"فيه ملك عظيم اتكلم عنه القرآن في سورة الكهف، ملكه امتد من الشرق للغرب، والغريبة إن القرآن مقالش إنه كان بيعمل غير حاجة واحدة بس :
"وَآتَيْنَاهُ مِنْ كُلِّ شَيْءٍ سَبَبًا .. فَأَتْبَعَ سَبَبًا ْ"
ودا اللي بيحصل لكل واحد فينا، الأبواب والطرق اللي بتاخدنا لحاجة من تلاتة، يا طريق مستمر يودينا للمكان المناسب على طول، يا طريق بعد ما نمشي فيه شوية نكتشف طريق تاني جانبي اتفتح من خلاله، ويكون هو دا الطريق المناسب، يا طريق سد، نمشي فيه، ونلاقي نفسنا وصلنا لمرحلة ما ينفعش نكمل فيها، فنرجع، ونقفل الباب، ونستنى باب تاني يفتح، ولما بيفتح الباب المناسب، بنكتشف إن الطريق السد اللي احنا مشينا فيه دا كان لازم نمشي فيه، من غيره ما كناش هنقدر نمشي في الطريق المناسب، ويمكن كمان من غيره مكنش باب الطريق المناسب فتح من الأساس.
المطلوب "فَأَتْبَعَ سَبَبًا"
دا اللي بيخلي الواحد يطمن للطريق، ويقدر يكمل فيه، ويبقى مؤمن إن الطريق مشتق من الهدف، حتى لو كان مختلف عنه"
- بابليو
View more
