@midolovexp

Madrazza

Ask @midolovexp

Sort by:

LatestTop

People you may like

من وجهة نظرك البني ادم عقيدته و افكاره و الايدولوجية بتاعت دماغه بتثبت امتي؟ 1-من سن ١٨ لحد ٢١ 2-من سن٢١لحد ٢٥

rawansamir02’s Profile PhotoRawan Samir
على حسب
Liked by: Haneen Reda

ادعولى ربنا يريح بالى عشان نفسيا هلكانه 💔🤦

hebaelgamal062’s Profile PhotoHeba Elgamal
فى إيه بس ، انتى ممكن تفضفضى وتطلعى كل اللى جواكى مش شرط معايا ، بس حاولى متكبتيش جواكى ع متتعبيش
Liked by: Haneen Reda

.

لا تزهد فيمن يرغب فيك فإن ذلك باب من ابواب الظلم .. ولا ترغب فيمن يزهد فيك فإن ذلك باب من ابواب الخيبه 👌👌
لا تزهد فيمن يرغب فيك فإن ذلك باب من ابواب الظلم  ولا ترغب فيمن يزهد فيك فإن
Liked by: Haneen Reda

صباح الذكري العاشره لثوره العيش الحريه الكرامه اجتماعية ،صباح ذكري 25يناير!!! اللهم ارحم شهدائنا 💔

Lailaibrahem’s Profile PhotoLaila
اللهم امين يارب 💛💛🙏
Liked by: Haneen Reda Laila

بنحب بعض بس حصل مشكله واتخانقنا هو خانى ف بعدت وسبنا بعض كحبيبن بس بسال عنه وأتكلم معاه كل مناسبه مثلا بس هو الفتره دى كلها مدايق ومش بيرد عليا ف أنا بطلت اسال أو اتكلم لكن هو مش بيفتح خالص ونفسى اقدر اعمله حاجه بس دى خيانه ومش قادره اسامحه لأنه مش هيتغير ....اعمل ايه 💔مش قادره اشوفه مدايق كدا

ايا كانت المشكله اللى حصلت وحصل الخلاف بسببها ، ف دى مجرد وقت ، بس بيعتمد ع الشخص ، لو فعلا عاوز يحافظ ع الطرف التانى وبيحبه بجد من قلبه ومستعد يعمل اى حاجه ع يرضيه ، ف هيحط الخلاف ده ع جنب ولا كأن حاجه حصلت ، ده الشخص العاقل اللى لما بيدخل اى علاقه بيبقى طبيعى عنده عقل وحكمه قبل م تبقى شهوه ، ف نصيحه منى " متفرضيش نفسك ع حد ، وسيبى الايام تعرفه قيمتك "
لازم يبقى عندك ثقه ف نفسك ، اللى ميقدركيش ويحافظ عليكى ، واللى بيحاول يلعب دور الاكسجين ف حياتك ، ضيفوله هيدروجين وهيبقى مياه ، وبعديها اغسلى بيه رجليكى ، ب البلدى كده متفتحيش بابك ل اى حد ، فكرى ب عقلك قبل قلبك ، نصيبك هيصيبك ، بس انتى أصبرى .
كل متوقع أت ، بس انتوا اتفائلوا ، واسد يالا فى ايه 😂✋ .
Liked by: Haneen Reda

فيه واحد بيقول انه بيحبني ...ابوه وامي متوفين هو من سني بس في كليه تانيه بيقول ليا انت الحاجه الوحيده الل بتفرحني وانا فرحان وانا معاكي انتي غيرتي حياتي كتييير.. بس انا مش عارفه انا في صراع ما بين الصح والغلط مش عايزه اعمل حاجه تغضب ربنا اصل ربنا قال لا تقربو الفواحش ما ظهر بطن ،، ومش عايزه اجرح

انتى ف الاول وف الأخر ليكى كرامه ، لو قبلتى ف خلى يبقى فى حدود ف العلاقه ك صداقه وانتى بتحكمى عليه طبعا وهوا مش محتاج يحكم عليكى ع هوا شايفك دنيته ، ومفيش ف كده غلط ب النسبه للدين وكلام ربنا ، الغلط ف أنكم تتمادوا ف العلاقه بإسم الحب ، ودى طبعا من الفواحش ، ياما فى شباب ف سنى صدقوا واتقدموا واتجوزوا والحمدلله عايشين حياه سعيده وطبعا بشهادة صحاب ليا كتيير بيشجعونى ،
أنتى سئلتينى وانا جاوبت عليكى ك نصيحه .✋
ف ربنا يوفقك ويسعدك ف دنيتك وتعيشى مبسوطه .

