مساحة حرّة :-
قلته وانا مبداي روس النايفات
في قنتٍ متعلوي مرقابها
ارد هرج مثل در المبهلات
ولا العسل من نايفات هضابها
ان الهوى نجرٍ يلجلج مايبات
في مجلسٍ شبانها وشيابها
وان الهوى اللي في الخشب مسمرات
اللي نقلها عارفٍ مضرابها
وان الهوى اللي في الوسوط مخرزات
زبن الدخيل اليّا لزمت انصابها
وان الهوى ذودٍ وسومه لايحات
ترعا من الشرات في معزابها
وان الهوى خضر الجريد الريفات
الفين عود ولا كملت احسابها
وان الهوى ماهوب تبع الفاسدات
نثارت الريحان فوق ثيابها .
قصيدة كتبتها شملت كل انواع الهوى في هالحياه . كل واحد يقولي وش اختار هواه منها .
في قنتٍ متعلوي مرقابها
ارد هرج مثل در المبهلات
ولا العسل من نايفات هضابها
ان الهوى نجرٍ يلجلج مايبات
في مجلسٍ شبانها وشيابها
وان الهوى اللي في الخشب مسمرات
اللي نقلها عارفٍ مضرابها
وان الهوى اللي في الوسوط مخرزات
زبن الدخيل اليّا لزمت انصابها
وان الهوى ذودٍ وسومه لايحات
ترعا من الشرات في معزابها
وان الهوى خضر الجريد الريفات
الفين عود ولا كملت احسابها
وان الهوى ماهوب تبع الفاسدات
نثارت الريحان فوق ثيابها .
قصيدة كتبتها شملت كل انواع الهوى في هالحياه . كل واحد يقولي وش اختار هواه منها .
Liked by:
J
رغد التميمي.
Reco
سارة➹
عَبير.
ميما
سَمر العسّبلي..
Sea_33
أفـراح.
العْـهَد