان،انتي اللي مصبرتيني ع الحياة)
وفي كتير
2-من أحلى العبارات حكتلي اياها معلمتي الرياضيات بصف حادي عشر علمي
(انا بحب ادخل الصف عشان لوار موجودة فيه هي الوحيدة اللي بتحسسني اني بكون أشرح وبتتجاوب معي وبتناقشني، لوار من الناس اللي بتتأقلم بسرعة وين ما حطيناها بتمشي )
3-من العبارات اللي نحكت عني قدامي ما بعرف هي حب هي غيرة هي حسد هي ايش هي ما بعرف بس بحبها رغم انو انا والبنت بنحكيش مع بعض
(لوار شخصيتها كتير قوية وجريئة كتير بتخافش من اشي وما بتستحي شخصيتها كتير بتعجبني وبحاول اقلدها بس ما بعرف )
4-من العبارات اللي حكتلي اياها معلمة الكيمياء بالتوجيهي ع لسان جوزها وهو كان استاز الإنجليزي تبعي
(ابو موسى بموت عليكي بحبك كتير بضل يحكيلي لوار وبس لوار فش زيها انا بحبها كتير)
5-من العبارات الحلوة كمان من زميلتي بالكلية
(بتحبي تساعدي الكل بدون مقابل وما عمرك فشلتي حد)
6-عبارات نحكت ل الي من شخص عزيز علي من باب الغيرة
(انا بتمنى مرتي تكون متلك نسخة منك انتي البنت اللي بدي مواصفاتها انا بحسد اسلام عليكي عرف يختار صح )
7- عبارة نحكتلي من صديقة عراقية بحبها كتير
( نيال البيجو يوخدو العلاج منك ويحكو معك ، شو محظوظين فيكي )
8- عبارة من رئيسة قسمي بالكلية
(شخصيتك شخصية قيادية احنا بنحب البنات اللي شخصيتهم هيك)
9- عبارة خالي حكاها لأختي
(لوار وين ما رميتها بتيجي واقفة متل المسمار ما بتوقع نهائيا)
10-عبارة حكتها امي لاختي
(لوار وقت تتعامل مع شب بتكون تحكي معو من شب لشب مش من بنت لشب)
هي جزء من العبارات اللي نحكتلي اللي بتخليني فخورة وبترفع راسي بين كل الناس ✌

View more

رسالة لأحدهم وكأنة يراها .. ؟🌏💙🙄🌸

Salah N19
شايف لما ربي يرزقك بشخص تكتفي فيه عن كل الناس ؟ وما يأثر فيك مين تركك وراح لان هالشخص معك ؟ لانك انتا مكتفي فيه ؟ شايف لما ربي يرزقك بـ شخص يسعدك بعد طول التعب والحزن ؟ تضحك معو بعد هداك البكي ، تشوف السعاده والراحه معو ، شايف كم الحياه حلوه لما ربي يرزقك بشخص غير عن كل الناس ، يعطيك الاهتمام بعد ما فقدتو ؟ الحب والراحه وكلشي؟ يعطيك الشي اللي طول ما كنت عايش ما شفت هالاشياء ، كم حياتي صارت حلوه بعد ما التقيت فيه ، كم يومي يصير حلو لما احكي معو ؟ كم قلبي بنبسط لما يشوفو؟ من بعد ما عرفتو للامانه ما في اجمل منو ، كل الكلام بيعجز عن الكتابه عنو ، بحبك قد هالحكي وبحبك قد ما عيونك بتجيبلي السعاده وبحبك قد جمال ضحكتك ، وبحبك قد ما حياتي فيك،ي فلان. ؟يخليلي اياك قد ما قلبي بحبك😪❤️❤️.

View more

مساحة🌸

FAkhri thaher
من 5 ساعات و الاخ والاخت بلعبو مع بعض وفجأة نامو من غير ما احس عليهم.... نامو جنب بعض .. و كانو مضيقين بعض ..
و بعد 20 سنه بتيجي وحده بتحكيلوا أختك ما بتحبلنا الخير !!
إنتي عارفه .. شو صار بالعشرين سنه ؟؟
عارفه كم مرة استنجدت فيه ليقتلها صرصور ...
طيب بتعرفي كم مره روح من المدرسه و هو شارليها بنص مصروفه !!
فكرك كم مره .. مرضوا سوا .. عداها .. وعدتو ...
انتي متخيله كميات الضحكات اللي ضحكوها سوا !!
مئات المرات اللي تعاقبوا سوا ...
اول رحله بالسياره .. واول مشكله مين يقعد ع الشباك ..
كم مره شربو بنفس مصاصه العصير ...
وكم مره ساعدوا بعض بالدراسه .. وكم مره كزب عشان ما نعاقب اخته ... و كم مره وشوشو بعض عشان ما نسمع ..
انتي عارفه .. بمدينه الملاهي لما ضاع ساعه ..
اخته عيطت خمس ساعات ...
وانتي عارفه .. كم سندويشه لبنه و سنيورة عملتلو ...
وعارفه كم مره بعتتوا يجيبلها وافل ..
بالصيف .. بالشتا .. بعز البرد .. بعز الشوب .. بالنهار .. بالليل ... مليون مره ..
وانتي عارفه بس نجح بالتوجيهي .. فرحت ع الفيس و عالانستغرام و السناب اكتر منه .. صورته .. و حضنته .. وصورت الكنافه ...
انتي عارفه .. لما اجوا شافوكي اول مره .. روحت طيرانه لتوصفك اله .. وانتي عارفه كم محل دخلت لتشتري الفستان
اللي بدها تحضر فيه عرسه ... مش عشان هي مأنفه ..
لأ .. هي اكتر حدا فرحان بالعالم ..
هادا اللي كان نايم عليها وهو صغير .. كبر و تزوج و راح يفتح بيت ... و انشوف ولاده ...
عشرين سنه .. فيهم عشرين ألف موقف ...
و ما بتحبلو الخير .. ؟؟
أخوك ...أختك .. رحمه من ربنا راح يضلوا جنبك طول العمر و بعد حياتك .. ولا عمره بهونلهم فيك ...
#منقول