...☁️STATUS....🌤

جالي فتره وزني كان زاد شويه وانا شخصيًا مبحبش وزني يزيد .. فكنت بتكسف البس تيشرت ضيق عليا لاني كان جوايا احساس إن اللي رايح واللي جاي بيركز ويعرف إني جسمي ملي .. خايف قوي علي مظهري قصاد الناس .. لحد لما الحمد لله قدرت ارجع زي ما كُنت وظبت نفسي ..
اي واحد مننا بيخاف جدًا علي مظهره .. اسلوبه، لبسه، شكله، تسريحة شعرُه ..
اي بنت برضه تحب يكون مظهرها قصاد الناس كويس وميبقاش فيها العيبه بالشكل المناسب ليها ..
بعد فتره استحقرت نفسي ! .. خايف قوي علي شكلك قصاد الناس ! لبسك، كلامك، جسمك .. طب وشكلك قصاد ربنا ؟ مبيفرقش معاك ؟ كام اذان سمعته بودانك وطنشتُه ؟ ده حتي وجع الضمير والقلب مبقتش تحس بيه .. قد كده بقيت جاحد ؟
افتكرت الايه اللي بتقول : أتخشونهم ؟ والله احق ان تخشوه! .. خايف قوي من الناس مع ان ربنا هو الاحق بخوفك واحترامك ليه ؟ ..
بس طبعًا كلامي ده ميمنعش ان الواحد يهتم بمظهره و بشكله العام ! ..
لكنه جه ف بالي قد اي ربنا ستير .. عملت بلاوي ومعاصي و برضه بيسترني ويدنيني فرصه والتانيه للرجوع .. ده حبايه لو طلعت في وشك بتجيب كريمات وتعمل مسكات عند الحلاق عشان تخفيها .. والذنوب اللي ماليه روحك مفكرتش تشيلها بكريم الاستغفار وتقول يارب سامحني .. مع ان الامام بن المُبارك قال : من أعظم المصائب للشخص أن يعلم من نفسه تقصيرًا في حق الله ثم لا يبالي، ولا يحزن عليه !
حسيت إني محتاج اغسل قلبي واقول : سامحني يارب وفوقني من غفلتي .. حسِّن مظهري قدامك وإرزقني الهدايه .. نضف روحي من القسوه والتعود علي بُعدك ..
وفكرت وقولت : ياتري ربنا هيقبلني وانا كل شويه اقول سامحني يارب وارجع للذنب تاني واقول سامحني وارجع ! لحد لما جه قصادي سؤال اتسأل للامام الحسن البصري من واحد بيقوله ؛ الواحد بيغلط وبيتوب، يغلط ويتوب، يغلط ويتوب، لحد إمته ؟! وقتها رد الحسن البصري وقال : تلك أخلاق المؤمنين !. يعني لو قولت دلوقت " يارب سامحني واغفرلي " هتتكتب عند ربنا من المؤمنين، ولو غيرك قالها عن طريقك هيترفع مقامك ودرجة ايمانك عند ربنا بسببُه ..
وقتها ربنا هيحبك ولما يحبك هيحدف محبتك في قلوب الخلق مهما كان شكلك ومظهرك .. بقُصرك وتُخنك بلون بشرتك ولبسك هتتحب بمحبة ربنا كُلك علي بعضك ..
سامحني يارب أنا وكل من قال آمين ..

