انا رام الله بس انو لا مهي علامات كل الطلاب بكل المحافظات لازم يحسبوهم بنفس الطريقة عشان يكون في عدل فما اتوقع انتو غيرنا وانو بالنسبة الي ما اهتميت بالملف في اشياء فاضية عندي بالنهاية بس تقييم باثرش ع معدلي
حبيت 💛" يوم ميلادي اللي فات ضليت ماسك التلفون اكتر من ٥ ساعات .. مستني رسالة معينة ومعتقد ان الشخص هاد قاعد مستني الساعة ١٢ تيجي عشان يحكيلي كل سنة وانت سالم .. مرقت الساعة ١٢ وضليت مستني لحد ما نمت وانا ماسك التلفون.. الرسالة اجتني بعد بيومين ... ما انبسطت .. انا كنت مستنيتها تيجي الساعة ١٢ .. ب يوم كنت مخنوق من موضوع معين وبدّي احكي مع حد .. اتصلت بواحد صاحبي كتير ما رد.. ضليت ماشي ف الشارع بعد المدرسه متدايق لحالي .. بدي ابكي بكاء هستيري كأنه حد مات لدرجة انه واحد ما بعرفه وقفني وصار يحكيلي طب اهدا خلص و ان شاء الله خير .. روحت عالبيت ونمت .. صاحبي اتصل بعد يومين واعتذرلي انه كان مشغول جدا الفترة اللي فاتت .. ضليت ساكت مش عارف ايش احكيله .. كل اللي كنت بفكر فيه وقتها شكل الناس وهم بطلعوا ومتعاطفين معي صاحبي اعتذر مليون مرة بس انا جواتي اشي انكسر وعمري ما رح اعرف احتاجه مره تانية ..كان عندي صاحب كتير وبيننا عشرة ومواقف حلوة .. في مرة زعلنا مع بعض وكان هو اللي غلطان .. استنيته يجي يصالحني .. مر شهر جاي يصالحني وعاملي مفاجأة و جايبلي الاشياء اللي بحبها .. انبسطت كتير لأَنِّي كنت مشتاقله .. بس عمري ما عرفت أرجع أتعامل معاه مثل أول لانه اتأخر كتير ..يوم نتيجتي في التوجيهي كنت متزاعل مع اهلي بس أول ما عرفت اني جبت علامه كويسه ركضت عندهم وانا مبسوط وحكيتلهم النتيجة طلعت .. ما تطلعوا فيي حتى .. قالولي مبروك جافة .. بعد شوي اجوا يحضنوني ويحكولي مبروك ويمزحوا معي .. انبسطت بس مش كتير لاني كنت مستني منهم انه من الفرحة رح يقوموا يحضنوني بساعتها و ننبسط كالعادة .. بس ردة فعلهم إجت متأخرة شوي..اوعوا تفكروا إنه في شخص حيضل يحبكم على طول بلاش تتأخروا وتأجلوا الاشي لحد ما شغف اللي قدامكم في الموضوع يروح .. طعم الاكل لما تكون جوعان احلى بكتير من طعمه لما تكون بتاكل عشان زهقان وخلص .. ما تدخلوا ف علاقة صداقة او غيرها الا وانتوا قد اللي دخلتوا فيه .. قبل ما تدخلوا اي علاقة وتعشموا الناس فيكم .. اعرفوا واجباتكم ايش ناحيتهم بالاول .. و لما تغلطوا اعتذروا ف وقتها .. قولوا للناس انكم بتحبوهم اول ما تحسوا بمشاعر ناحيتهم و ماتترددوا .. الوقت بيقتل المشاعر ..!!