Ask @mahmoudsalama8:

يس😂

ضحكت على جملة الناس المتخلفة.. 😄
بصي سيبك من الناس، ماتخليش الناس وردود أفعالهم معيار تقيسي عليه تصرفاتك وتبني عليه طموحك، غالبا هتتعبي كتير..
حتى لو هم أحد الأسباب المهم انهم مشاركين في دوافعك..
و على فكرة محدش بيركز معانا بالشكل الل احنا فاكرينه، ممكن بس اللحظة الل بنقابلهم فيها وبعدين بينسوا وكل واحد بيشوف حياته..
حاجة تاني حتة انك بتذاكري ومش بتأدي في الامتحان بشكل كويس،
-فكري في كل كلمة بتقرأيها
-اسألي سؤال لماذا! على كل معلومة
- اشرحي لنفسك الدرس
- مهم جدا تراجعي مرتين ع الأقل
وأخيرا تحلي أسئلة طبعا
مذاكرتك هتكون فعالة اكتر وهتحلي كويس إن شاء الله
ابدأي صلحي القصور الل عندك الاسبوع دا ولما تتحسني شوفي موضوع الدروس.. والزمي الدعاء.

View more

+3 answers in: “الموضوع له مميزات وله عيوب بس انا مش عارفه بس لو نويت وخدت القرار هعمل كده من اول الاسبوع الجاي”

كنت مجاوب على سؤال قبل كدا انك بتسخر من العاطفه ده فعلا يعني انت فكره الحب دي مش في دماغك خالص ؟والكلام الرومانسي الي بتكتبه بيبقى عموما ولا لواحده معينه ياريت تجاوب هبعتلك رمز تجاوب عليه لو مش عايز السؤال ينزل

اها دي كانت كلمة كدا لدكتور أحمد توفيق، عندما أسمع كلمة حب تموع نفسي وأشعر بالغثيان حاجة شبه كدا😅
كنت بهزر تقريبا مع حد بعديها مسحت السؤال لكن اتسألت مرة تانية في النقطة دي والسؤال موجود..
والكلام بيكون عمومًا أيوا..

View more

الموضوع له مميزات وله عيوب بس انا مش عارفه بس لو نويت وخدت القرار هعمل كده من اول الاسبوع الجاي

ماكنتش عاوز اخد جيولوجيا لأني ماكنتش بذاكرها وبحس اني مش بستفاد، لكن واحد صاحبي قالي لأ ماتضحكش على نفسك مش هتعرف تفهمها وحدك وهتهملها زيادة.
لما جيت ذاكرتها قبل الامتحان مجرد الكلام والشرح بتاع الدرس كان بيتردد في دماغي وفاكره وسهّل عليا كتير فإحساس عدم الاستفادة كان مجرد إحساس وخاطئ..
فاختصارا
حلّي مشاكلك الأول
وادرسي الموضوع كويس وشوفي أنسب حل مش لازم يكون انك تسيبي الدرس.. ممكن تغيري معاده أو يكون تغيير المدرس.
وأولا وأخيرا اسألي ربنا مسبب الأسباب وكلك يقين ورجاء وذل إنه يدبر أمور دينك ودنيتك ويقدر لك الخير والعافية.

View more

+3 answers Read more

ممكن ترد هنا ..

