Ask @mariamomarshahen:

-

- ماتسبش بطارية موبايلك توصل لحد ١٠٪؜ وهتفضل كفائتها عالية معاك.
- متركزش فى ١٠٠٠ حاجة،ولكن ركز على حاجة واحدة ١٠٠٠ مره
- نص المشكلة بيتحل لو إترزقنا بالشخص الصح اللى نحكيهاله.
- التغافل وتكبير الدماغ أهم أسباب إستقرار البيوت والعلاقات.
- النعمة وهى بتجيلك بيكون معاها قرين،وهو عبارة عن شخص يحسدك عليها..ف ياريت تحصن نفسك بالاذكار.
- متزعقش وتتنرفز على كل حاجة،إعمل لزعلك قيمه ومتخليهوش أمر طبيعى.
- مش قادر تبطل ذنب.. يبقى على الاقل متعلموش وتعرفه لغيرك.
- (صباح الخير،مساء النور،الله يعسلك)الكلمات دى أدعية لغيرك بالخير والنور،أما يعسلك يعنى يرزقك بعمل طيب قبل وفاتك،والنبى قال:إذا أحب الله عبدًا عسله.
- طول ما إنت كتموم نورك ساطع، واول ما يستدرجك غيرك بفضوله ويخليك تحكى ساعتها هتخفت وبريق نورك هيضلم فى نظره..فإمسك لسانك.
- إن تيجى سيرة واحدة أو واحد قدامك بحاجة وحشة فاتقول للى بيتكلم ملناش دعوة..بشهادة النبى عينك مش هتشوف النار ولا وشك هيجى ناحيتها يوم القيامة.
- خلى نصيب الناس منك ٣ حاجات..لو مش هتنفعهم متضرهمش،ولو مش هتفرحم متغمهمش،ولو مش هتجبرهم متكسرهمش!
- لما يزورك حد متحرجوش بأسئلتك:تاكل؟تشرب؟حُط من اللى عندك وسيبه على راحته.
- عاوز تنتقم؟متنتقمش..رجعهم غُرب زى زمان.
- لو عندك مقدرة تسامح سامح..مش لغيرك،ولكن علشان قلبك يرتاح ونفسيتك تهدى.
- تبقى مغفل لو إتنازلت عن أحلامك بمجرد إن غيرك مش شايفها مناسبة بالنسباله.

View more

Next