ما دمت أحاول بعد كل مرة يخيب السعي فيها، ما دمت أحاول التعلم بعد جهل، ما دمت أحاول الصبر بعد ابتلاء، ما دمت أحاول التعافي بعد انكسار، ما دمت أحاول الرجوع إلى المنطق حين تطغى العاطفة، ما دمت أحاول الوثوب بعد رقدة، والصحو بعد غفلة، والتشجع بعد رهبة، في المحاولة قوة ومُغالبة.
كيف تتخلص من شخص يحبك وأنت ما تحبه بطريقة غير جارحة ✨؟
من الناحية الإنسانية انطي مساحته، يعني اخلي يعبر ويعبر عن شعوره لحدما يرتاح، ويطلع كل مشاعره المكبوته سواء حب/غضب/حزن، إلى أن يسكن ويهدأ وبعدها أفهمه طبيعة مشاعري وانو مشاعري هيج مو بسبب شخصه وصفاته، يعني ما اتركه يشعر بأنو هو انترك أو انرفض لخلل بي، احفظ كرامته وماء وجهه ونظرته لنفسه أولا وآخرا.
المجامله مو شي سيء، احنا نجامل حتى نداري شعور بعض وما نسبب إحراج للغير. ماكو نسبة عندي بس راح أجامل دائما إذا هالشي ما يتعارض وي حقوقي وايضا مصلحة الآخر(لأي مدى المجامله تساعده أو تضره).
لازم اشوف نفسي بالأول إذا يناسبني انتقل لبلد ثاني أو لا، اكعد وي الشريك 'الزوج الحبيب' ونتفاهم ونقرر حسب ظروفنا والأفضل إلنا، ما اسوي شي من أجل احد اعتباطا بس لأن احبه.
وددت كثيرا لو أن لدي صديق لا تسقطه المواقف من قلبي، ولاتحبطني فعاله على مرأى من جميل ظني، ولايجعلني اقول: أنني أعطيت كل ما لدي ثم وجدت أن كفة الميزان غير عادلة.
راح اجاوب بتفصيل واتمنى مُرسل السؤال يلكه ولو كلمة تهدي ضالة عقله،أولا النصيب جزء منه هو اختيارنا والجزء الثاني توفيق من رب العالمين بأنه يتمم وييسر، اختيارنا اقصد بيه (إصرارك، تعبك، محاولتك، الأسباب الي تبذلها) هذا كله يدخل ضمن الاختيار، فأنت يا اما تختار تسوي هاي الأشياء حتى تحصل النصيب اللي ببالك أو تكون متردد وخطوة تقدمها وخطوة ترجع بيها للخلف، وهنا السبب مو النصيب (انت اختاريت). ثانيا ليش تستمر؟ بس إسأل نفسك شنو الفايدة؟ إسأل نفسك (وبعدين)؟ إذا ملكيت جواب السؤال الفات، فأنت مثل اللي يبقى يحاول يشرب مي بگلاص فارغ، عطشك يزيد وانت تنتظر النقطة تنزل، والنتيجة بلاعيمك تتورم بسبب انتظارك الغبي.لاتتعلك بين السما والأرض، انزل لحياتك، وانطي مجال للأيام تداوي التجارب وتستخلص منها بس النضج والوعي، لاتبقى لأن بقائك استنزاف لنفوسكم اللي الله سواها الكم غالية.