View more

لحروفگ...✒

Khaled..❤
وقت تلاقي الكسرات لاحقتك من وين مكان وانتا مش عارف ليش هيك بصير معك ولا اشي زابط معك كل ما تعمر اشي بخرب معك الف اشي هاد بتكون إشارة الك انو الحياة بدها اياك اقوى ما بدها اياك ضعيف بدها اياك تكون قادر انك تتجاوز كلشي حتى للو هالاشي دمرك وحتى لو وقعت بدها اياك تعرف تستند ع ايدك اللي ماسكة بالأرض وترجع توقف ع رجليك ما تستنى مارق طريق ليجي يمد ايدك ويساعدك ويخليك توقف ع رجليك بالعكس راح يضحك عليك او راح يتركك ويمشي ويحكي مهو بعرف يقوم لحالو
احكيلك كيف على أبسط مثال
وقت تكون بالجامعة بتلاقي فيها الناس المنيحة والناس العاطلة الناس اللي قلبها خبيث والناس اللي قلبها طيب وراح تنكسر كتير بالجامعة احكيلك كيف
لما تقدم الامتحان الأول وترسب هي الكسرة الأولى لما تقدم الامتحان التاني وترسب هي الكسرة التانية راح تصير تحكي ان رسبت بالفاينل راح اعكم المادة يعني اني انسكرت كمان مرة راح ترجع تعيد نفس الكسرات
عشان هيك وقت ترسب بالامتحان الأول والتاني بتحاول تعمل كل جهدك لحتى تنجح بالفاينل وتجيب علامة عالية لحتى ما تحمل المادة
والكسرات متل رسوبك بالمادة بالزبط بتضل تكسر فيك وتتكرر تكسر فيك وتتكرر لحتى تنهي حياتك
ف اعمل جهدك من بعد الكسرة الأولى وحاول تخطاها بكل ما عندك من طاقة لحتى ما تنكسر مرة تانية

View more

احكيلنا عن طموحك واحلامك؟

احمد حامد
انا بالعادة ما بحب احكي عن طموحي وأحلامي بحب اخليها سر مدفون بيني وبين حالي عشان لو بيوم ما قدرت اوصل لحلمي محدا يجي يحكيلي مش حلمك كان هيك بلغة استهزاء وسخرية عشان وقتها انا راح أحس حالي ولشي هي من ناحية أولى
من ناحية تانية انو بس اوصل لحلمي خلي كل الناس تتفاجئ اني وصلت لهيك اشي بدون علمهم انو هاد حلمي وعشان كمان الناس اللي راهنو ع فشلي وحكيتلهم بكرة بتشوفو بدون ما يعرفو شو مخططة خليهم ينصدمو انكم انتو راهنتو ع فشلي بس شوفو وين انا صرت ونتو وين
طبعا حاليا حاطة أحلام مش حلم واحد ببالي بس مش راح احكيهم انا راح اخليهم مخبيين عشان بس اوصلهم احكي لكل العالم انا هيني وصلت لحلمي انا حققت اللي بدي انا انجزت بحياتي اللي بدي اوصلو
والناس اللي بتيجي تتفلسف وتحكي خايفة من الحسد ولا من العين بحب احكيلهم اه خايفة من عيونكم لان انا بقدر اوصل وراح اوصل واقلع عينكم بإذن الله
ونصيحة لكل بني ادم عندو حلم او هدف يخبيه لنفسو ما يطلعو برة يخليه جواتو حتى لاهلو ما يحكي وبس يوصلو يحكي انا هيني وصلت

View more

شو قال وائل كفوري!🎶💚

bahia
لو حبنا غلطة 💔
تركنا غلطانين😌
ما زال عاشقين✌
مع بعض مرتاحين 😍
مين اللي قلك مين😭
عن حبنا غلطة💔
مش هاممني الدنيا كلا ونتا حدي😌😍
مش همي هني شو بدن😌
بعرف شو بدي✌
بدي حبك اكتر بعد ❤ بدي أعطي عيونك وعد✌ راح نبقى دائما لبعض👫 لولا بكرة تركنا بعض💔 هي أكبر غلطة 💔😭

View more

شو الصيدلة الاكلينيكية😁

Ashraf
الصيدلة السريرية طبعا هون الصيدلي بكون بالمستشفى وبكون دارس دكتور صيدلة
يعني انو وقت يكون بالمستشفى الدكتور بشخص المريض ودكتور الصيدلة بوصف العلاج المناسب مع الجرعة المناسبة
بتمنى اكون وصلتلك المعلومة

