Ask @mello22tr:

People you may like

Want to make more friends? Try this: Tell us what you like and find people with the same interests. Try this: + add more interests + add your interests

The best defence to save Tripoli from الشلافطية is a fence. معاش نبو حد يجينا 😎

تعرف المشكلة وين ياهايد
انك نسيت وضع مثل هذا السياج حول دماغك ،الذي يبدوا أنه سقط منك سهوًا ،ويبدوا لي ان وزنه خفيف جدًا لدرجة أنك لم تلحظ الفرق ولم تشعر بغيابه أساسًا .

View more

علاش أني تتأخر قرايتي وندادي يسبقوني يتخرجو ويتزوجو وأني قاعدة في مكاني عامين هل احني لهدرجة ربي يبتلي فينا ويبي يخفف علينا ذنوبنا ..تعبت من كلمة شنو مازال متخرجتيش شنو هالطب هذا شن بينفعك ملليييت وفديت ياناس

التأخير فيما إختاره الله الأمر هذا لحكمة الله عز وجل وحده يعلمها ، لكن الأكيد فيها واليقين إنه التأخير هذا لي خير ليك أنتِ ، مازال مش عارفتيه بس ، وتعقيبًا علي كلمة إبتلاء؟ : قال الرسول صلى الله عليه وسلَّم: (ما يصيب المسلم من هم، ولا حزن، ولا وصب، ولا نصب، ولا أذى حتى الشوكة يشاكها إلا كفَّر الله بها من خطاياه) وفي حديث ثاني يقول (إذا أحب الله عبدا ابتلاه)
الابتلاء لما يصيب الانسان لحكمة الله أعلم بها ، لكن متخليش الأمر يحبطك بالعكس يزيدك اصرار ويقين وتعلق ورضا بقضاء الله عز وجل ، كافحي وحاولي تفشلي مرة تفشلي ألف ، الفشل والتأخير عمره ماكان عيب ، ما تحطيش نفسك في مقارنات ، كل شخص عنده فشل وتأخير في نواحي معينة ، والظروف تختلف ، وتيرة الحياة قد تبدو أسرع لك عند غيرك ، لكن المهم الوصول في النهاية مش المدة والله ، حبي نفسك واجتهدي انك توصلي لمبتغاك ، بطلي تركزي مع المحبطين متخليش طاقتهم السلبية تستهلكك ، ماحدش خاسر غيرك لو سمعتيلهم ، تعرفي توصلي بعد عشرة سنين كفاح ولا تندمي عمر كامل علي إستسلامك للفشل ، وبالنسبة للزواج هذا نصيب ورزق من عند الله ، لا تستعجليه أنتِ مش عارفة ربي شن داسلك وكاتبلك من نصيب ، في موضوع الزواج اقتنعي ان لا العمر لا التأخير فيه حيأثر ، عليكِ فقط الدعاء بأن يرزقك بمن يكون زوجًا صالحًا ذا خُلق وخلق حَسَن ، خلوقًا بارًا بأهله شخص رحيم وطيب ، أما الوقت في قدومه هذا بيد الله عز وجل ، والله أعلم بالوقت الأنسب ، خاصة في موضوع الزواج ، إياكِ والاستعجال ، المجتمع لا يحتاج نتائج زواجات فاشلة أكثر مما نملك.

View more

لما تكون فيه ازمة بنزينة متعبيش السيارة يوم الخميس لأنه المكعلين كلهم بيعبو بنزينة بش يروحو مناطقهم اصبر ليوم الجمعة تنظاف لحكاية والجو جميل وتعبي بنزينتك براحتك من غير زحمة المكعلين . واضح؟

أمتا تبطلوها عادة العنصرية وتقييم الناس علي حسب رقعتهم الجغرافية؟
عمومًا لفظك بروحه دليل علي إنك هكي لإن الشخص يرى الناس بعين طبعه
الواضح والوضوح الشديد هنا مش في البنزينة ومش في الناس ولا في كونهم واصلين رحمهم وأهلهم ويزوروا فيهم أو حتي لو ماشيين يشوفوا في حياشهم ويتطمنوا علي رزقهم في مناطقهم الأمر الوحيد إنك شخص قبلي وعنصري وتفكيرك ساذج جدا 🤦‍♀️

View more

قاعذ حاير ومعاش عرفت شن ندير لاول مره تصيرلي بنت تاخد تفكيري طول وقتي كل يومي انا حاس ان في اعجاب من الطرفين بس انا ما عنديش شجاعه اني نعترفلها بشي ،نبي طريقه تسهل عليا وينقص تفكيري مع العلم اني جاد اني نخطبها بس خايف من فرق العمر الي بينا واهلي ما يوافقوش عليه لان في الموضوع هذا صعب نعاند اهلي عليه

