Ask @medoelhady999:

من كتر ما مريت بمشاكل وخذلان و وجع قلب وعياط وخنقة وان اكتر ناس واصحاب حبيتهم محبونيش بنفس الطريقة وبقيت تصعب عليا نفسي كل دا وانا لوحدي ومحدش جنبي ، قلبي جمد علي كل الناس حتي اهلي مبقاش فارق معايا حد وماشية اخبط ف الكل وازعلهم والمصيبة اني مش فارق معايا زعلهم ولا في فقلبي ذرة لين ولا حب لأي حد

انتي اللي اهتميتي بالناس دي زياده ع اللازم وادتيلهم حب واهميه اكتر م اللي هما محتاجينها ف كان لازم يعملوا كدا ويخزلوكي
عودي نفسك متهتميش بحد مبيهتمش ومتحبيش حد محبكيش الاهتمام ع القد ومل حاجه تبقي بحدود

View more

For me 📝💛

علي فكرة رحمة ربنا ممكن تجيلك علي هيئة شخص ما.. "صاحب، حبيب، أخت، قريب" وجوده دفي وكلامه بلسم، تروحله متعبي هموم، وتخرج من عنده فاضي ورايق.
شكرًا لكل الخُفاف علي القلب.. بنحبكم في الله.. وجودكم سند وعتابكم هين ومالكوش في القسوة.. بنقصر وبتهتموا.. بنغيب ووقت مابنحتاجكم بتكونوا أول الحاضرين.. رغم كل الوحش اللي فينا.. ديمًا شايفين إننا حلوين حلوين!.
صدق الإمام الشافعي: ‏يُرسِلنا الله بعضنا لبعض رحمات.

View more

Space⚡🖤

Tasnim♥4 Days' Left
إكسر قلم رصاص، وإسأل أي حد وقوله: ممكن قلم الرصاص ده ينبت؟.. هيقولك ربنا يكملك بعقلك يابني!.
النبي ﷺ مكانش بيعيشله صبان.. خلِّف ٣ اولاد وكلهم ماتوا.. فكان في راجل مؤذي من الكفار كل لما يعدي علي سيدنا مُحمد يضايقه، ويقوله يا أبتر.. يامقطوع النسل يالي سيرتك هتتقصف ومش هيكونلك وريث يشيل إسمك ويبريها، ساعتها بكي النبي وإتوجع وجع قاسي.. لكن ربنا كان له راي تاني، ومقبلش يشوفه مكسور الخاطر ويسيبه.. فبعتله سيدنا جبريل برسالة قرآنية ووعد رباني وقاله: إنا أعطيناك الكوثر.. متزعلش يامحمد!.. أنا كتبت بإسمك أعظم أنهار الجنة، نهر الكوثر هتشرب وترتوي منه لحد ما يطيب قلبك ويتجبر خاطرك.. فصلِّ لربك وإنحر.. قوم صليلك ركعتين وإفرح وإدبح الدبايح ووزعها علي الفقرا وإستبشر خير، إن شانئك هو الابتر.. اللي شتمك ده هو اللي هيتكسر ويتقطع نسله في الدنيا، وهيجي في الآخره يقابلني بطولُه.. لا هيعرفه ولد ولا هينصفه قريب أو يشفعله صاحب!.. هيقف قدامي كأنه مقطوع من شجره.
- ينام ليلتها النبي ﷺ مرتاح النفسية وهادي البال، وتعيش سيرته وإسمه لأكتر من ١٤٠٠ سنة، والراجل اللي أذاه حتي إسمه مفرقش مع حد يعرفه!.. وكأن ربنا مبيقبلش يشوف عبده حزين وميراضيهوش، مظلوم ومينصفهوش، وبيجبر الجبر اللي يليق بيه سبحانه وتعالي.. إطمن ياقلوق.. هتتوفق وربنا هيراضيك، وهيبدل حرمانك بخير العطاء، وهيفاجئك في المستقبل بالفرحة اللي تنسيك حزن الماضي!.
#يارب_سندك.🤲🏻
#احمد_ايمن.

View more

space🍃💚

Tasnim♥4 Days' Left
أحلي يوم في عمرها.. لبست أجمل طقم، وإتزوقت.. إتنططت وكأن الأرض سُخنة!.. باست نفسها في المراية من الفرحه.. كانت زي الطفل يوم الوقفه.. فرحانه بشكل ميتوصفش.. النهارده جاي يتقدم حبيبها اللي إستنته من كتير.. الميعاد كان ٨.. بس فات نص ساعة ومجاش، ياخبر بقوا ساعة!.. ترن عليه قافل موبايلة!.. فات ساعتين.. أهلها بدأوا يبصوا لبعض وهي في نص هدومها من الكسوف.. دخلت اوضتها وتربست الباب وهاتك يا عياط!.. إكتئبت وإنهارت، وهي متعرفش إنه كل ده بيلعب بيها وقاري فاتحة علي قريبته أصلاً!.
أكيد لما سيدنا الخضر وسيدنا موسي كانوا في رحلة اليقين مع بعض، واما ركبوا السفينه اللي بيشتغل عليها شباب غلابه محلتهمش غيرها وسيدنا الخضر كان وقتها عارف إن في حاكم لمدينه مفتري!.. أي سفينة أو مركب تعدي من عند حدود مملكته وتعجبه كان ياخدها غصب عن أصحابها.. سيدنا الخضر جاب حتة حديده وفضل يخبط في جسم السفينه لحد ما خرمها وخلاها معيوبة.. أكيد وقتها أهل السفينة لما إكتشفوا العيب زعلوا وتشائموا وممكن كمان مكانوش يعرفوا إن الملك كان هيسرقها ولكن لما لمحها بثقبها سابها، ورجعوا بلدهم وصلحوها وهما متضررين! وميعرفوش إن قدر كان أخف من قدر، ومشكلة أحسن من أزمة كانت هتخرب بيتهم!.
وكم لله من لُطفٍ خفي!.. لما يتسد باب متزعلش هيتفتح بداله أبواب.. هتتعوض وتُرزق باللي يشتريك بالغالي ويشيلك في نِنِ عنيه.. خسرت حبيب؟.. هتكسب اللي تعشقه.. ضاع حلم؟ ربنا هيحققلك اللي مكانتش تتخيله.. ربك أكرم من إنه يعريك من حاجة من غير مايكون محضرلك الستر البديل.. لا تبكي علي نجم السماء الذي فقدته فلعل الله قد كتب لك القمر !. متبصش تحت رجليك لكن بص قدامك وإنت هتلاقي إن مفيش حد إتحط في معادله صعبه غير وربنا سهلها.. ومحدش زعل علي الحلو اللي راح غير وبعد شوية قال حلو إنه راح!.. علي راي الشيخ الشعراوي: إذا حرمك الله مما تريد فإعلم أنه سيعطيك ما تحتاج!.
#ثقة_في_الله_هتفرج.☝🏻
#احمد_ايمن

View more

Next