لما تلاقي واحد بقاله فترة كبيرة مكلمكش ولا بيسأل عليك بيتصل بيك فجأة عشان يسألك على حاجة او عشان تعمله خدمة معينة

لما تلاقي واحد بقاله فترة كبيرة مكلمكش ولا بيسأل عليك بيتصل بيك فجأة عشان يسألك على حاجة او عشان تعمله خدمة معينة متزعلش وقتها وتقول ده ندل وبتاع مصلحته.
الشخص ده ربنا بعتهولك انت دونا عن أي حد عشان يستخدمك انت بالذات لحكمة، ربنا سبحانه وتعالى جعلك سبب في قضاء حوائج الناس، صدقني دي حاجه كبيرة أوي عنده.
في حديث عن الرسول صلى الله عليه وسلم بيقول: "إن لله تعالى عبادًا اختصهم بحوائج الناس، يفزع الناس إليهم في حوائجهم، أولئك الآمنون من عذاب الله".. انت متخيل؟ :)
فلما تلاقي حد بيجري عليك يكلمك عشان واقع في ضيقة ومتعشم فيك انك تساعده متخليش الشيطان يضحك عليك، انت لازم تفرح وتدعي ربنا يديمها عليك نعمة وميستبدلكش.
قريت قبل كده مقولة بتقول: "إذا أراد الله بعبدِه خيراً جعل قضاء حوائج الناس على يديه".. فخليك سبب في قضاء حوائج غيرك عشان ربنا يسخرلك أسبابه اللي تقضي حوائجك.
متنساش تعمل #فولو علشان يوصلك كل جديد بنزله💙
آلاء بِـنــت النّـجار@AlaaElNaggar318
Abeer Ahmed@Abeer_Ahmed95
Princess@lana111685
hagar ❤️@hagar550