View more

،،كلاام🖤👇

Leen Saed
انا نفسي بس حد يشوفني بحالة اكتئاب ونفسية يتركني بحالي وما يحكي معي بدي بس انو تقلب ضهرك وتروح بديش تسألني مالك ولا شو صاير معك ولا شوفي ولا شو مدايقك ولا شو زاعجك مش لاشي بس الصراحة لأني ما بعرف شو مالي ف ما بعرف شو اجاوبك مع انو ما بكون صاير اشي ولا في اشي بس خلص هيك ضيقة صدر بتصير فجأة ما بعرف شو سببها بس وقت احكي انو ما في اشي او مش صاير اشي الكل بصير يكذب في لا في اشي بس انتي بدكيش تحكي لا انتي ما بتوثقي ولا بدك تخبي وهي الكلمات بتزيد اللي جواتي وبكون نفسي انفجر فيهم مشان الله حلو عني تحكوش معي بس اتركوني انا برجع طبيعية بعد شوي
بس خلص محدا بفهم شو اللي جواتي الكل بدو اياني افهم هم شو بدهم

View more

شو بمّيزك عن غيرك من الناس .....!؟💪💞

Nabeel Alem Fçß
انا البنت اللي تعودت احمل مسؤولية
- طلباتي نادرة جدا .. لاني مو متعوده اطلب من حدا
- ما رح استنى منك مساعده و رح احل مشاكلي لحالي لاني متعوده اعتمد على حالي وهاد مو تقليل الك بلعكس من حبي فيك
- رح تنتبه اني ما بندمج مع البنات كتير لانهم شغل حكي و مبالغات وانا ما الي مزاج بهيك قصص
- ببين اني قوية وما حدا بيقدرلي.. بس بالواقع انا كتير حساسة و طيبة
- ما عندي قدرة ع النقاش و الجدال الطويل ~ بختصر
- اكتر شي بكرههو بالحياه الغباء
- بتتحمل و صبورة جدا جدا .. بس بوصل لمرحلة بنفجر مرة وحدة
- بس ادخل بعلاقة ما بعيش دور البنت الضعيفة اللي محتاجة حدا يساعدها .. بلعكس بكون طايرة للسما ~حاول تجاريني مو تقص جناحاتي !
- بكره المقارنات لاني ما بشبه ولا حدا
- والنقطة الاهم اني بحتويك و بتتفهمك و ما بضغط عليك لاني بعرف شعور الشغل و المسؤولية
- قوتي دايما رح تكون اول داعم و سند الك بالحياه ودايما رح يكون عندي حل لاي مشكلة
- بعرف كتير منيح ومع مين وامتى اطلع اجمل ما في انوثتي... ❤👌

View more

❤🍃°____▪احكِ▪____°🍃❤

jake coco
وقت تحب بني ادم من جوات قلبك بتصير تخصصلو اشي معين خاص فيه كلام رموز كلمات مكان اغنية صورة بتصير تدايق وقت تلاقي حد استخدمها بتحس بشعور غريب جواتك
انتا نفسك بترفض تعطيها لغيرو بس الو لحالو ومستحيل تعطيها لشخص تاني مهما كانت مكانتو عندك
هالبني آدم بكون واحد من أهم أولوياتك او مش واحد هو لحالو أولوية بكون نفسك تعطيه الدنيا بس تشوف ضحكتو بتحس انو روحك رجعتلك
هالشخص انتا ما بتعرف ليش بتحبو هيك رغم انو يمكن في أشخاص كتير احسن منو
بس هالشخص بكل عيوبو قبل حسناتو بكون مميز عندك
لمجرد تحس انو مزعوج ع طول انتا بتنزعج وبتحاول بأي طريقة لتخفف عنو بس كل هالشي اللي بصير معك بكون خارج عن ارادتك بتكون تعمل بهيك اشياء ونتا مش حاس ع حالك
قلبك بطير من مكانو وقت تشوف لمعة عيونو او سماع صوتو ووقت تشوفو بكون نفسك توخدو بحضنك وتخبيه عن كل الناس لان هو إنسان بخصك انتا بدكاش حد يقرب منو
تفاصيل صغيرة ممكن تصير بينكم تخليك تتزكرها طول حياتك وفجأة ضحكتك تنرسم ع وجهك بس تتزكرها معقول انا وصلت لدرجة عشق هالشخص
تتزكر كل صغيرة وكبيرة بينكم
زعل ضحك فرحة حزن كلها بتكون ذكريات رائعة وقت ما يكون موجود معك
واشياء كتير كتير لسا ما حكيتها

View more

يأتي البعض لحياتك كنعمة ويأتي البعض لحياتك كدرس ، فحافظ على النعمة وتعلّم من الدرس ✨ 💫💙🌷.........😘🌸😍 حكي & خُراف

