Ask @magdyelbermawy:

..

magdyelbermawy’s Profile PhotoMagdy (صلوا ع النبي)
كونوا ملاذ لطف فالعالم سئ بما يكفي! ?
جبر الخواطر .. جبر الخواطر نعمة عظيمة ربنا اختصها لعباد منه لقضاء حوائج الناس «وَاللهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيهِ» .. ?
انك تساعد حد بكلمة او تشجعه او تمدح فيه او تشوفه وتقوله كلمة حلوة فأنت بسطته وخليته يبقا مرتاح اكتر وف نفس الوقت الكلمة الطيبة صدقة ! ?
لما بنموت بيفضل الأثر بتاعنا بين الناس .. بيفضل كلامنا الي عايش .. فليه يبقا ذكرانا كلام وحش او خذلان او واحد احتاجنا ملاقناش!
اوقات بنحس بضيقة وبخنقة وعايزين حد جنبنا .. طب فكرت انت ف الوقت ده كنت جنب مين؟ .. لما تضيق عليك روح فكها عن غيرك وابسط غيرك والله هتتبسط لما تشوف السعادة في عنيه .. ?
واخيرا لو حد احتاج اي حاجة او محتار في اي حاجة او عايز حد بس يسمعه فأنا اكيد موجود وف انتظاره .. ?

View more

_

magdyelbermawy’s Profile PhotoMagdy (صلوا ع النبي)
عبادة سهلة جدا .. ذِكر مش هياخد منك 10 ثواني ?
النبي صلى الله عليه وسلم أخبر ان الي يقوله بعد الفجر ويموت قبل المغرب يدخل الجنة .. وان الي يقوله بعد المغرب ويموت قبل الفجر يدخل الجنة .. ياعني لو قولته مرة الصبح ومرة بالليل تدخل الجنة باذن الله ! بس بشرط انك لما تقوله تكون حاسس بمعانيه ومستشعره وبتعمل بيه فعلا .. ساعتها باذن الله تاخد الهدية .. الدعاء او الذِكر ده اسمه سيد الاستغفار ? ..
" اللهم انت ربي لا اله الا انت خلقتني وانا عبدك وانا علي عهدك ووعدك ما استطعت اعوذ بك من شر ما صنعت ابوء لك بنعمتك عليّ وابوء بذنبي فاغفر لي انه لا يغفر الذنوب الا انت " ? .. تحسه وانت بتقول ياعني لو وانتا بتقوله ومعناه انك بتقول لربنا يارب انت الي خلقتني وانا عبدك وانا ذليل ليك وبعترف بكل نعمك عليّ وبعترف بذنب وبتقول يارب اغفر لي انه لا يغفر الذنوب غيرك .. لو قولتله وانت حاسس معناه فعلا مرة صبح ومرة ليل باذن الله تاخد الهدية .. ?

View more

كم عدد أركان الصلاة !!

magdyelbermawy’s Profile PhotoMagdy (صلوا ع النبي)
عدد أركان الصلاة ؟.. اي ياعم السؤال الغريب ده ما كلنا عارفين ان أركان الإسلام خمسة! ... ياعم ايوا دول عارفهم انا بتكلم عن أركان الصلاة الي بنصليها 5 مرات في اليوم دي ....?
لا والله مش عارف بلاقيهم بيصلوا فبصلي .....
طب بص .. أركان الصلاة 14 ركن .... ياااه 14 !!!
اه ي سيدي 14 وفيه ناس كتير بتنسى كام ركن اساسي وبتصلي وللأسف صلاتهم باطلة .. للدرجادي ؟ .. اه للدرجادي
مبدأيا كدة ممكن تعرف ال 14 ركن من جوجل او تكمل الثريد ان شاء الله هقولهم .....
طب اومال مصدعنا ليه ما جوجل موجود .. تعالى بس هقولك فيه حاجتين كدة الناس بتغلط فيه دايما بيؤدي لبطلان صلاتهم .. طب اي هما ي ترى !! ?
اول حاجة واحد مستعجل عايز يلحق الصلاة وهما في الركوع راح قايل الله اكبر وراح راكع ... طب فين المشكلة ياعم !!
المشكلة انه مفتحش الباب .. باب!!! اه باب مستغرب ليه .. ينفع تخش البيت من غير متفتح الباب؟... لا طبعا بس ده ماله بكلامنا والصلاة دلوقتي .. ماهو ع تصلي لازم تكبيرة الإحرام ودي باب او المفتاح ع تبدأ الصلاة .. فأنت كان مفروض تقول الله اكبر الاول تكبيرة الإحرام .. ثم الله اكبر للحركة بتاعت الركوع وتركع .. ?
ياااه فعلا كان لازم اعمل كدة .. اه لازم ومن غير كدة فأنت مدخلتش في الصلاة ياعني مصلتش ياعني صلاتك الي فاتت بطلت .....
طب وتاني حاجة؟.. هي قراءة الفاتحة ...
اه دي بقراها اكيد .. تمام لو نسيت تقرأها ف ركعة هتعمل اييه؟؟ .. ااااااااا .. بتاهاه ليه بس تعالى هقولك .. قراءة الفاتحة فرض من الصلاة .. فلو نسيت ف الركعة بطلت .. ياعني ايه الركعة بطلت انت بتصعب الموضوع ليه ياعم انت؟ .. بطلت ياعني كانك مصلتهاش .. ياعني لو انت بتصلي صليت ركعتين وفي الركعة التالتة نسيت تقرأ الفاتحة وافتكرت وانت ف الركعة الرابعة ف هتصلي الركعة دي بنية الركعة الثالثة وتعتبر الركعة الي مقريتش فيها الفاتحة كانك مصلتهاش .. ااااه ياعني لو بصلي الضهر ونسيت الفاتحة ف ركعة فيهم هصليه 5 واعتبر الركعة دي مصلتهاش؟ .. ايوا كدة ما شاء الله عليك .. بس خد بالك ده لو كنت ناسي اما لو عملت كدة متعمد ف صلاتك باطلة ي عمنا .. ??
..... دول من أهم الحاجات الي كان ممكن اتكلم فيها وكتير ميعرفهاش او وقع فيها .. اتمنى تكونوا استفادتوا .. ?