أعتقد يفضل إنك تفاتح عيلتك في الموضوع وتحصل موافقتهم قبل كل شي (بغض النظر عن إن حاجز العمر مش سبب إنهم يرفضوا عليه طالما البنت هذه خُلقا وخلقا مناسبة ومعجب بيها ) مع هذا رضا الوالدين مهم لكن إياك ثم إياك تكلمها وأنت مش متأكد من عيلتك هل بيرفضوا أو يوفقوا ووتيرة المشاعر بينكم تتطور وبعدين عيلتك يرفضوا حرام في حقها وفي حقك خلي تصرفك عقلاني ومن الأول تصرف صح بش في نهاية الامر حتي لو صار رفض من عيلتك الموضوع يكون أقل ضرر عليك وعليها والبنت متتعلقش في أمر مش معروف مصيره شني ولا أنت تتعلق بشي مش عارف كيف ختامه حيكون لذلك أبدا بعيلتك قبل كل شي

View more

- إن كان بوسعك رؤية حياتك كلها من البداية حتى النهاية ، هل كنت ستغير فيها شيء؟

جزء مني يقول ربما لن أكذب ، لكن الجزء الغالب يقول لا كل ما مررت به هو نصيب وقدر من عند الله ، كل إبتلاء وكل ظرف وكل أمر جيد كان له حكمة وسبب في حياتي ، بل بعض الأمور في حياتي هي ما صقلت شخصيتي بهذه الكيفية ،وجعلتني بطريقة ما أحب نفسي كما هي لذلك لن أغير شيئا ، ثم إن هذا كله قضاء الله وأنا مقتنعة به تمامًا 🤍🙏

View more

كيف تنسى شخص احببتهُ وخذلك؟

أعلمي أن الخذلان هذا من ثوابت الحياة ، في كل أمر وعليك توقعه من أي شخص فالدنيا ،انزلي سقف التوقعات حتي يستوي بالأرض لا ترتفعي به عاليًا فقط لبعض كلمات الغزل ،بالنسبة للنسيان هذا أمر يُعالجه الوقت فقط ، الألم من المحبوب ليس خدشًا تُخفيه بضمادة وبعد يومين تكون أختفت ، لكن الفراغ في الوقت قد يزيدك سوءًا استغلي وقتك فيما يلهيك ، وفي يوم ما ستأتي اللحظة التي تكتشفين كم هو شعور تافه لايستحق كل هذا الضيق، ولا أن يأخد منك ومن وقتك ثانية 🤍

View more

أسوء شعور أنك تعيش مع شخص ماتحباش 💔 الله لا يبليكم ، خطاء في اختيار شريك حياتك يخليك تعيش عمر كامل على هذا الخطاء 💔

عزيزتي السائلة 🤍
عندك حرية القرار مافيش شي إسمه تعيش طول عمرك مع شخص ماتحباش أنا حاليا مانحرضش فيك علي الطلاق لو تتكلمي علي الزواج لكن حاولي إنك تغيري نظرتك وتفكيرك مرات السبب في عدم تقبلك وحبك للشخص الحاجز هذا اللي بنيتيه بتفكيرك لدرجة إنك مش قادرة تتقبليه والخطأ يُقابل بالتصحيح طالما العمر موجود فرصة الإصلاح موجودة حاولي تفكري بعقلانية وبعدها إذ كان الأمر لايُطاق وفكرة تقبل وحب الطرف الأخر معدومة أنصحك بالإنفصال مفيش سبب يخليك تستمري مع شخص يمتص من طاقتك ويستهلك في نفسيتك ومخليك واصلة لمرحلة الإحباط والندم العمر موجود قدامك لكن لو بتستسلمي للندم والزعل عمرك أنتِ بس الل حيضيع الحياة لاتستحق إنك تحبسي نفسك في تعاسة بسبب قرار خاطئ قادرة إنك تصلحيه 🤍

View more

معلومة ع الطاير: الطرابلسيه وصغار طرابلس من يومهم يقولو همبورقا واللي تسمعه يقول برجر ما برجر حطه بين قوسين واكتب عليه شلافطي.وصلت ولا حصلت؟ 😁

معليشي نقطة عالطاير برضو !
ليش يعني هو خارج أسوار طرابلس شلافطية ولا كيف؟
وإذا نطق شخص بطريقة مخالفة يصبح شلافطي؟ هو كلنا نقولوا همبورقا لكن حتي اللي بيقولو برجر حرين أعتقد متوقعين إن مواكبة للتطور 🤦‍♀️ المهم توا فهمني هل اللي يقولوا هكي يتصفوا بصفة الشلافطية واللي من طرابلس هم الراقيين أو كيف؟

View more

-هل الشخصيّة شيئ مكتسب أم أنّه موروث جينياً؟

Lostgirl2020’s Profile Photoغـيـمـة☁
أعتقد أنها مزيج بين البينين
لعل المحيط هو أكثر مايؤثر إما يساعد علي طمس الشخصية وجعلها مهزوزة ضعيفة وإما بالدعم المُتلقي من المحيطين بالشخص يجعلها شخصية ناضجة واثقة وتملك صفات مصقولة جيدة لذلك أرى أنها تكون مكتسبة أكثر من جينات الجينات عامل مؤثر في بعض الأحيان لكن حتي الجينات الجيدة في محيط محبط تهدم الشخصية وتعدمها من أساسها

View more

Next