Ismail Abu rayyan
في ب مجتمعنا مقولة بتحكي انو الشب ما بعيبو اشي وما عليه العيب
وانا بحب ارد ع هي الجملة انو العيب ع الشب اكبر من العيب ع البنت يمكن محدا يوافقني رأيي وكل واحد حسب تفكيرو وانا دحكي ليش مما بوافق هي المقولة
هلا وقت الشب يكون عندو اشياء مش منيحة وماشي ع مبدأ الشب ما بعيبو اشيي
وقت يروح يطلب بنت ليتزوج ويسألو عنو اهل البنت ويلاقو او يسمعو عن الاشي اللي مش منيح بالشب وقتها راح يرفضو
على ابسط مثال شب كان يضل يحكي مع البنات وداير معهم والكل بيعرف بعلاقاتو اللي ما شاء الله عنها
اول كلمة راح يحكوها تبع بنات وما بنعطي هيك اشكال لان بنتنا راح تتغلب معو وكل يوم يعمللنا فضيحة مع بنات العالم وبنتنا تنقهر ومدري شو
بلاش مثال تاني شب دايماا هامل وصايع وداشر ولا شغلة ولا مشغلة وشغلو الشاغل طافش بالشوارع
وقت يسألو عنو اهل البنت راح يحكو كيف بدو يعيش بنتنا احنا بدنا نعطي البنت ونأمن عليها مش نضل هاملين همها
بلاش مثال تالت وهاد كتير منتشر عنا وانا شخصيا ما بعتبرو عيب بس الناس المتخلفة بتعتبرو عيب
وقت شب يكون يشتغل بالباطون او عامل او اي شغل بدون شهادة ومعوش شهادة جامعية
ويجو اهل البنت المتخلفين المفلسفين يحكولك انا بدي واحد معو شهادة جامعية
بكرة الزمن بجور عليهم وكيف بدهم يعيشو
بحسسك انو بنتو معها درجة بروفيسور بعلم الذرة
ووقت الشب اللي بعيبو كتير اشياء واهلها بوافقو ع الشب الناس بتصير تحكي لولا انها متلو ما كان اخدتو يعني انو البنت كمان عندها اشي بعيبها
ووقت شب يكون معو مشكلة سواء خلقية او لا ويروح يطلب بنت والاهل يسألو راح يحكو بنتنا شو ناقصها لحتى نرميها هالرمية بكرة بيجي واحد ساغ سليم وافضل منو وبنعطيه
ووقت شب يروح يطلب بنت ويكون وضعو ع قدو واهل البنت يعرفو بهالشي
بيصيروو يحكو شو جابرنا نجوز بنتنا لشخص هيك ما يقدر يعيشها العيشة اللي عايشتها عنا ويقصر معها وكأنو بنتهم مكان الملكة ديانا
شفتو هي ابسط اشياء بتثبت انو هالمقولة كتير غلط ومش صحيحة

View more

من خلال تجربتك في الحياة ، أترك لي نصيحة ، سأقبلها أيا كانت ، ولعلها تنفع أحدهم ❤ !

مَريّم || MARYAM
ممم وقت بنت اصغر مني بسنة او عدة سنوات تخطب وتتزوج واباركلها تصير تضحك وتحكيلي عقبال عندك وخلص يلا دورك وايمتى بدنا نفرح فيكي
ال صراحة انا بسرح فيها معقول هاد أكبر أحلامك خلص يعني انو خطبتي وبدك تتزوجي يعني بس تقعدي بالبيت لا شغلة ولا عملة بس تخلفي ولاد وشغل بيت يعني هي حياتك اللي انتي بتحلمي فيها يعني هي حياتك اللي انتي حابة تعيذيها
يعني انك تلبسي الأبيض وتطلي فيه هاليوم وبعديها تبلش معاناتك
والله انا بستغرب كتير
طيب كملي تعليمك اشتغلي عيشي حياتك كوني سند حالك
ولا اللي بتحكيلك الوحدة ما الها غير بيت جوزها ولو درست بالنهاية قاعدة بالبيت بس اتزوج
ليش تخلي هيك حياتك ليش ما تبني أحلامك وتوصلي الها وبس توصلي حلمك او تقربي توصليلو فكري بالجيزة
فكري بحياتك لقدام لا تفكري باللحظة اللي انتي فيها حرام تضيعي عمرك هيك بس عايشة عشان ولادك وجوزك برضو فكري بحالك فكري بمستقبلك بحاضرك كيف بدك حياتك تكون ولا تحكي انو فرصة وبخاف تضيع من أيدي وبدي اشوف نصيبي وحابة افتح بيت
شوفي نصيبك وافتحي بيت بس مش ع حساب مستقبلك
ادرسي تعلمي اشتغلي انبسطي بحياتك قبل تروحي ع المنفى تبعك
والحكي طبعا للشباب مش بس للبنات
ولا تحكيلي عند جوزي بكمل وبصير لان كلو حكي فراطة اوك راح تدرسي بس مش راح تكون حياتك الجامعية طبيعية ولا راح تشتغلي بالنهاية راح ترجعي لحياتك ولادك وجوزك كمان ع حساب مستقبلك

