الواحد بيقعد طول اليوم يحاول يقنع نفسه بإن غياب شخصه المفضل مش فارق معاه ويجي ف اخر اليوم يلاقي نفسه انطفي وعايز الشخص ده دلوقتي ويعرف قد ايه اليوم كان ناقص من غيره وان كل حاجة وحشة وناقصة ف غيابه.
أكتر حاجة ممكن تخسر بيها إنسان بتحبه، هي الإفراط الأوڤر في إظهار المحبة والاهتمام بيه، تخيل! الإنسان جواه طبع نَمْرَدَة، غصب عنه بيتقلب على الإنسان اللي بيبالغ في تقديره ومحبته، يبدأ ينفر منه، ويتعوج عليه، ويمكن يحس إن وجودك بقى تقيل على قلبه كمان.. الحب زيه زي أي عطاء، أفضل حاجة إنها تخليه في المنطقة الوسط؛ ما هو الشيء لما بيزيد أوي بيرخص في عيون الناس.. صدق اللي قال: "أحبب حبيبك هونًا"، أنت كمان لازم تبقى غالي على نَفْسَك، خليك خفيف عشان مترخصش في عيون غيرك.
أكتر حاجة هتساعدك في إنك تتخطى مرحلة معينة في حياتك هي إنك تفكر نفسك إن ربنا عايز كده، وأكيد له الحكمة في أنه يخليك تمر بالظروف دي، وإنه سبحانه وتعالى "لا يُكلّف نفسًا إلا وسعها" ❤️
أنا عمري ما كدبت في مشاعري مع حد والله ، وعمري ما قولت لحد بحبه إلا وكنت بحبه وبرتاحله فعلاً ، وعمري ما كرهت حد وعرفت أتعامل معاه عادي وبيبان عليا بسهولة ، لو قولتلك اني بحبك أعرف أنك غالي جداً عندي ومبكدبش عليك ، لأن الكلمة دي مبتطلعش لأي حد والله وقليل أوي لما أقولها أصلاً .
أنا بتمنالك الخير عشان دا طبعي، بدعيلك عشان عارف إننا أحيانًا بنكون في عرض دعوة، بفرح لنجاحك عشان أنا بحب الناس الناجحة، بزعل لما ألاقيك متضايق لإنّي بَحُط نفسي مكانك، هسمعك لما تحكيلي عشان ما تحسّش إنّك لوحدك، هساعدك لو إحتاجتني لإنّي جايز أكون آخر أملك؛ الموّضوع باِختصار إنّي بعامل الناس بأصلي وبنقاء قلبي ماليش دعوة هل هُمّا يستحقوا دا ولا لأ.. أنا بعامل الخالق قبل ما أعامل الخلق ومش مُنتظر أيّ عوض من البشر حقيقى لإن ربنا دايمًا بيعوّضني.❤️
كل ما معرفتك تزيد هيزيد معاها تحليلك للأمور بشكل اكبر وفي الوقت ده هيحصل معاك حاجة من اتنين .. -اما تفكيرك يزيد اكتر في كُل شئ وساعتها ممكن يهلكك حرفياً -او إن حُكمك يكون أكتر منطقية وعقلانية عن سابق حياتك القديمة
انت ممكن تعلم الناس أي حاجه ف الدنيا م عدا الجدعنه والاحساس والاصول والذوق ، دي حاجات بتبقي ف الدم مينفعش فيها تعليم ، مش هينفع تعلم حد يبقي جدع وإبن اصول ولا أنه يبقي عنده دم ، كلنا ولاد ناس بس مش كلنا ولاد اصول .
قبل ما تنام قول ♥️♥️♥️
"اللهم اني استودعتك حلماً يتمناه قلبي ويشغل تفكيري فأثلج صدري، وقُرّ عيني بتحقيقه يا من أمره بين الكاف والنون قل له كن فيكون اللهُم الخير الذي يُعانق حياتي دائماً وأبداً ، اللهُم الفرح الذي لا نهاية له ، اللهُم قُربك وحُبك وتوفيقك يا ذا الجلال والإكرام"
هتتوجع من شخص كنت مديله الأمان،وهتتسند من حد مكنش ف حساباتك نهائي ... هتضيع من إيدك فرصه كنت بترتب لها بقالك فتره،وهتجيلك لحد عندك فرصه تانيه أحسن ومن سكه مش علي بالك ... هتخسر ناس مش كويسه،وهتكسب ناس كنوز كانو قدامك بس غشاوة ال قبلهم خلّتك تتعمي عنهم ... كل فقد وراه عوض،وكل عوض أفضل من ال إتفقد 🖤