View more

_♥

yasmeentahoon’s Profile PhotoᎽᎯᏚᎷᎬᎬᏁ
- متجبش في بيتك سجاجيد الوانها فاتحه ..
- اول لما يجي ف بالك ذنبك فتزعل انك عملته إعرف إن ربنا باذنه غفرهولك ..
- اللي له أخت ومصاحبها و حنين عليها إعرف إنه من المُبشرين بالجنه بوصية النبي صلي الله عليه وسلم ..
- ممكن تكون فاشل دراسيًا ناجح عمليًا، الارزاق بيد الله وإختلاف شُغلاناتنا رحمه ..
- لو بتشوف كوابيس اعمل بوصية النبي لسيدنا خالد بن الوليد لما كان مبينامش من كوابيسه وقول : أعوذ بكلمات الله التامات التي لا يجاوزهن بَار ولا فاجر، من شر ما ينزل من السماء وما يعرج فيها، ومن شر فتن الليل والنهار، ومن شر كل طارق إلا طارقًا يطرق بخير يا رحمان " .. قوله و باذن الله مش هتشوفها تاني ..
- عاوز جسمك يخس ؟ متاكلش بعد الساعه ٦ المغرب غير فاكهه .. لو عرفت تعملها ابقي علمني ;D
- متطلبش الطلب من حد مرتين مهما كنت محتاجه ..
- الحلو اللي خسرته بمرور الوقت هتقول حلو إنك خسرته ..
- الصاحب اللي يلاقيك بعيد عن سكة ربنا و ميفكرش بيه ماينفعش يتصاحب ..
- مفيش بنت وحشه بس كل راجل ليه بنت بتشبهلُه واكيد هتلاقيه لانه نصيب، فخليكي واثقه في نفسك ..
- محدش " مُغفل " ممكن يكون اللي قدامك بيحبك
لدرجة إنه " بيتغافل " عن غلطاتك علشان ميخسركش ..
- قبل لما تشتري اي مُنتج " اكل .. شُرب .. دوا " بص علي صلاحيته لو عدي عليه اكتر من رُبع المُده متشتريهوش خاصة الحاجات اللي صلاحيتها ٦ شهور او اقل ..
- المشكله الكبيره بتحصل لانك بتطنش الصغيره فبيحصل تراكمات .. لبسك كل سنه مبيدخلش فيك لانك مروحتش الجيم .. الموبايل اللي كان نفسك فيه غلي الضعف لانك مجبتوش اول لما نزل .. الحياه فُرص ومبتستحملش التأجل اللي عاوزه هاته، واللي نفسك فيه كُل منه، والبنت اللي بتحبها اتقدملها قبل ما تتلطش منك ..
- ربنا ارحم من انه يعلقك : بحُب .. امل في النجاح .. الشُغل .. البركه في العيال، ويحرمك منها، واعرف انه مادام جاب في بالك اللي بتتمناه يبقي منتظرك تدعي دلوقت وتقول يارب لانه حابب يستجيبلك وينولك مُرادك .. ف ادعي بقلب جامد وإطمن هيحصل، ومتناسنيش بدعوه حلوه بقي الله يباركلك ;D ❤️
#كلمتين_ع_الماشي ..

View more

status ع الرايق *_*

AmmarRdwan’s Profile Photoعَ ــــمّْار
ديما الواحد يشوف في الافلام البطله او البطل لما يكون مأجر اوضه في فُندق و ينسي المُفتاح بتاع اوضته او يضيع منه, تلاقيه ينادي علي موظف في الفُندق كُل مُهمته إنه بيتمشي قصاد الغُرف و شايل في ايده مُفتاح بيفتح اي باب من ابواب الغُرف اسمه " الماستر كاي " المُفتاح الرئسي اللي بيفتح اي باب بسهوله .. مبيعصلجش معاه قفل ولا كالون ..
طيب ده بالنسبه للابواب اللي بتتقفل وليها مُفتاح معروف بيفتحها .. إيه بقي ظروف الناس اللي عليها إمتحانات والدُنيا مقفله في وشهم ؟ الناس اللي خايفه من بُكره ؟ .. اللي حاملين هم الرزق والجيات ؟ اللي الدُنيا خنقاهم وضاغظه علي نفسيتهم واعصابهم ؟ يفُكوا الضيقه دي ازاي ؟ يتخطوا المِحن إزاي ؟ .. الناس اللي عملوا اللي عليهم بس عاوزين زقه من فوق .. من عند ربنا تحدفهم في إتجاه الامل وراحة البال .. يتصرفوا إزاي ؟
النبي صلي الله عليه وسلم .. صلي عليه .. كان معاه المُفتاح الرئيسي " الماستر كاي " لاي مِحنه بيمر بيها .. كان بعد ما ياخد بالاسباب .. ويحس إنه الغُمه اللي هو فيها مُش هتنزاح غير من عند ربنا وحده .. تلاقيه يرفع راسه للسما ويقول : يا حي يا قيوم برحمتك أستغيث, أصلح لي شأني كُله ولا تكلني إلي نفسي طَرفة عين, .. قسمًا بربي دُعاء جبار .. مفعوله سِحري .. إرفع راسك للسما وقوله وهُتفرج عليك .. إرفعي راسك وردديه .. هتلاقي الامور بتترتب .. والضيق بيتهد وينزاح .. والامل بيعلي جواك ويزيد .. إرمي تُكالك علي ربنا, و لو بتحب حد في الله دِله علي الدُعاء ده وخليه يردده خاصة اننا في وقت مُفترج ومُستجاب فيه الدُعاء, فإذن الله هتروق وتحلي وتنجح وتفرح وكل حاجه هتبقي تمام بأمر الواحد الاحد ..
#إفرجها_يارب .. ☝️<3

View more

STaTuS .. :'D

ailoolboody’s Profile Photo3bD.L.r7MaN
اللهم إني أعوذ بك من الفشل وقلة التوفيق .. ومن التعلق بذنوب تجلب الفقر و تُسبب الضيق .. وأعوذ بك من البُعد عنك و إهمال طاعتك .. وأسألك يا الله أن تكتبني من أهل جنتك 🤲🏻❤️

ايه وجهة نظركو عن الحياه بشكل عام !!