View more

اكتب عِزّ ؛ يَـقرأ لـك : ...()! ☘️💚

عِزّالدّينٰ '
لما تلاقي بني ادم مهتم لامرك وخايف عليك وقلقان عليك ومشغول بالو عليك اصحى بيوم من الايام تفكر تخسرو
لان وقت تخسرو راح تحس بقيمتو وكم انتا كنت غالي عندو راح تصفن بحالك تحكي طيب ليش ما حدا كان يتفقدني غيرو ليش محدا حاس في غيرو ليش محدا مهتم في غيرو هو الشخص اللي راح يحسسك بقيمتك وانو فعلا في حد مهتم لامرك مهتم لحياتك مهتم بشو انتا بتمر
شخص بدو يطلعك من اللي انتا فيه
بس انتا مش راضي تعطيه فرصة وهيك بكون يفلت من ايدك شوي شوي
كل ما يحاول يشد ع ايدك انتا توجعو كتير لحتى يروح ويفلت
ووقتها انتا ما راح تلاقي متلو ولا تعرف قيمة الاشي اللي كنت فيه
ربنا ببعتلك هالشخص لينقذك اوك صح يمكن ما يقدر يعطيك مساعدة ملموسة او مادية بغض النظر شو كانت مادية
بس بعطيك المساعدة المعنوية الدفعة القوية لالك
هالشخص بحب يشوف الضحكة ع وجهك بزعل لزعلك وبفرح لفرحك وبدايق وقت تكون انتا متدايق وبنبسط وقت انتا تنبسط
بحاول يكون معك بكل الظروف بس انتا للاسف بتضل تدفش فيه لحتى يروح
نصيحة مني خليك متمسك بهالشخص اللي معك لان صعب تلاقي متلو

View more

- لگلآمک!

Azoz Mosallam
والله يا عمي اشي بخزي اللي صار واللي قاعد بصير
يعني عيد ربنا هيك يعملو فيه اقسم بالله اشي بسم البدن
طيب يعني مدام الأخت السعودية أعلنت عيد لازم كل الدول العربية تنجر ورا السعودية ليش هيك عملو فينا الله يهدهم ربنا
ع أي اساس احنا بنجيب فتاوينا لحالنا ان كان احنا ولا الأردن يعني الجهتين اطقع من بعض
دخيل السما تبعكم يعني حتى عيد ربنا بتلعبو فيه
مش بكفي عاملين الشعب لعبة وكمان العيد
مش منطق يجماعة والله ما هو منطق
فلسطين مدن وقرى معيدة ومدن وقرى صايمة
غير الطوش والمشاكل اللي صارت من تحت رأس هالشغلة سواء بالخليل بالقدس وغيرها
ولا صار البدكم اياه
بدكم الشعب كلو يدق ببعض
امنطالله أنهم ما بستحو ع حالهم اللي اعلنو اليوم صيام
انا انا قاهرني انفصال دار الإفتاء الفلسطينية والاردنية عن السعودية
استقلت ماشلاه عنهم طيب يعني عجبكم اللي صار؟!
اكلتو دعاوي من هون ليوم القيامة سلف
عليم الله ما تدخلو الجنة هاظ اذا دخلتوها لسا
بعدين السعودية بدهاش تعيد اربعا عشان إيران معيدة الاربعا
وحنا كيف صرنا مع ايران نفسي اعرف
طيب ما انتو طول عمركم ذنبة ل السعودية
حولتو ل ايران يخرب فنكم
ولكم والله اشي بعر وبخزي

View more

لِ وطن 🖤🇵🇸

•● || ﯝطہنٍ || ●•
وقت تحب بني ادم من جوات قلبك وتكون عايش عشانو واكتر من حد يحاولو يبعدوك عنو بكل الطرق ما بخلو ولا اشي مش منيح الا بحطوه فيه وبصيرو يتهمو فيك انو وين كرامتك ليش تتنازل عنها لالو ومين هو كاين وليش هو وفي احسن منو وانو مش الشخص المناسب
بس هم مش قادرين يفهمو انو هاد الاشي مش بايدك ونتا ما بتقدر تتحكم فيه
انتا بتكون حاط هالشخص بعد ربنا حياتك بدونو بتصير جحيم ولو بيوم تركك انتا راح تنتهي حياتك
اوك لا تحكيلي لا توقف حياتك مشان شخص محدا بستاهل واللي بدو اياك بضل معك لآخر نفس ومستحيل يتركك
وانا بحكيلك اه وقف حياتك مشانو خليه يبطل عندك رغبة ل اشي يبطل الك لهفة ل اشي كلشي بالنسبة الك سواء وجودو او عدمو واحد بس بدك تكون لحالك بدك تبكي وما بدك اشي تاني
راح تحكيلي ما بستاهل بحكيلك لا بستاهل وكتير كمان بس هالاشخاص هم اللي بدهم هيك مش انتو
اوك مش من باب الغيرة بحاولو يبعدو بس لان شايفين انو مش من مصلحتك وانو هالشخص مش مناسب لحياتك
وطبعا ازا صار البدهم اياه وقتها راح يعرفو غلطهم وراح يحاولو بكل الطرق يعوضوك بس انتا لا عندك ولا عند بالك مش مهتم بصيرو يتندمو بصيرو يشوفوه بكسرة قلبك بصيرو يشوفوه بدمعة عينك ويحكو ريت اللي جرى ما صار
بس بدي احكيلك انو لو شو ما صار ولو كل الدنيا ولو الشخص اللي بتحبو حكالك نترك عشان ما يصير مشاكل وخلافات اصحى بيوم من الايام ترد عليه خليك معو تمسك فيه لا تفلتو لان هو بكون شايفك كل الدنيا بالنسبة الو هاد في حال انتا متأكد من حب هالانسان الك
اللي بحبك بدون ولشي اللي بدون سبب اللي بدون مصالح
بس خلص بحبك لمجرد انتا
اللي بحبك عشان عيوبك
صدقني ازا خسرتو لمجرد رغبة كم حد راح تنتهي حياتك راح تتمنى الموت وربي
والشخص اللي مر بهيك اشي راح يفهم حكيي
والناس اللي بدها تتفلسف استنو بس تمرو بهيك حالة وبعدين تعالو احكو
الحكي اللي فوق مش شرط حبيب ولا شرط لشب او بنت
ودحكي كمان اشي اتقو الله بكل تنين بينهم حب كبير اللي عايشين عشان بعض
لا تضلو تنقو بينهم لا تخربو علاقتهم لا تحملو خطيتهم برقبتكم خافو عليهم ادعو الله يوفقهم يحميهم الكلمة الحلوة منكم بتخليهم أسعد تنين
ولا تسمو بدنهم بالحكي عليهم والغلط
والله كتير كتير قاسي الكلام
متل الخناجر بالقلب 😭

