حفاظًا على السلام الداخلى، الواحد محتاج يفكر نفسه كل شوية من فترة للتانية أن ربنا مابيعملش حاجة وحشة.. المكان اللى أنا فيه دلوقتى أنسب حاجة ليا فى الوقت ده والمكان اللى هاروحله لما ربنا يأذن هو برضه هيبقى أنسب حاجة ليا.. والقرار اللى خدته وشايفاه غلط ما هو إلا درس عشان اتعلم منه.. والموقف الصعب اللى شايفه ابتلاء غرضه ينشف عضمى قصاد الدنيا ويقوينى عشان اكمل.. والصاحب اللى يروح مفيهوش خير وعشان كده ربنا بعده.. والقيراط اللى مش من ال ٢٤ بتوعى اللى كان نفسى فيه أكيد متعوض فى حاجة تانية.. والرزق فى ايده.. هو بس! هو. العدل.. هو الرحيم.. هو الخبير🙂💘
والله يا جماعه انا شايفه ان موضوع الارتباط دا فاشل جداً يعني فكرة انك تحب شخص وتتعلق بي و بعدين كل شوية نتخانق و نتصالح و حرقة دم بدون اي سبب، كل دا وجع قلب الصراحه و في الاخر يا يفضل معاك يا يمشي مش مضمون يعني و دي مجازفه ملهاش داعي خالص