Ask @marwaraafet:

👒👒

_حاولى إنك تشغلى وقت فراغك دايماً سواء بأنك تنمى هواية عندك أو بالقراءة او انك تشوفى فيديوهات مفيدة سواء تحفيزية او عن تطوير الذات او بتناقش مواضيع مهمة بأراء تفيدك فى حياتك زى مثلاً د هالة سمير او غيرها....او إنك تشتغلى على تطوير معلوماتك ومهاراتك فى شغلك..... المهم انك تحاولى على قد ماتقدرى مايبقاش فى وقت فراغ يخليكى تفكرى فى الموضوع ده كتير...
_حاولى إنك طول الوقت تكونى قريبة من أهلك وأصحابك وتكونى على تواصل معاهم دايما ده هيفيدك جداً عشان متحسيش بفراغ وإنك محتاجة دعم وكده.....
_حافظى دايما على صلواتك وأذكارك....ولما تحسى بالليل بالشعور ده قومى اتوضى وصلى ركعتين "او على قد ماتقدرى" لله واقرأى ورد من القرآن ومع الوقت بده كله الأفكار دى هتروح من دماغك...
_ربنا ييسرلك كل أمورك يارب ويجبر بخاطرك ويكتبلك كل خير نفسك فيه ويجعلك من سعداء الدنيا والآخرة يارب🌸💫....ولو احتجتى اى حاجه فى اى وقت تقدرى تبعتيلى...

View more

تقريبا لازم لما تكتبي آيات قرآنيه تحطيها بين اقواس.. مش متأكده بس سمعت قبل كدا المعلومه دي.. حبيت ألفت نظرك وبس😍 ودايما بدعيلك لانك حمستيني احافظ على قراءة القران كل يوم💌💌

حاضر... هسأل وابحث فى الموضوع ده ان شاء الله....
جزاكِ الله خيراً عن دعائك... ربنا يتقبل منك يارب ويجعل أعمالك كلها صالحة ولوجهه خالصه🌸💫

View more

قال صلى الله عليه وسلم : [إن أبغض الكلام إلى الله عز وجل أن يقول الرجل للرجل:اتق الله فيقول: عليك بنفسك]

_صدق رسول الله صلى الله عليه وسلم... جزاكم الله خير الجزاء عن نشر سنته🌸
_جاء في الحديث الصحيح أن الرسول صلى الله عليه وسلم قال: (إنّ أحب الكلام إلى الله أن يقول العبد: سبحانك اللهم وبحمدك، وتبارك اسمك، وتعالى جدّك، ولا إله غيرك.
وأبغض الكلام إلى الله أن يقول الرجل للرجل: اتق الله، فيقول: عليك بنفسك).

View more

+1 answer in: “كلمة لـِـنفسك 🍂”

ℱᝪℛ Ⴎℛ ℬℰᗅႮᝨⅈℱႮℒ ᗯᝪℛⅅՏ,,💢🌿

Mohamed Mohamed El hag
"لكنه يشعر انه أسير خطاياه... تقيد معاصيه لسانه أن ينطلق ويخبر الله بما يعانيه... لا يعلم أن الله مطلع على خبايا القلوب ويعلم السر وأخفى... لا يعلم أن الحديث مع الله لا يحتاج إلى موعد... ولا ترتيب كلمات ولا ترجمان...الحديث مع الله لا يحتاج كلمات!.... لا يحتاج سوى لروح... روح تحتاج الله... تشعر بفقرها ومذلتها بدونه....روح تشتاق لله... تشتاق للقرب منه " 🌸💫

View more

جزاكِ الله خير .... فعلا كلامك جاب نتيجه معايا وباذن الله هداوم عليه💚💚

وجزاكِ مثله وزياده يارب العالمين.... جعلكِ الله من سعداء الدنيا والآخرة يارب 🌸💫
دى👇لينكات فيديوهات جمعتها ليكى عن الصلاة والخشوع ل د. هالة سمير و ياسر ممدوح وأمير منير لو تحبى تسمعيهم:
https://youtu.be/D8y2PGC033o
https://youtu.be/CY7uIpil7R8
https://youtu.be/dfuDK-8M0rA
https://youtu.be/Irl2l7FhK5s
https://youtu.be/Fmh5S3fz8F0
https://youtu.be/wRzk3NpCFtw
https://youtu.be/ngF7Uv1iSgc
https://youtu.be/RSAZdk64d5s
https://youtu.be/HlU82zvITEo
https://youtu.be/nHD1UnmLfwY
https://youtu.be/m7G15v8dGoM