View more

شويةة حكي 🌚💛

ñ§ğ Áhmâd Ghâññam
يعني يجماعة الخير انا دكتب هالشي ومستحية اكتب الصراحة ونا متاكدة انو الكل راح يوافقني بحكيي الا الناس المفلسفة واللي بتشوف انو الحكي ع مقاسها
المهم امبارح يخوان ي مسلين كنت بالاقصى بس والله العظيم اشي بخزي يخوان اشي بعر
اشي بخلي الواحد عمرو ما يفوت الاقصى
طبعا راح تسالو ليش وانا راح احكيلكم
هلا امبارح وقت وصلنا الاقصى ع 9 الصبح لقينا الساحات كلها ملانة ناس لدينها فش مكان نقعد فيه طبعا مش هون الموضوع ولا المشكلة
كل القصة وما فيها انو انتو جايين تتعبدو وتصلو مش جايين شمة هوا ورحلة ريتو هوا يطيركم
يعني بالله عليكم اللي قاعد بمكان ونايم بالطول والعرش وماخد مكان اربعة ليش بالله عليك
واللي جايب معو فرشات وحرامات ومخدات وماغط حالوو وماخد مكان ستة ليش
واللي شالح من رجلو ورامي البوت ولا الكندة بنص الساحة واللي شالحينن بلايزهم وجايبين تنتين تلات احتياطط وقاعد بغسل فيهم وبنشر فيهم ع الشجر
واللي جايب معو كياس وشنتات وحاطتلي اياهم وماخدات مكان عشرة
واللي جايبلي معو ست سبع ولاد اكبر ولد 5 سنين
يعمي طيب ما انتا جاي تتعبد نعن وجهك خضيع صيامي عليهم
غير الشاحدين لسا اللي ملين ابواب الاقصى والساحات ووين مكان
يعني والله اشي بخزي بخزي
كان فوق ربع مليون بني ادم بالقدس يعني فوق 250 الف شخص
واللي رايحين شمة هوا اكتر من 150 الف واحد طببعا 50الف ولاد صغار اقل من 5 سنين
غير حمة البال وسمة البدن اللي الناس بعملوها
واللي جايب اكل وطبايخ وممدري شو
يعني بالله عليكم هاد منطق؟
ولسا االاحلى قال وحنا داخلين ولا طالعين شوي شوي في ولاد صغار وحنا بالازمة طيب يعمي لليش جايبينهم فهموني
وبنكون ماشيين والناس بتمشي فينا مش احنا اللي بنمشي ولا جايز لا صلاة ولا صيام ولا وضوء
يعمي انتو فاهمين الموضوع غلط اقسم بالله
بدك تروح ع القدس بدك تصلي خاوة
مش الناس قاعدة بتصلي ونتا بتتفرج فيهم ومن بين المصلين تمرق ولا تمشي
طبعا كل الحكي اللي فوق بنطبق ع الزلام والنسوان والجهتين ااقطع من بعض

View more

Luar ❤ يسعد مساء روحك اكتبي الذ ما عندك من خواطر وأرد عليك بما يليق بحضورك الأنيق🔐🌹

