:

silence*

April 24, 2024

وذي حاجةٍ قلنا له لا تبُح بها
‏فليس إليها ماحيِيتُ سبيلُ .

1

:

silence*

April 24, 2024

أَلا هَل لنا من بعد هذا التفرّق
سبيلٌ فيشكو كلّ صبّ بما لقي .

3

_

April 23, 2024

وعلى طاري البثوث دامني تكلمت فيها والله ياان فيه اشخاص ماتوقعت ولا واحد بالميه اني ممكن اترك بثوثهم كان كل شي متكامل حتى الناس اللي فيه لو نتهاوش نرجع بثاني بث نضحك ونسولف ولا كأن فيه شيء بس انا بي بلاء مدري وش هو اذا تعلقت بشغله او حسيت لمجرد احساس انها صارت مثل الروتين لي اسحب نفسي منها وازعل من نفسي على هالشيء لكنه ماهو بيدي مااقدر اغصب نفسي على شي هي تشوف انه راحه لها .

0

_

April 23, 2024

شهر عشره عندي دائماً وابداً مرتبط بالبثوث وكنت استغرب من اللي يتعقد من طول شهر عشره والا من الملل اللي فيه وكنت مااستوعب طوله لانه على طول الوقت عندي اللي يشغلني الا السنه هذي او من انحجبت بثوث التيك توك ماحضرت ولا بث احس شهر عشره صدق كريه وبه وقت طويل ماتدري وين تقضيه تبي شيء يضحكك وشيء يونسك يطلعك من جو اللخبطه اللي يجي بعد رمضان وجاكو عجزت اسلك معه الناس اللي فيه غريبين حتى البرنامج هيئته واستخدامه غريب ماهو مريح لا للنفس ولا للعين .

0

_

April 22, 2024

هيا خذلك يقولون عثمان الخميس سروري مع اني ماقد تابعته ما اهضمه سبحان الله بس يوم كل شوي يطلعون لنا بداعيه ويشككون فيه وبـ انتمائه لجماعه معينه ولفكر معين يخوف الموضوع وانا ما اتابع من طلعتي على الدنيا الا صالح المغامسي وبدر المشاري ولا يهمني هم بجماعة مين اما الطقه الباقيه ما اعرف منهم الا اسمائهم وبدر وصالح اخذ منهم القصص والسيره فقط اما الفتوى امرها عند هيئة كبار العلماء ماعمري سمعت ولا اخذت بفتوى داعيه .

1

مساحه..!!♥︎

♫ آهات

April 20, 2024

جلد حرمني كامل الزين مابيه
الحوه مني لين ياصل عظامي .

2

_

April 18, 2024

مسويه لي عشاء واتعشى واتابع سنابات سعود كالعاده يعني لاني صايبتني حاله مدري وش هي لها ثلاث سنين مااحب اكل ومافيه صوت احسني مضطربه المهم سناباته بمستشفى مدري بمنتجع صحي يعني هيئتها كأنها مستشفى وجتني الكتمه عجزت اكمل عشاي مااحب اجواء المستشفى لين دخلت على سنابات المساج والماسكات وضحكت لين دخت ولا هي عادة سعود يصور هالسوالف او حتى يرضاها بس شكله يبي متابعين جدد او يبي يوثق سنابه ومحتاج اثارة جدل بس بالعموم ضحكني والله .

1

_

April 18, 2024

مدري متى توصلنا ثقافه المشي بالحاره الصبح ماابي ممشى ولا منتزه ابي امشي بالحاره بين البيوت ويصير الوضع طبيعي ولا هو مستنكر .

1

_

April 17, 2024

امس عزلت ملابس الشتاء وقلت اخيراً احس غرفتي تبي تنفجر واليوم مثل الحلوه رجعت طلعتها مع انه ماهو مضايقني انه للحين برد ولكن كونها يوم برد ويوم حر يضايق .

1

_

April 16, 2024

قصة الشايب مصطفى من القصص اللي اوجعت قلبي قريته قيدوه وسجنوه لمده خمس سنوات بسبب نوبات عصبيه تجيه ولا هم فاهمين لحالته بسبب الجهل عندهم وهو يشوف نفسه مظلوم ولا يشوف حالته تستدعي التقييد بـ هالطريقه المهينه واللي كانت مباغته له لانهم قيدوه وهو نايم وصحى على هالحال لمده خمس سنوات تجيه وحده من بناته وهي الاقرب له بوقت اكله وتأكله وتروح وتخليه لاني اعتقد ان حتى بناته منعوهن عنه ويوم اعطاه غيث فلوس وخيره بينهن وبين الحريه اختار الحريه بدون تردد لانه ضاع من عمره عمر وهو ينتظر اللحظه اللي يقدر يمشي ويجلس فيها على راحته ولا تدري تلوم مين وتخلي مين لكنه الجهل اعاذنا الله منه .

1