View more

+12 answers Read more

هو لو انا في كلية تجاره ينفع اتقدم لوحده مهندسه

ايه ياعني !! ناقص ايد ولا رجل !!
فيها ايه ما تتقدملها عادي .. مبحبش يعتبر الفكر ان البنت تاخد واحد تقدير اعلي .. والولد ميتجوزش غير تعليم عالي زيه لو هوا تعليم عالي .. ديه كلها شكليات وتفكير عقيم .. لو بتحبها وهتسعدها لو ايه اتقدملها .. ❤

View more

رمضان كريم ي حلوين ?

magdyelbermawy’s Profile PhotoMagdy (صلوا ع النبي)
رمضان كريم عليكوا كلكوا ربنا يعيدوا علينا وعليكوا بالخير والبركة يارب ? ..
اول حاجة فيه ناس كتير مش عارفة تعمل اي ف رمضان بتقعد تجهز لرمضان بتقعد تفكر و و .. فهحاول اقول حاجة تساعدكوا ف رمضان ان شاء الله ..
رمضان زي الاوضة الي مليانة دهب والماظ وكنز وكل حاجة .. وعليها حارس .. الحارس قالك خش الاوضة وخد منها الي انت عايزه بس بشرط اول م الصفارة تصفر تخرج علطول بالي جمعته ...
انت دخلت خلاص .. لو قعدت تفكر وتتلهي بانك بالفلوس دي هتجيب بيت جديد .. حياتك هتتغير .. هتبقا غني .. انشغلت اصلا بجمال شكل الدهب والالماظ .. هوب ممكن الصفارة تصفر ف اي وقت وهوب تلاقيك مخدتش حاجة ووقتك كله ضاع ع انك بتفكر واتلهيت اساسا !!!
حاول طول مانتا جوة الاوضة جمع ف دهب وجمع علي قد متقدر انت مش عارف ي ترى هتخش الاوضة دي تاني ولا لا !! ..
وف نفس الوقت وانت بتجمع ممكن تفكر ف الحاجات الاغلي وهكذا ....
عرفت رمضان هتعمل ف اي !! .. ?? ..
...
صحيح طب عندك امتحانات .. ذاكر .. المذاكرة تعبد علفكرة بس وقت مبتذاكرش خش الاوضة بتاعت الدهب وخد علي قد متقدر منها ...
وربنا يكرمكوا يارب ويخرجكوا من رمضان خاليين من الذنوب يارب ... ?

View more

_ ❤

Eisoo_ji’s Profile Photoعشماآوي هاآنم❤️
اكتر واحد متمسك بيك ومش عايزك تبعد لو بعدت هيبقا اصعب واحد ترجعله ..
اكتر حد بيستحملك لو جيت عليه كتير مش هيستحمل اصغر حاجة بعدها ..
اكتر واحد هادي وساكت لو اتعصب هيبقا اكتر واحد بيتعصب ممكن تشوفه ..
اكتر حد بيحبك لو كرهته فيك عمره مهيقدر يحبك تاني ...

View more

Next