عاشق المعاني - جرأة كاتب
إحدى المواقع الطبية العالمية طرحت ذات مرة هاشتاغ بعنوان #مريض_لن_تنساه فكانت بعض الأجوبة كالتالي :
1_«قررنا له الخروج من المشفى، ولما بلَّغته قعد يبكي ويترجاني ما يطلع؛ لأن ما أحد من عائلته يزوره، يقول أنتم تزوروني وتسولفون معي أكثر منهم»💔
2_ «خمسيني أشرح له أنه لازم يسوي قسطرة للقلب، التفت إلي وعليه علامات الدهشة.. يا دكتور والله ما أعرف أسويها.. سووها لي أنتم». -بساطة!💛
3_ « شاب في غرفة الطوارئ جيء به في حادث، كان يتحدث في صخب وفرحة النجاة، لكن نزفاً بداخله انفتح فجأة دون توقف ليتوفى خلال دقائق».💔
4_《امرأة كبيرة بالسن توقف قلبها، وبعد الإنعاش القلبي الرئوي، كان أول شيء فعلته أنها سترت الجزء المكشوف من جسمها.》-فطرة😇💛
5_«قمت بتوليد امرأتين لنفس الزوج باليوم نفسه، مع عدم علم الأولى بالزوجة الثانية»😂🤦🏻‍♀️
6_«امرأة عانت من الشلل، والعمى، وتليف المبايض، وفقدان الذاكرة، حتى أكرمها الله بالصحة والعافية». -صبر🥺✨
7_«أربعيني مريض بالسرطان رفض العلاج الكيماوي ظنا منه أنه لايرضي ربه و أخذ يردد "أنا عند ظن عبدي بي " إيماناً منه بأن الله هو الشافي».-ايمان!✨✨
8_«مريض دخل عند الدكتور، وكنت معه، سألو الاستشاري مين الحمار الذي جبس يدك، قال المريض الدكتور اللي جالس جنبك.. قمة الإحراج».
9_«طبيب عظام شهير في غرفة العمليات سألني قبل التخدير: انت كاش ولا تأمين؟». -😳🤔!!
10_«خامس يوم بعد العملية القيصرية، طفلها بجانبها، كتب لها الطبيب الخروج، وكانت تنتظر زوجها لإخراجها، لكنه توفي بحادث وهو في طريقه إليها»💔
11_ «مريضة بالعناية ما تقدر تتحرك من التعب، يوم تحرك أصابعها تصلي وقتها، كرهت نفسي على إهمالي للصلاة!». -💛
13_ «عجوز كنت أسوي لها علاجاً طبيعياً، نهاية كل جلسة تحطلي بجيبتي علك أو ريالين».😂💛💛
13_«عشرين سنة تنتظر طفلاً».. بسبب ذلك وقفت الأم في عناية حديثي الولادة عند طفلها الخديج، تتحسسه بكل حنان، فطمأنتها على حالته🥰
14_«طفل مريض يسألني عن أخته ليه الإسعاف ما أخذها، وليه غطوها وتركوها؟».😣
15_ «رجلاً كبيراً بالسن ولده مسوي حادث، وتوفي ولما بلّغه الأطباء قال: لله ما أخذ وله ما أعطى، وسكت!».🥺💔
16_ مريض أخبرته بأنه مصاب بالسرطان فأجاب ببساطة: «واللي ما عنده سرطان يعني ما يموت؟ الحمد لله على قضائه، عندكم علاج ولا أرجع للبيت؟»🥺💛
17_>
-لما الايمان يتفوق على كل شيء!💛💛
18_ «طفلاً في المستشفى الجامعي رفض أهله يتسلموه؛ لأنه مولود بتشوه خلقي في الرأس اتصلت على أبيه يجي يتسلمه، قال أرسلوه دار الأيتام».😳💔
السؤال كان مؤثر فيه القصة المحزنة ومواقف الوفاء والصبر على أقدار الله!💛، وروايات سطر فيها الأطباء بعضاً من وجع المواقف التي مرت بهم و بعض القصص تستمطر الدمع من عينيك 💔...
هنيئاً لمن عالج مريضاً، أو رافقه محتسباً الأجر عند الله 🥺🤩💪🏻
#منقول

View more

شوية حكي 💭

بكرة راح يكون من احلى الايام 😊
بكرة حفلة تخرجنا الأولى المقدمة من الشبيبة😍
وفرحتنا بتكبر بوجودكم 😍😌 الدعوة عامة ل البحب يجي بحديقة الاستقلال الساعة 5 😍 وأخيرا راح ننهي مشوار سنتين بالكلية 😢 راح يضل كليوم عشناه فيها ذكرى طيبة بالنسبة النا سواء منيح او مش منيح 😶 تعرفنا ع ناس جداد وحبيناهم وفرحنا بوجودهم معنا بالكلية 😍 كانوا خير الصحبة حتى لو صارت مشاكل صغيرة كنا نتفاداها😉 كنا نعمل بروح الفريق الواحد 😅 ك ايد وحدة ✊ كنا نزعل من بعض 😞 كنا نتمشكل😡 كنا نضحك😂 كنا نستفز😌 كلو مع بعض ✌
ما بنفرق بين بعض 😌 وحتى لو كنا مش طايقين بعض 😏 بس ما كنا نهين مع بعض قدام بعض😕
هلا كل الايام اللي عشناها بحلوها ومرها ☺ بين الطلاب والدكاترة 😍 راح نضل نذكرها لنموت😍
كنا نعصب من الدكاترة وانو ضغطونا وانو مش مخففين عنا بالمواد وانو مش راضيين يحذفولنا من المادة ومرات او دايما ندمر ويصيبنا اكتئاب😂 بس والله ايام رائعة 😍
دكاترنا كانو يعتبرونا ولادهم او اصحابهم او إخوانهم 😍
رغم كل مشاكستنا بالمحاضرات وغلبتنا الهم😀😁 الا انو بنحبهم ونعزهم كتييير😍
يمكن ما نرجع نشوف بعض بعد ما نخلص😞 الا بالصدف وبالمناسبات😞 الا انو الضحكة راح تضل متل مهي😍
راح نبطل نروح ع الكلية 😭 راح نبطل نشرب النسكافيه المميز من عند ابو محمد 😭 راح نبطل نروح نعترض ع الدكاترة عند مس راية😞 راح نبطل نتبهدل مع المطر 😑 ولا تطلع روحنا بالشوب😑
راح نشتاق لهي الايام 😭
راح نشتاق لقعدتنا😭
نشتاق للغش بالامتحانات😂
نشتاق لنقعد ع النت بالمحاضرات وللنوم بالمحاضرات 😭 ونضل نطلع ع الساعة ايمتى راح تخلص المحاضرة 😂😌
ويلا بدنا بريك نص ساعة 😂
وخلص ما تحط/ي يا دكتور/ة غياب خلص حضور الكل موجود 😂
البهدلة اللي بنص المحاضرة 😂 والعلامات اللي بتخزي😂
ونكون نعيط وقت نستلم الكشف 😂 كلها هي الشغلات راح نشتاقلها
والبرزنتيشن اللي محدا بحبوو😂
راح نشتاقلو😣
ووقت نيجي نشتغل راح نتزكر كل كلمة حكولنا اياها الدكاترة 😍 بكرة بس تشتغلو راح يصير يمر معكم هيك😒 وراح يجي هيك🔜 وراح تشوفو هيك 😪👀
لو بدي اضل اعد ما بخلص😍

