على حسب إستخدام الشخص للفلوس دى ربنا بيقول فى القرآن الكريم :- { كُلُّ نَفْسٍ ذَآئِقَةُ الْمَوْتِ ۗ وَنَبْلُوكُم بِالشَّرِّ وَالْخَيْرِ فِتْنَةً ۖ وَإِلَيْنَا تُرْجَعُونَ }يعنى الخير الكتير دا ممكن يكون إبتلاء ، وأحياناً إبتلاء الخير دا بيكون أشد من أبتلاء المصايب أو الشر ؛ لأن الخير الكتير ده ممكن يخلى الشخص دا يتغر "زى قارون " ...الخلاصه :- -لو الشخص أتغر بنفسه وصرف الفلوس دى فى الحرام ؛ تبقا هنا نقمه. -لو أستغل الفلوس دى فى إنه يصرفها فى ما لا يغضب الله ؛ فهى نعمه 🌸
انا متقدملي شاب سألنا عليه و هو كويس و محترم و قعدت معاه و كانت الدنيا كويسه و سالته هل بيصلي ولا لا قالي انه مش ملتزم بس بيحاول يلتزم مش عارفه اخد قرار ممكن تنصحني ؟
مبحبش النصيحه بس هقولك حاجه أنا مؤمن بيها جداً ، الشخص الى مبيصليش هو شخص خان عهده مع الى خلقه ؛ تفتكرى ده هيصون عهده مع حد تانى ؟!
كل عام وأنت بألف بخير الله يسهل خطاك لدروب الجنة وأن يجعلك من عتقائه من النار ومبارك عليك شهر رمضان وكل لحظاتك تبارك وجنة الخلد داري ودارك، والنبي جاري وجارك💜أعادة الله عليكم بالمن والخير والبركات 💙
الولد مبيتجوزش ، قصدك *الراجل*مش أقل من 20 سنه للإتنين .ومن وجهة نظرى السن مش هو المقياس ،،،الموضوع متعلق أكتر بالنضج وفهم كل شخص للمسؤليات الى عليه فى المرحله دى ، -أعرف شباب سنها تخطى ال35 ومش قادرين يتحملوا المسؤليه دى لحد دلوقت ،، وناس تانيين اتجوزا ؛ وبعد الجواز اتفاجؤا بالحمل الى عليهم ومقدروش يستحملوه .
طيب انا بعت كذاا مره علي التوثيق علي اللينك داا مفيش حاجه جات
الثريد دا كان من 6 شهور ، حالياً فيه تعديلات مستحدثه على الشروط دى :- 1- الأولويه فى التوثيق بتكون للناس الى مفعله خاصية الvip الجديده (لأنهم الأكثر تفاعل) 2- لا يقل عدد متابعينك عن 2000 متابع. 3- أى انسر عندك يكون عليه اكتر من 15 لايك . 4-لازم حساب ال gimal الى هتكتبه فى الطلب يكون هو الى انت عامل بيه الأسك ؛ وهو ده الى هتوصلك عليه رسايل التأكيد . 5- فى آخر خانه وانت بتسجل بياناتك هيطلب منك تاخد اسكرين للاكونت بتاعك (مرفقات)وباقي الشروط والخطوات زى ما هي بدون تغيير . بالتوفيق 🌸
النهارده كنت فى الكُليه (الجامعه) ؛ حقيقي بقت مكان مُخيف ؛ لا حركه ولا صوت ولا نفس ،، تقدر تقول بيت أشباح ؛ ناقصه بس شوية خفافيش . أنا كنت مقتنع الكام سنه الى فاتوا انها مكان مريب و كئيب ، بس حقيقي أول مره أشوف الكليه بالبشاعه دى .
حتى لو مش كويسين هيفضلوا بردو أهلك ، ولو أتخليتى عنهم فده معناه إنك غدرتى بأقرب الناس ليكى ، وأكتر ناس ليهم فضل عليكى فى الحياه ، ومعناه برده إن محدش هيقدر يحط ثقته فيكى .عارف إن الكلام قد يكون جارح ، ولكن دى الحقيقه.
(أَفَحَسِبْتُمْ أَنَّمَا خَلَقْنَاكُمْ عَبَثًا وَأَنَّكُمْ إِلَيْنَا لَا تُرْجَعُونَ) خلَقنا الله لهدف وحكمه يعلمها ؛ وهو عبادته حباً وطاعة ، (وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ)ولا يقتصر مفهوم العبادة على الصلاة والصيام والذكر وقراءة القرآن ، بل يتعداه إلى مراحل أعمق وأشمل، وهو أن يستشعر الإنسان كونه خليفة لله فى الأرض ، والموكل بإصلاحها وتعميرها وجعلها مكاناً أفضل ، وقد جُعلت كل المخلوقات تحت أمرته لتلك الغايه ،، وأيضاً لتكون هذه الدنيا معبراً للفوز بجنته سبحانه بعد الموت .
يمكن محترم وبيتقى ربنا ومش عاوز يعمل حاجه غير رسميه ويمكن مش ضامن ظروفه ؛ عشان كده مش عاوزك تتعلقي بيه ، يمكن مش عاوز ياخد خطوه غير لما يكون مكون نفسه ومجهز حاله مادياً .. يمكن يكون فاكر انك ممكن ترفضيه أساساً وخايف ياخد خطوه .
حب الشخص بيبان من أفعاله ؛ نظراته ، المراقبه أغلب الوقت ، الضحكه الهبله الى بتطلع لوحدها دى اول ما يشوفه ، بيحاول يلفت انتباه الطرف التانى اغلب الوقت ...