أهلا ازيك..
المدرس بينظم وقتك، وبيقيمك بامتحانات ودا دور كافي وأساسي. مش هتعرفي تعمليه لوحدك، وخليكِ صريحة مع نفسك في النقطة دي.. مش هتعرفي تنظمي وقتك ولا تمتحني نفسك.
مانصحكيش تسيبي الدروس بالكليّة.
أنصحك تتغيري انتِ وتتقأملي معاها، وتخلي في منها استفادة على اد ما تقدري عشان المشكلة جزء كبير من أسبابها متعلق بيكِ مش بالمدرس والدرس.. فالمفروض تصلحي الجزء الل من ناحيتك الأول وبعدين تقرري.. لأنك لو ماصلحتيش مشاكلك هتفضل معاكِ بردو لما تقعدي يبقا ماعملناش حاجة.
طيب تصلحي من ناحيتك ازاي؟
تنظمي أكلك ونومك وكل وقتك؛ وقت الدروس وأوقات المذاكرة والترفيه، وماتوهميش نفسك كتير بموضوع التركيز عشان هينعكس عليكِ بالسلب وان كنتي مش بتركزي بنسبة 20% مثلا هتزيد النسبة دي بالوهم.
بعد ما تصلحي الجزء المتعلق بيكِ ولسه بردو مفيش استفادة ادرسي الموضوع بتجرد، ووازني بين المميزات والعيوب وقدراتك انتِ وكوني صريحة مع نفسك فيهم.. وشوفي أنسب حل..
في الاخر هترسى على درس واحد الل ممكن ماتروحيهوش.
والعربي والانجليزي والفرنساوي مافيهومش نقاش. برا الموضوع.
في الفزيا اعتمادي كان ع اليوتيوب ولكن كنت بروح الدرس لأن المدرس كان قريب من البيت وعشان ينظملي وقتي ويمتحني.. ودي ميزة كافية وكنت بحاول ازود استفادتي عن طريق اننا كنا بنخليه يمتحنّا كتير.
العربي غيرت المدرس اخر شهرين، كان قرار متأخر لكنه كان صح جدا الحمد لله.
الفرنساوي غيرت المدرس اخر شهر وكان صح جدا بردو
القرارات دي فرقت جدا وكانت صعبة جدا خاصة ان علاقتي بالمدرسين دول كأصحاب فتخيل انك تسيبه وفي وقت زي دا!
اخر شهرين مش هيشرح لي عربي، لكني امتحنت حوالي8 امتحانات ظبطوا الدنيا معايا، وكذلك اخر شهر فرنساوي المدرس نظم لي المراجعة بطريقة كويسة جدا الله يبارك له.
بقولك كدا عشان اعرفك ان المدرس بيفرق جدا، في موضوع تنظيم الوقت والامتحانات، دا غير الشرح.
اليوتيوب شرحه جامد وموضوعي لو مافهمتيش نقطة خلاص راحت عليكِ، مفيش فنيات المادة زي البراجراف مثلا وأي مهارة في أي مادة، ومفيش مراجعة ولا امتحانات.. ومفيش مدرس كيميا مثلا وأحياء هيشتكي للبيت😂 ودي ميزة
هو فقط شرح مُكمل لكن صعب نعتمد عليه بشكل أساسي.

View more

الأنامل ملعقة الدواخل وإنني لك لمن المتذوقين ..✎

‏ ♛࿐ هذيان رجل 〉هدوءّ ➻
تؤذيني الطيبة الحادة بقدر ما أُحبُّ أهلها، إنَّها تعرِّيني أمامَ نفسِي؛ تكشفُ لي إلى أي مستوى تمكَّنت القسوة من القلب، وإلى أي مدى نجح عِراك الدنيا في تعزيز بلادة النفس..
يا إلهي! كم أصبحنا بعيدين عن برائتنا العذراء! كيف السبيل إلى بادئ قلبنا؟

View more

بتحب الكتابه ليه ؟

لأني بحب اللغة العربية وأحسبني جيّد في تذوقها، والكتابة منفذ تقدر تفرغ فيه كل شيء يدور في قلبك وعقلك، زي حد مثلا مذهبه في الترويح عن النفس الرسم أو لعب الرياضة أو القراءة... إلخ
وبتنمي الذات؛ ممكن تصيغ فكرة توصلت ليها أو خاطرة أو تدبر لآية أو لموقف يومي أو خبرة حياتية،
مثلا من أكتر من سنة يوميا لازم اكتب تدبري لآية واحدة أو حديث في سطور قليلة جدا لكن مش عاوز اقولك الموضوع دا مفيد أد ايه! لازم تجرّبه.
ومن قريب بدأت أكتب المواقف المهمة الل بمر بيها..
مع الوقت كتابة حاجات زي كدا هتجبرك تفكر فيها وتتأملها كويس وبالتالي هتنمي فكرك ونظرتك للحياة وفلسفتك فيها وهتخليك تعرف نفسك أكتر لأنها بتدي مساحة كبيرة انك تقف مع نفسك وتتأملها..
كمان بحبها عشان اتأثرت ببعض الكتّاب وحبيت أكون قادر على صياغة الأفكار والألفاظ زيهم.
والكتابة بتخليني أحاول أحسَّن من لغتي وأهتم بالقواعد لحد ما بقيت بتوفيق من ربنا مدقق لغوي في مبادرة "الباحثون المسلمون". ودا مكسب كبير بالنسبة لي بفضل الله، اللهم لك الحمد والشكر كما ينبغي لجلال وجهك وعظيم سلطانك.

