Ask @maryamhellal92:

_

MARIEM
فلاحين الشرقيه دول عندهم كل البرندات..من الملابس لحد الكافيهات... فلاحين الشرقيه عندهم ارخص شقه ب١٠٠٠٠٠٠جنيه... فلاحين الشرقيه..ممكن يصحو الصبح ينزلو القاهره يفطرو في ستار باكس ويرجعو... فلاحين الشرقيه دول اعلي رؤس اموال في مصر..واعلي مناصب في الدوله...يبقي مين فينا اللي فلاح احنا ولا انتو؟🤔🤔🤔🤔🤔🤔🤔🤔🤔🤔🤔🤔🤔🤔🤔🤔🤔🤔🤔🤔
- انا آسفة أصل إنت\ي مش فاهم\ة.. كلهم قالوا إن الشراقوة فلاحين وان البنت بتلبس جلابية ومنديل أخضر عليه كور ملونة على راسها وهتحلب البقر الصبح علشان تشرب كوباية اللبن الفريش ع الفطار وتكنس الدار 3 مرات في اليوم.
- لاااا إحنا اتغيرنا خالص يا لينا بقينا بنقول على الزقازيق Zag وبنعمل شوبنج في الداون تاون مول ونلبس احسن براندات ونقعد في Spectra ونشرب المورنينج كوفي ونشترك في النادي أو الچيم وندخل عيالنا مدارس إنترناشيونال ونجيب لهم سبلايز بدل الطلبات ولانش بوكس بدل كيس السندوتشات وبقى عندنا أحياء إسمها المهندسين والسلام والمستشارين وقريباً المعادي وبنروح القومية Street Mall، تعرفي انتي القومية Street Mall؟؟؟؟
- لأ🤔يعني ايه
- فلاحة😏😏
#شرقاوية_وأفتخر

View more

+5 answers Read more

_

MARIEM
بالوقت هتتعلم ماتجيش على نفسك أوي عشان حد -
هتتعلم ماتقرّبش من حد مش واضح،
هتتعلم ترد وتاخد حقك
وان "الكسوف"مش في قاموس البشر.
هتتعلم ماتدّيش للناس فرص تانية يرجعولك بعد ما سابوك في ضيقتك،
وهتتعلم برضو ان النهايات كانت محتومة من أول مرة. هتتعلم ان الصُحاب هما اللي باقيين بعد أى مرحلة زمانية أو مكانية كانت بتجمّعكوا، وان المسافات بتبعد البشر بس بتقرّب القلوب الصادقة.
هتتعلّم ان اكتر حد بيحبك هو اللي بيزعقلك وبيخاف عليك مش اللي بيطبط وبينفخ فيك. هتحمد ربنا على دعوات ماتحققتش وهتبطل تصمم على دعوة معينة وهتدعي "بالخير"
هتبطّل تنبهر، وهتكسر كل تابوه انت عملته لناس ماتستاهلش، هتعرف ان مفيش حد كامل مهما ظهر قدامك مثالي.
هتقلل سقف توقعاتك من كل الناس مهما قرّبوا.
هتتعلّم تعيط وتعبّر عن اللي جواك مرة واحدة وتسيب حزنك يخرج ويروح
هتتعلّم تستحمل أكتر وتصبر أكتر على هدفك.
هتتعلم ان مفيش حاجة اسمها الحياة بتقف،
هتتعلم ان مفيش حاجة اسمها الحب الأول مابيموّتش، بس فيه حاجة اسمها "الحب الأول لا يموت؛ بل يأتي الحب الحقيقي ليدفنه حياً.⁩"
هتعرف ان انت محتاج الرضا مش السعادة، وهتعرف إن الأحلام مابتتحقش بسهولة زم ماحنا كنا فاكرين، لأ دي بتاخد معاها جزء مننا،
هتتعلّم ازاى تبطل تجلد نفسك وتهينها قدام نفسها وقدام غيرها طول ما هى بتحاول،
هتعرف ان محدش بيحبك قد أهلك.
هتتعلّم تهوّن أى وجع طول ماهو مش موت.
هتتعلم ازاى "تسيب" من غير معافرة. هتتعلم ان مش كل قاعدة حطيتها للمثالية في أى شخص لايقة عليك، واننا غالباً بننبهر بناس "غلط" كاسرين كل قواعدنا. هتبطّل تقاوح، تناهد وتتطبط على حاجات وناس فارقوا. هتتعلّم انك محتاج "العُزلة" في أحيان كتيرة.
هتتعلم تتسامح مع اللي كانوا فترات منتهية في حياتك عشان تقدر تتسامح مع نفسك. هتصعب عليك نفسك لما تكتشف "احتياجها" لناس معيّنين وهتبّطل تدعي بوجودهم بس هتدعي بالغنى وبخلاص روحك منهم.
هتعرف انك محتاج ربنا وبشدة، وانك تايه طول ما انت بتتوه حواليه مش ليه، هتحس بمعنى السلام الحقيقي وهو معاك، هتعرف ان مفيش حاجة اسمها لذّات في الدنيا وان كلها مجرّد دفع آلام. هتعرف ان مفيش حاجة تستاهل "القهر" غير بُعدك عنه أو فوات آخرتك، هتعرف انها رحلة قصيرة أوي مكنتش مستاهلة كل الحزن ده عليها.
هتتعلّم تتخلّى بسلام، وتبعد بسلام، وتتعامل مع نفسك بسلام.
بالوقت هتتعلم ان كل الناس ماشية.. وانت بس اللي باقي.
#فرفقاً !

