Ask @medoom0:

بالمناسبه انت مش شايف ان الموميات والانسان الفرعوني كان حجمه اكبر من الطبيعي الوقتي بكتير فشخ ؟ الكلام الوقتي علي ان التطور بس في اوقات معينه زي الزمن الاتنقلت فيها الحياه من البحر للبر وساعتها كان في برمائيات وكده يعني انما طول ما مفيش حاجه خارقه للطبيعه او بتهدد الحياه مفيش تطور في الكائنات

m7md makram
يا الله!! لا مش شايف ان الاسنان الفرعوني كان حجمه اكبر من الطبيعي بكتير فشخ ولا حاجة.و هو فعلا كدا دا مش رأيي الشخصي يعني. دا انت اطول من توت عنخ امون!😂 كانوا عادين يعني ، الفراعنة دول بالنسبة للمسار التطوري للانسان كانوا اول امبارح😂 احنا اتشكلنا على مدار ملاين ملاين السنين. حجم جمجمة الانسان ناو اكبر من حجم جماجمه بإختلاف اشكلها عبر المراحل اللي مر بيها عشان يوصل لشكلنا دا. انا مش فاهمك ، انت موافق على التطور طول ما هو بعيد عن الانسان؟ "اتنقلت فيها الحياة من البحر للبر" يعني مكانش في حياة على البر؟ و طلع برمائيات اشطا و بعدين بئا في حياة ع البر ازاي؟ البرمائيات تطورت ؟ ولا ربنا سبحانه و تعالى خلق كائنات ؟ الفكرة مش ف حاجة خارقة للطبيعة ، هو تكيف مش اكتر كائن بيروح بيئة مختلفة عنه ف على مر الزمن بيتكيف و التغير اللي بيحصل له بيتنقل للسلالة بتاعته و بتستمر. ارجوك راجع حوار الفراعنة دا بالذات😂 انت مروحتش المتحف؟ يمكن كانوا اطول من الطبيعي سيكة ولا حاجة بس عادي يعني

View more

وحوار الارانب ده انا مغيرتش من قرد لارنب ولا حاجه انا قصدي انه مش عشان في تشابه في بعض الاعضاء او الاجزاء مع حيوانات معينه مش لازم القرد يبقي احنا متطورين منهم يعني واقراء كويس هتعرف ان معظم الابحاث الجديده فعلا بتكدب من غير بقا شغل الدول العربيه و حوار عايزين يخرجونا عن دينا والهلس ده كله

m7md makram
ارانب او قرود مش فارقة. برضو هقولك ان التشابه ف الاعضاء مش السبب الوحيد. حاضر هقرأ ابحاث جديدة لنج عشان عيونك مش عشان محتاجها 😂

View more

نظريه التطور يا ارهابي من رائي يعني احنا نتفق معاه في نقط بسيطه بس مش العكس خالص مع العلم ان الابحاث الحديثه معظمها بينفي كتير من النظريه دي بس الفكره انهم ربطوا النظريه بالالحاد والكلام ده فهتلاقي عليها هبل وزيطه كتير الارانب مثلا عندها نفس الاجهزه والاعضاء بتاعتنا تقريبا يبقا احنا كده اصلنا ارانب!

m7md makram
مبدئيا حيلو اوي انك مش شايف ان الاتفاق معاها كفر 😂
ثانياً الابحاث الحديثة مش معظمها بينفي ولا حاجة بالعكس يعني المعظم بيثبت ، دي يا دوب جملة بيروجها و ينشرها الاسلامين التربتاتو عشان "التطور نظرية كافرة انتجتها عقول كفرة اغبيا عشان يلعبوا ب عقيدة المسلمين". غيرت اصلنا قرود ب ارانب يعني 😂😂. الحتة دي بتقول ان انت فعلا متعرفش عنها غير اللي منتشر و خلاص. هي مبتقولش ان اصلنا ارانب. بتقول ان في مرحلة من المراحل كنا ارانب😂 و دا مش عشان الاجهزة شبه بعض بس. في اسباب تانية للموضوع دا. مش عارف اخليك تصدق ازاي و الله. ف انت حاول تدور كتير .افهم الاصطفاء الطبيعي و شوف مراحل تطور البشر من الاول-بلاش قوم عاد كانوا بطول 7 طوابق و الحوارت دي- او ممكن تستنى لانك ف الغالب هتدرسها ف طب. مسم مصر كدولة و مجتمع علمي موافقة على تدرس التطور ف المدارس -درسنا ف ثانوي- و الجامعات. و طبيعي فشخ انها تتربط بالالحاد و لانها بتنافي اساطير الخلق ف كل الديانات تقريبا 😂 ف يعني " هم " دي بتعود ع البشرية كلها و هي فعلا تستاهل الهبل و الزيطة الكتيرة دي.

View more

انا مش مصدقها..انت مصدقها؟

حيلو منك دا، اه مصدقها
التطور حقيقة مثبتة بالأدلة و البراهين و منطقية ، تختلف معاها ف بعض الحاجات اشطا حقك لكن كونك مش مصدقها خالص ف انت اعمى البصر و البصيرة و العقل و كل حاجة. التطور حقيقة التطور حقيقة. التطور..حقيقية. -لول مش عارف ليه ناو افتكرت الراجل بتاع الفحم نضيف ت كلين كووول تيكنولوجي 😂😂-

View more

+2 answers in: “إيه رأيك ف نظرية التطور ؟”

بتحب مين من المخرجين العرب؟

بجاوبه تاني عشان نسيت اكت شادي عبدالسلام - صوت جوايا بيقولي استاذ دكتور مهندس فنان شادي عبدالسلام يا حيوان😂😂 -
-يوسف شاهين
-محمد خان
-عاطف الطيب
-صلاح أبو سيف
-شريف عرفة
-نادين لبكي
-هاني أبو أسعد
-داود عبد السيد
-نادر جلال
-إيناس الدغيدي
-اسامة فوزي
-عمرو سلامة
-مهدي فيلفيل
-محمد دياب
اكيد لسه في غيرهم بس منيش فاكر دلوقتي😐

View more

Next