عنيكي ياما كتير
أحتار فيها القلوب
والضحكه زي الشمس
هاديه وقت الغروب
مش عارف أقولك إيه
يوصف إحساسي بيكي
حقيقي ملكتي قلبي
وروحي عايشه ليكي
أنا قبلك كنت عايش
كنت بحس إن خايف
كنت بدور عليكي
مع ان كنت عارف
إن الخوف اللي فيا
هيزيد يمكن شويه
لكن خوفي النهارده
بقي خوف جدا عليكي
أنا عاشق لون عنيكي
تفاصيل بتليق عليكي
وحاجات جواكي تسحر
ربي يفرحني بيكي
إنتي الحب الكبير
طريق المستحيل
لكن أنا عند وعدي
همشيلك ألف ميل
سلم أمورك كُلها لله وعيش
الحُزن مش مُمكن يدوم
ولكنه برده مَينتهيش
حياتنا بين ضحك ودموع
أوقات سفر أوقات رجوع
والفرح دا زي الشاويش
قَرب تنفذ الكلام
يِبعد تقول تعظيم سلام
مش كل شىء مظبوط تمام
في حاجات كدا مَبتتشريش
إياك في وقت الحزن تزعل
اوجاع كتيرة وبعد وقت من الزمن
تصبح مفيش!!
سلم أمورك كُلها لله وعيش ❤️
أرجع معايا بالساعات والذكريات
فكر شويه هتلقي حلم وأمنيات
إكسر بقلبك اي يوم في إحباطات
إياك تكون يائس في يوم
غرقان في بحر من الهموم
إذا يوم وقعت أو أتصدمت
كمل وقوم
خلي الحياه دايما أمل
عيش بين يجوز والمُحتمل
سجن المشاعر شئ فظيع
سلم أمورك كُلها لله وعيش
مش عارف ليه دايما تبكي
وبتنزل منك ياما دموع
وتملي ومن أبسط حاجه
بتنامي ساعات قلبك موجوع !!
وبتسهري ليه دايما وحدك
فتبان أحزانك في ملامحك
علي فكره أنا كان نفسي أقولك
الضحكه أجمل يا حبيبتي عليكي
أنا عارف إنك مجنونه
تضحكي وبتبكي في نفس الوقت
وبتزعلي جدا وبسرعه
وفي ثانيه تعودي ملاك وأرق
أنا بس ساعات بزعل منك
علشان حذرتك متأمنيش
مش كل الناس دايما صافيه
ياما ناس بتموت لو غيرها يعيش
ومسيري في يوم هجبر خاطرك
هحضن دمعاتك مع شعرك
وأياكي يبان لحظات ضعفك
خليكي عاديه وقولي مفيش
البنت الحلوه الأمورة
من حقها تضحك ومتبكيش
وأنا عمري ما شفت جمال زيك
سبحان من أبدع في ملامحك
الله يرضيكي تعيشي راضيه
ولا اشوف أحزان تسكن قلبك
I wanna do everything with one person forever.
Argue, grow, love, heal and get rich.🖤
Sometimes you have to forget what you feel & remember what you deserve.
“Make someone smile everyday, but don't ever forget that you're someone too.”
The truth is always in the eyes.🖤
زي نور الشمس واضح
من زمان والأمس
عُمري ما مشيت الطريق
اللي كُله غمز همس
لمّا أحبك هبقي واضح
وإن كرهتك هبقي واضح
وأما يوم هعرف حقيقتك
هعترفلك عادي جداً
مش هخاف ولا حتي هحزن
أو أفكر يعني تأذن
ياما ناس بتبان جميله
بس تفضحها المواقف !!
وحشني حاجات !!
متتعوضش في الدُنيا
وحشني ساعات
هزاري وضحكي في الدُنيا
وحشني أصحابي وحبايبي
اللي الغُربه بعدتهم
وحشني اللي كمان ماتوا
وكسروا قلوبنا في غيابهم
وحشني إني أكون بينهم
وحشني أسمع كلام منهم
وحشني إني أكون عينهم
في ليل مليان بخوف ووداع
وحشني إني أكون رايق
مفيش في دماغي أي صُداع
وحشني القعده
وسط الأرض والخُضره
وحشني إني أعيش يومي
مفكرشي في هموم بُكره
وحشني اتأمل الدُنيا
وأشوفها بنظرتي التانيه
وحشني أشوف وشوش تانيه
غير اللي هممهم الماده
وحشني أشوف قلوب صادقه
وحشني أنام بدون كوابيس
وحشني القعده جنب رصيف
في إيدي ساندوتش الفول
وأشوف عيل يكون حريف
وحشني وجودي في الدنيا
مش العيشه اللي زي الضيف
وحشني عُودي والتأليف
وحشني حاجات يجوز جدا
تكون في قاموس كتير م الناس
مُجرد وهم أو تخاريف !!
وحشني ألف حاجه وشئ
وصورة شاب عاش ك برئ
وإنسان همهُ في الدُنيا
يساعد كُل حد في ضيق
وحشني اللي مهوش راجع
في عصر الصدق بقي تكذيب
وحشني ياربي ياما حاجات
بقرب منها بس تغيب
وعايش بس في الدنيا
وبدعيلك عشان عارف بإنك مني برده قريب ❤️View more
True love will come.
It will not bring pain, but healing.
It will not bring confusion, but clarity.
It will not awaken your insecurities, but put them to sleep.
Real love will come and wipe away all the wrong experiences. Hold on.🖤