View more

+1 answer in: “2~ ثاني مشكله مش بخشع ومعرفش ليه ولا ايه الحل بس بفضل افكر دايما بأمور دنيويه تافهه ومش مركزه بالايات ولا الصلاه💔 اعمل ايه؟”

2~ ثاني مشكله مش بخشع ومعرفش ليه ولا ايه الحل بس بفضل افكر دايما بأمور دنيويه تافهه ومش مركزه بالايات ولا الصلاه💔 اعمل ايه؟

خلينا متفقين مبدأيا كده ان الخشوع مش هيحصل مرة واحدة ده بنفضل نقاوم ونحاول لحد مانوصل لمرحلة الخشوع بجد فى الصلاة....
فى البداية لازم نبقى متخيلين ونستحضر ان واحنا بنصلى بنبقى واقفين بين يدى الله ونشوف نبقى حابين ربنا يشوفنا إزاى واحنا واقفين بين يديه....
نبقى عارفين ان الصلاة مش بنصليها عشان مجرد فرض علينا... لا احنا بنصلى عشان محتاجين ان احنا نرتاح بيها من كل حاجه بتحصل معانا فى الحياة يعنى وقت الصلاة نرمى كل حاجة تخص الدنيا ورا ظهرنا.... ونحاول نصلى فى مكان بعيد عن الدوشة وكده بحيث نحاول ان يبقى التركيز فى الصلاة وبس.....
نراجع آيات جديدة قبل الصلاة ونصلى بيها بحيث اننا هنحاول على قد ما نقدر نركز واحنا بنقرأ بيها عشان هنبقى خايفين اننا نغلط او حاجه...اما فى حالة لما نصلى بنفس الآيات كل مرة ده بيبقى اللسان واخد عليها وممكن نبقى بنقرأ من غير تركيز.....
واحنا بنقرأ نحاول نركز مع كل كلمة بنقولها ونستشعر معناها...وقراءة التفسير بتفيد فى النقطة دى....
واحنا بنقرأ نبقى سامعين صوتنا فى القراءة عشان نفضل مركزين.....
لازم ندى كل حركة فى الصلاة حقها ونبقى مقتنعين ان مفيش حاجه اهم من وقوفنا بين يدى الله فمنستعجلش فى الصلاة بحجة ان فى حاجة ورايا عايزة الحق اخلصها والكلام ده..... انا بصلى يبقى لازم أدى الصلاة حقها.....
لازم نبقى عارفين ان الصلاة راحة ثم راحة للنفس من كل شئ...صدق رسول الله صلى الله عليه وسلم عندما قال أرحنا بها يابلال....
**كان فى فيديوهات كنت سمعتها قبل كده عن الصلاة وعن الخشوع فيها وكده فهحاول ادور ليكى عليها واجيبلك اللينكات بتاعتها وأحطهالك فى انسر فى الثريد ده....

View more

+1 answer Read more

انا الحمدلله محافظه على صلاتي بوقتها وبصلي السنن والقيام والضحى وحافظه اجزاء كتير من القران بس اول مشكله هي بفضل أقرأ بالصلاه سور قصيره فقط وبالغالب بكررها كل صلاه وكأنه روتين، بخاف اقرأ من الطوال اللي حفظاهم لا ألخبط فيهم او انسى أيه بالنص💔 ثاني مشكله مش بخشع بالصلاه.. معرفش هكملك بسؤال جديد..1

بسم الله ماشاء الله تبارك الله... بارك الله لكى وزادكى من فضله وكرمه يارب...وجعلكى من سعداء الدنيا والآخرة...
ربنا أنعم عليكى ماشاء الله بحفظك لكتابه وده كرم كبير فمتقلقيش من موضوع انك هتغلطى وهتنسى اية وكده لان طول مااحنا خايفين من الحاجه مش بنعملها...حاولى تراجعى الآيات اللى هتصلى بيها قبل الصلاة وصلى بيها وده هيفيدك فى إن دى افضل طريقة تثبتى بيها حفظك بالإضافة انها هتفيدك كمان فى موضوع الخشوع اللى انتى بعتاه فى الكيو اللى بعد ده وهجاوب عليه دلوقتي ان شاء الله...

