'💛'
احلى حاجة بالنسبة ليَّ، إنه أكتر ناس بتحبني في حياتي حواليَّ، شايفنِّي زي ما انا، وبيحبوني زي ما انا، وبيقولولي إني حلوة من قلبهم فعلًا وانا زي ما انا!وانا شعري مش متسرَّح وملخبطة البيچامات، ووانا نازلة متشيّكة ولابسة الحتّة اللي على الحبل أو حتى وانا مش لابساها، وانا بضحك وصوتي عالي ووانا ساكتة ومش بطلع من أوضتي، هما في كل الأحوال بيحبّوني، بكلِّ صِدق.أما بيبقى أي حد فينا قاعد مع صحابه أو مع ناس بيحبهم، مش بيبقى قلقان، بيتعامل بطبيعته، بيطلَّع أحسن ما فيه، بيبقى دمه أخفّ، ضحكته أحلى، ويمكن ساعات بيطلَّع أسوأ ما فيه بس -على الأقل- وهو بيعمل كل ده بيبقى مش قلقان، مش خايف حد يفهمه غلط ومش خايف حد يبطَّل يحبه لأن ده هو وهما بيحبوه لأنه هو، بنفسه، بطبيعته، بلا رُتُوش أو مثاليات وادِّعاءات أو قواعد رتيبة للجمال والتصرف وطريقة الكلام...أنا بكتب كل الكلام ده ليه؟
لأن كل واحد فينا يستحقّ -ولو لمرة واحدة- إنه يحسّ إنه محبوب، لنفسه وشخصه وأسلوبه البسيط، الغير مبهر أو المثالي على الإطلاق.
يستحقّ إنه يتشاف حلو في كل الأحوال، ويستحقّ إنه يحسّ إنه مقبول والناس حابّه تسمعه وتشوفه.وممكن أي حد فينا يحسِّس اللي قدامه الإحساس ده من غير ما يقصد.. إنك تشجع حد بعأ ما يعمل اى حاجة إنك تبتسم لحد أما يتلخبط في الكلام أو يقول كلام مش مترتب وتحسِّسه اشطا مفيش حاجة كمل ..
إنك تضحك لحد من بعيد، تسلم عليه، تسأل عنه وعن تفاصيل يومه بطريقة خفيفة لطيفة على القلب.إنك تكون السبب إن حد يدخل مكان زحمة وفيه ناس كتير وأول ما يشوفك يحسّ إنه محبوب ومقبول، ويتطمِّن -ولو لوقت قصير- لوجودك ونتيجةً لهذا الشعور الشخص ده بشجاعة وثبات وهيثق في نفسه وقتها أكتر لأنه قدامه -على الأقل- شخص واحد فقط هو قادر يشوف الحب والثقة في عيونه! :))المواقف والكلمات البسيطة، التلقائية اللي بتطلع من غير تفكير مننا، يا بتسند اللي قدامنا وبتحسِّسه بإحساس حلو عمره ما يقدر ينساه أو تعمل العكس تمامًا! وسبحان الله الكلمة الطيِّبة صَدَقة واللِّين والرِّفق..حاولوا تِدُّوا اللي قدامكم safe zone وهما بيتكلموا أو بيتعاملوا معاكم..
حسِّسوهم إن الكلام مش محسوب بالورقة والقلم ولا التصرفات والمواقف كلها بتتكتب وراهم،خليكوا إيجابيين، بسطاء، عبَّروا عن مشاعركم برِفق،خلُّوا بالكم من أثر كلماتكم وأفعالكم:)💙✨
لأن كل واحد فينا يستحقّ -ولو لمرة واحدة- إنه يحسّ إنه محبوب، لنفسه وشخصه وأسلوبه البسيط، الغير مبهر أو المثالي على الإطلاق.
يستحقّ إنه يتشاف حلو في كل الأحوال، ويستحقّ إنه يحسّ إنه مقبول والناس حابّه تسمعه وتشوفه.وممكن أي حد فينا يحسِّس اللي قدامه الإحساس ده من غير ما يقصد.. إنك تشجع حد بعأ ما يعمل اى حاجة إنك تبتسم لحد أما يتلخبط في الكلام أو يقول كلام مش مترتب وتحسِّسه اشطا مفيش حاجة كمل ..
إنك تضحك لحد من بعيد، تسلم عليه، تسأل عنه وعن تفاصيل يومه بطريقة خفيفة لطيفة على القلب.إنك تكون السبب إن حد يدخل مكان زحمة وفيه ناس كتير وأول ما يشوفك يحسّ إنه محبوب ومقبول، ويتطمِّن -ولو لوقت قصير- لوجودك ونتيجةً لهذا الشعور الشخص ده بشجاعة وثبات وهيثق في نفسه وقتها أكتر لأنه قدامه -على الأقل- شخص واحد فقط هو قادر يشوف الحب والثقة في عيونه! :))المواقف والكلمات البسيطة، التلقائية اللي بتطلع من غير تفكير مننا، يا بتسند اللي قدامنا وبتحسِّسه بإحساس حلو عمره ما يقدر ينساه أو تعمل العكس تمامًا! وسبحان الله الكلمة الطيِّبة صَدَقة واللِّين والرِّفق..حاولوا تِدُّوا اللي قدامكم safe zone وهما بيتكلموا أو بيتعاملوا معاكم..
حسِّسوهم إن الكلام مش محسوب بالورقة والقلم ولا التصرفات والمواقف كلها بتتكتب وراهم،خليكوا إيجابيين، بسطاء، عبَّروا عن مشاعركم برِفق،خلُّوا بالكم من أثر كلماتكم وأفعالكم:)💙✨