View more

احكووا ✌💙

عن الطفل الصغير اللى شاف واحدة غلبانة فطلع 50 قرش من جيبه وادهالها ولما روح لقى باباه بيديله 5 جنيه ومامته كمان عشان يجيب حاجات حلوة عشان لسه قابضين فيتأكد إن الحسنة بعشرة أمثالها وزيادة
وعن بنت لسه مخلصه محاضرات وراحت اشترت ساندوتش من كافتيريا الجامعة، وهى خارجة لقيت طفل نفسه فى الأكل وباصص للساندوتش فتديهوله وتروح تلاقى مامتها عاملة أحلى أكل بتحبه فتبص للسما وتبتسم
وعن الراجل اللى وقف يشترى لحمة لقى فقير بياخد عضم عشان يعمل عليه شوربة فيشتريله كيلو لحمة ويبوس راسه ويقوله كل شهر تيجى تاخد كيلو ويحاسب الجزار ويرجع بيته يلاقى مراته بتقوله أنا حامل بعد تأخير حمل 5 سنين وعن شاب قرر التوبة بس قلبه متعلق بالذنوب لسه وسهران قدام الكمبيوتر ويسمع الفجر قلبه يحن للمسجد ينزل يلاقى أول آيه فى الصلاة الإمام يقرى بيها "ألم يأن للذين آمنوا أن تخشع قلوبهم لذكر الله" فيبكى بحرقة ويعلن توبة بقالها سنين وميفوتش فرض من ساعتها عن مواقف كتير بتبين تدبير ربنا لينا💚

View more

Space 🌼 💜

Asmaa-
كلمتين بس في نهاية 2018 للناس في حياتي، أنا عارفة مين فيكم بيحبني ومين بيكرهني ، مين بيتمنالي الخير ومين بيتمنالي الشر، عارفة مين فيكم صادق في كلامه ومين كداب ، في فرق ياجماعه بين انى مصدّقة كدبُكم بمزاجي و بين إنّي مضحوك عليّا ، العيب مش عليا ، العيب عليكم لو فاكرين إنّي مصدّقاكم.

View more

🌸 Space 🌸

Tasneem Taha
انا مش شبهكوا للاسف ، انا لما بقول كلمه ببقى قاصداها ، لو قولتلك مره بحبك يبقى بحبك ، و لو قلت ربنا يخليك ليا يبقا عايزاك فِ حياتى فعلاً ، الكلام ده بالنسبالى مش مجامله ، و مش هقول عليكي صاحبتى وانا لسه عارفاك ومش هتعامل معاك وانا مبطقيكش ، انا بوش و طبع و دماغ واحده مع الكل..

View more

Next