بآخر اشي دحكيه😌
الحمد لله اول اشي 😍
تاني شكرا للاهل😍
شكرا للكلية😍
شكرا للدكاترة 😍
شكرا للمدربين اللي تعبو معنا بفترة التدريب😍
شكرا للطلاب😍
شكرا لكل حد وصلنا لهون😍
@sulimandana @AhmadAttalah @aboodtomaze9 @fOoxseda @Bara_amro @mohammadabdelmuhdi @ @zainabm_issa @waeltaha174 @wardahmakhamreh @Sara_alterawi @Zaghlawan @sajedaalqor123120 @Saja_mahmoud16 @aysha_atta @salamissa99

View more

بقلمك..✍🏻🖤

Yusra(صلِّ ع الحبيب)
احنا ك شعب عربي عنا تفكير في قمة التخلف
هلا اذا البنت تقدملها شب عمرو 30 وهي 20 ما بوافقو بحكم فرق العمر كبير بينهم وانو ما بناسبو بعض عشان هو اكبر منها بكتير ومدري شو
بس لو كان عمرها 30 وتقدملها واحد 40 وقتها بكون منيح الها وعمرو مناسب وانو شو بدها احسن من هيك طيب شو افرقت الأولى عن التانية بالله عليكو؟ !!
بس طبعا التفكير العربي المنحط اللي مش مستعد يفكر من هون لشحطة لقدام ما بحسبها منيح
طيب وقت يتقدم شب عمرو تحت 30 ل بنت عمرها 20 بتكونو مكيفين صح ؟
طيب هاد بكون لسا بعز طيشو ما بكون راكز منيح ما بكون عارف شو بدو بالزبط
اوك راح تحكو طيب بس في فوق 30 بكونو مش راكزين اوك انا معكم بس انا بحكي ع الغالبية العظمى وما بجمع
وانتي ك بنت بتقبلي توخدي شب مش عارف شو بدو ؟
بعد سنة سنتين جيزة بس يوعى ع حالو بصير يتندم ع اللحظة اللي فكر يجوز فيها
وبكون بدو يخلص ويتهرب بأي طريقة عشان هيك
او بعد ما يوعى ع حالو بكتشف انو ما بحبها لمرتو او مش هي البنت البدي اياها ف بلجأ للطلاق وعشان هيك الطلاق منتشر بشكل كبير بأيامنا هي
نصيحة لوجه الله تعالى ل البنات وقت بدك ترتبطي بشخص اختاريه اكبر منك اقل شي 10 سنين واللي بدو يحكيلك كبير عليكي ولا مش كبير ترديش عليه
طبعا انا بحكي ل البنات اللي فوق 20 اللي بكونو عارفين شو بدهم وقادرة تميز بين اللي بناسبها وبين اللي ما بناسبها
ونتا ك شب لا تفكر ترتبط او تتزوج قبل 28 وانسوكو من حكي الأهل بدنا نفرح فيك ونجوزك ونشوف ولادك ومن هالحكي كلو هبل لان بالمستقبل هم مش خسرانين اشي بالعكس انتا اللي حتكون خسران وراح تظلم بنات الناس معك

View more

مسسساحةة ☻!

ماآدلين $
شووفو ي خوان شو راح احكي
واعتبروني شو ما تعتبروني بس انا بدي احكي واقع واشي كلنا عايشينو ي الشعب الفلسطيني ي المناضل ي المقاوم يا ثوار
المهم هلا كلنا ولاد بلد وحدة وعارفين شو اللي بصير حولينا وواعيين بس طبعا احنا بنحب نبين انو احنا واو وانو احنا تحت احتلال وتحت قمع وضرب وههدم وظلم ومدري شو ومن هالهبل
انا شخصيا ضد كوول هالحكي
بتعرفو ليش ؟
لان احنا فعليا شعب كذاب وبعمل من الحبة كبة
هلا بالله عليكم ي الشعب الفسطيني في حدا عايش عيشتكم ؟
ولكم انتو ولشي بالنسبة ل اللي بصير بسوريا
وولشي بالنسبة ل اللي صار بالعراق وليبيا واليمن وغيرها
بس طبعا احنا شعب تافه بنكزب الكزبة وبنصدقها غير عن الاعلام الفاشل تبعنا اللي بنقل كلشي بصورة غير عن الواقع تماما
وكل العالم بفكرو الشعب الفلسسطيني دايما بخوض بحروب وهكزا
بحب احكيلكم بس تفاهة بربكم والله وقت حد من دولة تانية يسألني شووضع البلد عندكم والله بستحي احكيلو كل اللي انتا شايفو غلط
بعرف راح يوصلني حكي غلط علي وانتقادات بس والله ما بهمني المهم وصلت فكرتي لبعض الناس انو بكفي تفاهة

View more

Next