Ask @mahmoudmoustafa3:

اللَّهُمَّ صلِّ علَى مُحمَّدٍ وأزواجِه وذرِّيَّتِه كَما صلَّيتَ علَى إبراهيمَ 🍃 وبارِك علَى محمَّدٍ وأزواجِه وذرِّيَّتِه كما بارَكتَ علَى آلِ إبراهيمَ في العالمينَ إنَّكَ حميدٌ مَجيدٌ 🌸🌿

عليه افضل الصلاة واذكى السلام

View more

مسآحٍہ منْ قلُبْگ..... ❄

انا قلبى بيسيطر ع معظم قراراتى ممكن ابقى واخد قرار بعد تفكير كتير انى مثلا خلاص نسيت شخص معين وهو من سكة وانا من سكة بس اول مابشوفه غصب عنى يمكن بحن وبنتكلم عادى او حتى لو مكناش اتكلمنا مش بقدر ماركزش معاه وانسى كل القرارات اللى اخدتها دى بس بعرف اركن قلبى ع جنب وقت ماحس ان فى اهانة او قلة تقدير او تجاهل متعمد ✨

View more

رسالة رقم ٦٠

Mahmoud Moustafa
ماعرفش اذاى فيه ناس بتحن لناس خذلوهم كذا مرة ...
انا واحد من الناس اللى مش بغير من حد او من مواقف بس برجع لما اقعد مع نفسى اقول فاكر مش كان زمانك عملت كده لولا بس .....
يعنى لما بسمع فيلم رومانسى او حد.يحكيلى عن قصة حب او اقرا شعر عن الحب بحس بقد اى انا لوحدى لوحدى مش معناها انى وحيد من غير ناس حواليا لوحدى معناها انى مفتقدها ومفتقد وجودها جنبى برغم كل اللى حصل لسه بفتقدها ولسه بتوحشنى اه والله اصل الحب اعمى للاسف انا اه مقدر ان اللى حصل مكنش بايد حد مننا بس برضوا متأكد اننا لو حاولنا بس شوية صغيرين نيجى على نفسنا علشان نكمل مع بعض كنا هنكمل لانى متأكد ان زى مانا حبيتها هى كمان حبتنى اه متأكد مش بيتيهقلى لما تقعد تدخل ع بروفايلى بعد كل ده لما ماتنزلش اى بوستات وحياتها تبقى رتيبة ومملة من غيرى يبقى كانت بتحبنى لما تعيط ف الموبايل ف اول مرة تسمع فيها صوتى وكنت بحكيلها عن نفسى بس بصيغة حد تانى وقالتلى لاول مرة انها بتحبنى ده عمره ماكان كلام ف الهوا انا بقدر احس بكل حد بيتعامل معايا اذا كان بيحبنى ولا لأ ...
بس هى غصب عنها برضوا اللى حصل كان صعب ومكنش بايدينا للاسف بس بتمنى نرجع بس لا انا واخد خطوة ولا هى واخده خطوة خايف نفضل محل سر كده وكل اللى بنعمله اننا بنشتاق لبعض 😑💔

View more

رسالة رقم٥٩

Mahmoud Moustafa
هتكلم عن شيكابالا شوية .. انا عارف ان ده غريب حبتين بس انا بحبه
شيكا يعتبر من الناس اللى حببتنى ف الزمالك واحد كان بيحارب ف كل فرق الدورى لوحده ومعاه اصنام اه والله فعلا لاعيبة زى الاصنام لاعنده دم ولا خوف ع التيشرت اللى لابسينه وبرغم كده اخد هداف الدورى واحسن لاعب ف الدورى وانقذنا ف ماتشات كتيرة انا فاكر لما حبيت اعرل عن تاريخه روحت سمعتله فيلم تسجيلى عن قصة حياته وانبهرت بصراحه واحد زى ده جاى من اسوان ويحب الزمالك ويحارب لوحده قصاد منظومة بتهيئ كل سبل الفوز للاهلى وكمان مكتفاش بكده حقق بطولات للزمالك بس للاسف الحلو مابيكملش شيكا ده لو عنده شوية وعى بموهبته والله كان مكانه ف فريق كبير ف اوروبا من غير مبالغة فى لاعيبة كتير اقل منه بسنين ضوئية ف المهارة وواصلين لمكان عالى لان عندهم وعى وادراك بكل سبل النجاح بتمنى انى احاول اجمع بين الحاجتين دول بين الموهبة او المهارة المكتسبة حتى وبين الوعى الكافى انى اوظفها كويس ع احقق اللى بحلم بيه 💜💜✨

View more

رسالة رقم ٦٢

Mahmoud Moustafa
اقسم بالله بيطلع عينينا ف التصوير ماتجيش انت يامستفز وتقول التصوير تكة زرار شالله يتكوك من فوق كوبرى😂😂
حرفيا يكفى بس شغل الايديت لما صورة تاخد من الواحد اكتر من ٣ساعات تعب وعنينا بتوجعنا وضهرنا من كتر القعدة وملل وزهق ع نطلع الصورة تعجب حضرتك وتعجبنا احنا قبل حضرتك يعنى وده الاهم التصوير مسؤلية كبيرة وابداع وتعب وجهد كبير متخيل لما تصور واحد عنده حاجبه مقطوع ووشه مليان حبوب وديفوهات وعينه حمرا كأنه مانملهوش سنة ولا حاجه ونعمله ريتاتش ع وشه ف حوالى نص ساعة ده بالميت يعنى وتظبيط سنانه بقى ده غير الالوان ومرحلة البروسيسنج وحاجه ف منتهى التعب ع كده بنطلب فلوس تقدير لده يابو راس كلب لو هو تكة زرار تعالى خد الكاميرا وطلع بيها صورة واحده عدلة وظبط اضاءتك والposes واختار زاوية حلوة ومكان حلو وظبط اعدادات كاميرتك وقص الصورة صح وعيش بقى احنا بفضل الله قادرين نعمل من النهار ليل يامعلم😂😂😂🙂📷

View more

+2 answers Read more

يبقي شغلك جامد واضح😹+ مش لازم تعرف😎😂

هو الشغل مش مرتبط بالعمق بس الفكرة انى بحاول اخلى صورى تعجب كل الاذواق العميق واللى بيحبوا الايديت الهادى واللى بيحبوا الافورة والسحاب والحاجات دى وكده يعنى 😂😂+طب معانا ف الدفعة صح😂✨

View more

+1 answer in: “عميق اوي😂”

🍒space 🍒

الحب حلو لو مع حد بيفهمك ، الحب حلو مع حد عارف عيوبك بس حبه ليك اكبر من اي حاجه ، الحب حلو لو مع حد مبيتغيرش .. بيفضل شايفك زي اول مره حبك فيها ، الحب حلو لو مع حد عارف اللي بيزعلك و يبعد عنه و ميهونش عليه زعلك ، الحب حلو لو فاهمين بعض مش بنحارب بعض !!

View more

Next