View more

إقتباس٠٠٠✍✨

قد تشعر بالحزن على أمر ما، وقد تبكى بكاء المضطر وتنام، ولكن الله لا ينام عن تدبير أمورك، إنه يدبر لك فى الغيب أموراً لو علمتها لبكيت فرحاً...
حين نتأمل أوجاعنا نعرف أن أسوء ماحدث لنا كان من الناس، وأجمل ماحدث لنا كان من الله، ومازلنا نتقرب من الناس، ونبتعد عن الله....
*من كتاب "مدينة الأقوياء" ل عمر آل عوضه

View more

انتي فعلا نورتي حياتي وملتيها بهجة وممتنة لوجودك ف حياتي جداا جداا ي غاليتي ويارب ربنا يجمعني بيكي قريبا هكون ف منتهي السعادة والله حقيقي ربنا يديم وجودك ف حياتى وحياة اي حد يعرفك بقالي فترة عاوزة افتح عشانك بس للأسف النت كان ضعيف عندي اووي وفتحت النهاردة عشان ابعتلك ❤️❤️

صدقينى انتى اللى دخلتى البهجة على قلبى دلوقتي... ومش فى ايدى حاجه غير انى هفضل ادعيلك دايما ان ربنا يسعدك ويفرح قلبك ويجبر بخاطرك فى الدنيا والآخرة ويحبك ويرضى عنك ويراضيكى يارب ❤️🌸

View more

هفضل اقول دايما ربنا يكتر من أمثالك وينفع بيكي انا كل اما بفتكر انك ف حياتي بفرح جداا ربنا ما يحرمني منك أبداا وصدقيني انا لو ف يوم احتاجت لنصيحة انتي اول حد هييجي ف بالي لأنك عارفة انك هترشديني للصالح وانا بحب نصايحك اووي وهعمل بيها دايما انا مهما اتكلمت مش هوفيكي حقك بس بجد انا فخورة اني صديقتك ❤️

أى حد هيبقى فخور ان عنده صديقة بقلبك الطيب ده يابنتى والله...مهما شكرتك مش هيوفى كمية السعادة اللى دخلتيها على قلبى فى الوقت ده... شكراً جدا ❤️

View more

أتمني أن أكون شبهك ف كل شئ بجد انتي تتحبي بكل تفاصيلك والله وتتشالي علي الراس كده ي جوهرة ربنا يرزقك الزوج الصالح التقي النقي اللي شبهك كده اللي يقدر انه يحافظ علي الجوهرة دي ويتقي الله ف فيكي دايما ربنا يديمك قدوة صالحة ي جميلتي بتمنالك كل الخير والسعادة اللي ف الدنيا بجد ودا قليل عليكى جداا ❤️❤️

الكلام ده كتيير جدا عليا انا أقل من الكلام ده بكتير.. بس شكراً جدا بجد انتى اكيد اللى قلبك طيب ونقى عشان تشوفى الناس بالجمال ده...وشرف ليا كلامك ده والله... فليصلحنى الله ويجعلنى عند حسن ظنكم🌸💫

View more

اكتر واحدة تستحق ان الواحد يدخل يكتبلها حاجة تفرحها والله انا بحبك جداا جدات انتي بتكبري ف نظري اووي كل اما اقرأ نصايحك وكلامك اللهم بارك ربنا يديم عليكي قلبك التقي النقي دا يارب ويديم عليكي بهجة قلبك ويحبب فيكي خلقه بجد ياريت الناس كلها زيك والله عشان ميبقاش ف شر ف العالم حقيقي ربنا يسعدلي قلبك ❤️❤

