المفروض اقرأ الفاتحة في الصلاة اللي الامام بيجهر بالفاتحة فيها ؟
اختلف الآراء ف الموضوع ده ولكن هو كل الامور وارده يعني قراءه الامام تغني عن قرائتك للفاتحه بس احنا بنقراها بالفاصل الي الامام بيعيطه لينا بعد انتهائه من الفاتحه
انا قرفانه من نفسي اوي وشايفه اني مش استاهل رحمه ربنا عشان انا كل شويه اعمل ذنب واتوب منه واخد قرار اني مش هرجع اعمله تاني بس بضعف وبلاقي نفسي عملته وبعمله عشان اتخلص من اللي جوايا يعني مش بعمله بمزاجي ، شعور بيجيني فجأه وبحاول اقاوم بس بلاقي نفسي اني مش قادره وبعمله ، حاسه اني وحشه اوي
ده اكبر دليل ع رحمه ربنا المولي عز وجل اخبرنا في احاديث قدسية عن التوبة والانابة والعوده بعد كل ذنب . عايز اقولك ان ربنا كان بايده يعمل الخير بس ويخلق الحسنات بس طب ساعتها هنختبر القلب اللين م القاسي ازاي ؟ من غير ذنب هنروح لمين ونبكي ونقول سامحني انا ضعيف ! عارفه الفكره فايه ؟ ان ربنا سبحانه اسمه الودود يعني اي ! يعني المحب لدرجه كبيره هو قاصد ان تغلط فتندم ف ترجعله فيسامح وهيغفر ولو اذنبت تاني هيغفر ولو تالت هيغفر الشيطان بيلعب لعبة صايعه اوي يجي يقولك انت مقرف ازاي ليك عين تتوب وانت بتعمل وبتسوي لا ده قلة حيلة منه ! انتي اوعي تياسي من رحمه ربنا والايات كتير ولازم نظن ف الله خير الظن انه الغفور الرحيم ذي م قال انا عند ظن عبدي بي
ف متفكريش ان انتي لوحدك بتذنبي بالعكس يمكن انا اكتر منك ذنوب بس اوعي تياسي من روح الله واخيرا ربنا يريح قلبك و يبعد عنك المعاصي والذنوب
بحب جوز صاحبتي بس هي مبتحبش جوزها والله ومرتبطه بواحد تاني مش عارفه اعمل اي
اتقوا الله يخربيتكم لو ده بجد يعني اوعي تاخدي مراته عشان هي وسخه وبتخون جوزها انك تبقي زيها ده حرااام صريح راجعي نفسك واقنعي نفسك انك تقفي عند حدك عشان ده هيوديكي فسكه تانيه خالص
انا فرحي قرب و خطيبي بيقولي لما تيجي تحجزي الفستان و الكوافير جيبي حاجات وسط عشان أنا مش حمل ادفع فلوس كتير ف حاجات زي دي و بصراحه دي حاجه زعلتني لانه مش عايز يفرحني ولا يعملي اللي انا عايزاه
الراجل مغلطتش المفروض اصلا انتي تعمليها من نفسك لان الدنيا مبقتش ناقصه
نوع برفان حلو رجالي يكون لطيف 🌷
سوفاج ده صيفي و شتوي ايروس فيرزاتشي ده صيفي بلو دي تشانيل وده كويس جدا بردو
لو الاب بيغلط في الام او بيضربها وانا ك شاب اقدر امنعه .. بس هو علشان ابويا مقدرش اعمل دا ف الصح اعمل اي بقا في المواقف دي ؟
دا لو حد غريب مكانش هيقدر يعمل دا طول م انا عايش
تقدر تفصل بينهم من غير م تسيبة يضربها او تفرغ عينك منه .. ابعد مامتك عنه وخلاص وحاول تكون ليها جناح وحماية عشان ده غلط
معرفش ليه حسيت اني عايزه اقولكوا حالا ابشروا..
الحمدلله يجماعة مفيش حد قولتله أبشّر ، و إعتبرها إشارة من ربنا ، إلا وفعلًا ربنا بشره بحاجة حلوة .. وسمعني أحلى وأجمل خبر ، وبجد بفرح اوي ف ابشروا ، قولوا قبلت البُشرى