View more

في الليل، فقط في الليل رجّ قلبك جيداً ثم أكتّب ..✎

‏ ♛࿐ هذيان رجل 〉هدوءّ ➻
لست حزينًا وهذا لا يعني بالضرورة أني سعيد، كل ما في الأمر أن المُحزنات ها هنا لم تعد تنتشيني، لم تعد بهذا الكم الكافي من الإثارة والتأثير..
دافن الموتى يتوقف عن عيش المغامرات بعد الجثة الثالثة.

View more

في حاجه عايزاها تتحقق نفسي نفسي اتصدق بنيه تحقق واصوم صح لو في حااجات تاااني يااريت تقولو ضرورى والنبي في امس الحاجه للاجاابه والله

'لزوم' الاستغفار، والتسبيح، والصلاة على النبي، و'الإلحاح' في الدعاء.. وقيام الليل.
"تتجافى جنوبهم عن المضاجع
يدعون ربهم خوفًا وطمعًا
ومما رزقناهم ينفقون
فلا تعلم نفسٌ ما أخفي لهم من قرة أعين= جزاءً بما كانوا يعملون"

View more

ياه انا قولت نسيت اصلا الحمدلله كويسه ، اتمنى تكون بخير .. مش بعرف اتكلم بس البقاء لله ، ربنا يرحمه ويغفر له ويدخله فسيح جناته ، لما قرأت كلامك اتأثرت جدا ربنا يهديك ويصلح لك الحال ويهون عليك كل صعب بإذن الله ، شكرا انك افتكرت ترد .

البقاء لله وحده، إنّا لله وإنّا إليه راجعون.
مانسيتش والله، قلت اسيبك فترة تنفذي الكلام الل قلنا عليه، وبعدين اسأل، أسبوعين على الأقل، عشان التركيز مش بييجي في يوم واحد، محتاج ممارسة ومجاهدة فترة.

View more

طاب مساؤك، اقتبس لنا مِمَّا تقرأ؛

ɴᴏυʀ•
"أن يظلَّ في وسعي الإحساس بالرغبة حتى الآن يُثبت جيدًا أنِّي لا أملك إدراكًا دقيقًا للواقع، أنِّي أهذي، أنِّي على مسافة بعيدة مما هو حقيقي.
لا يكون الإنسان فريسة للرغبة إلّا لأنه لا يرى الأشياء كما هي"

View more

مساحة لي ..🌼

في الكتابة أيضا يتسيّدُ المرء واقعَه، يقلبُ الهامشَ إلى مَتْن،
ويدفعُ بالمتنِ المتسلّط إلى كناسة مُهمَلة في الزاوية.
أكتب.. أمتلك الحيِّز.. أُهلل.
من قال أنَّني لا أمتلكُ حكايتي ولست فاعلةً في التاريخ؟
-رضوىٰ عاشور.

View more

وهلت نسمات ذكرى يوم ولد فيه خير البرية من جاء نورًا ورحمة للعالمين.. صلوا على خير خلق الله‎ #رحمة_للعالمين💜💜

وُلد الهدى فالكائنات ضياءُ
وفم الزمان تبسمٌ وثناءُ😍
اللهم صلِ وسلِّم وباركْ على حبيبنا نبيّنا مُحمَّد وعلى آله وصحبه صلاةً وتسليمًا كثيرًا إلى يوم الدين.

View more

Next