ياالله فرحتينى والله فى وقت انا مخنوقة فيه جداً... ربنا يسعدك يارب ويفرح قلبك ويجبر بخاطرك ويجعلك من سعداء الدنيا والآخرة يارب ❤️
ربنا يجعلنى عند حسن ظنكم ويغفر ليا ماتعلمون وما لا تعلمون ويجعلنى أفضل مما تظنون يارب🌸

View more

من الشخصيات الجميلة جدا ويمكن متعاملتش معاكي كتير لكن بحبك وربنا يكرمك ويوفقك ف حياتك يرزقك الخير دايما 💙

ربنا يحبك ويرضى عنك ويراضيكى يارب... اللهم آمين يارب العالمين نحن واياكى يارب... اسأل الله لكى المثل وزيادة يارب 🤲🌸

View more

+20 answers in: “خلي دا ثيرد كله "اسأله،دعا،كلام عنك،رأي الناس فيك" بس بأنون..💛 اعمل شير للكيو واستني كلام الفلورز💛”

مش معاكي ف وجهة نظرك دي .. اصل اللي ياخد حد عشان شكله يبقي سوري يعني مش بيفهم .. مهما كان الجمال بكره يزول .. المهم النَفس او الروح والاخلاق ، التدين ، التربية .. الحاجات دي لو موجودة بجد يبقي البيت هيبقي صالح .. انما ٩٠ % جوازاتهم فاشلة بسبب انه حب شكل وبس ... دي وجهة نظري ☝️

mostafa (فَالْتَمِسُوا نُورًا)
أولا :دى وجهة نظر والدتى مش وجهة نظرى أنا... بس انتم فهمتم وجهة نظرها غلط وأنا مش عارفه أشرحلكم وجهة نظرها...
ثانيا: انا بتفق مع حضرتك جدا فى كلامك وان مفيش حكم بالشكل وان فى صفات تانية كتير اهم من الشكل يتبنى عليها الاختيار عشان تأسيس بيت صح... بس ده ميمنعش برده ان ده من حقه انه يختار برده واحده يبقى راض عن شكلها ولما يبص فى وشها يحس بالراحة النفسية.... الرسول صلى الله عليه وسلم قال ( تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ )...الرسول ذكر الجمال يعنى دى نقطة من حق الرجل... ولازم لما يجى يختار يعمل موازنه فى كل الصفات مع ترجيح كفة الدين أكيد...

View more

+20 answers in: “خلي دا ثيرد كله "اسأله،دعا،كلام عنك،رأي الناس فيك" بس بأنون..💛 اعمل شير للكيو واستني كلام الفلورز💛”

إنتى جميلة يا مروة وبحب إنك بتبعتيلى قرآن وربنا يجعله ف ميزان حسناتك ❤

شكراً جداً بجد... ربنا يجعلكم من سعداء الدنيا والآخرة يارب 🌸

View more

+20 answers in: “خلي دا ثيرد كله "اسأله،دعا،كلام عنك،رأي الناس فيك" بس بأنون..💛 اعمل شير للكيو واستني كلام الفلورز💛”

طب ما ده حاجة طبيعية في أي رؤية شرعية لازم إللي هيتقدملك يشوف شكلك 🤔😃

أيوة طبعاً ده الطبيعى... بس انتم فهمتم وجهة نظر والدتى بطريقة مختلفة...قصدها مكنش كده خالص...

View more

+20 answers in: “خلي دا ثيرد كله "اسأله،دعا،كلام عنك،رأي الناس فيك" بس بأنون..💛 اعمل شير للكيو واستني كلام الفلورز💛”

إيه هي وجهة النظر الغريبة دي؟

يعنى بإختصار شديد بتقول انه لما يجى يبقى جاى عارف عنى كل حاجه اخلاقى شكلى وهكذا يعنى.. مش مستنى انه هيشوف شكلى وبعدها يقرر 🤷‍♀️
غريب صح؟

View more

+20 answers in: “خلي دا ثيرد كله "اسأله،دعا،كلام عنك،رأي الناس فيك" بس بأنون..💛 اعمل شير للكيو واستني كلام الفلورز💛”
Next