Darkklorddd’s Profile PhotoMahmoud Fathi Eid
زمان ..
- لما كان يجي لقطه في فيلم البطل بيبوس فيه البطله كُنا نغمي عيونا ونقول من الكسوف : يا ارض انشقي وابلعينا، ونقلب في لحظه ..
- لما كان يموت حد من قرايبنا او جيرنا نطفي التليفزيون بالشهور ونعتبرها عيبه لما نفتحه..
- لو شوفنا المُدرس بتاعنا في الشارع كُنا نلف من شارع تاني من كتر الخوف ..
- المصروف كان ربُع ونُص جنيه وبيجيب كل اللي إحنا عاوزينه وبنرضي ..
- مكانش في نت ولا موبايلات .. السؤال كان بالزيارات في البيوت اللي مبتتقطعش ..
- زينة رمضان وصلاة التراويح والابتهالات والكنافه والقطايف وبوجي وطمطم ولحظة مدفع الافطار اللي متتعوضش ..
- لبس العيد اللي كنُا نفرجه لكل اللي يجي البيت ونفرده علي السرير وميجلناش نوم طول الليل عشان العيد بُكره .
- كـنا نضايق اما حد يجيب حلقه للشيخ الشعراوي اللي معرفناش قيمته غير لما كبرنا ..
- كنا بنقفل التلاجه بالراحه علشان نشوف النور بيطفي إزاي ! ..
- برنامج " مواقف وطرائف " بتاع عالم الحيوان اللي بيجي كل يوم جُمعه و بنستناه بشوقه ..
- كُنا غلابه بنصدق اي حاجه .. لدرجة اننا كنا مصدقين ان عادل امام هيحطوا صورته علي الجنيه ويسدد ديون البلد ..
- يوم الامتحان ووجع البطن اللي كُنا بنحس بيه من القلق وندعي ربنا ان المدرسه تتفجر قبل ما ندخلها ..
- لما حد من زمايلنا يتعب نلم من بعض و نجيبله فاكهه و مانمشيش غير لما ناكلها عنده ..
- مظاهرات المدارس عشان فلسطين، ونحرق علم الصهاينه ونردد بعلو الصوت " خيبر خيبر يا يهود جيش مُحمد سوف يعود " ..
- كُنا طيبين، ابسط حاجه تسعدنا سواء درس يتلغي .. مُدرس يغيب .. مصروف يزيد .. حد يبعتنا نجيب حاجه ويقول خد الباقي .. مصيف مع العيله .. كُنا اطهر وانضف واغلب وذنوبنا صغيره.. كانت عيونا تشبه لعيون الجمل شايفيه كل حاجه صغيره وبسيطه .. مشاكنا قليله وافراحنا كتيره .. كبرنا وللاسف مشاكلنا كترت وافراحنا قلت ..
#قول_للزمان_ارجع_يا_زمان .. ❤️ !

View more

Post ^_^ ..

بقالي يومين بفكر أبدأ البوست ده إزاي !..
- لما الواحد بيحب واحده ويلاقي إنه يبيجيلها عرسان كتير، ضروري علشان يحافظ عليها بيتقدملها ويتحدي الظروف ..
- لما بتجيبي موبايل جديد أول حاجه بتفكري تجيبيها جيراب علشان يحفظلك الموبايل ..
- لو عندك شوية أكل في الجو النار ده لازم تحطه في التلاجه علشان تحافظ عليه و ميحمضش ..
طيب في الظروف اللي إحنا فيها دي .. لو عندك بنت او ولد ونفسك تأمن مٌستقبله وتحافظ عليه من الدُنيا وتوفرله حياه كريمه من بعدك, واكتر حاجه بتخوفك مش إنك تموت قد ما إنك قلقان تسيبهم لوحدهم من بعدك أو تسيبيهم .. طب والحل .. إزاي يكون اولادي بخير من بعدي ؟
وأنا بقلب ع اليوتيوب .. صادفني فيديو للشيخ الشعراوي .. بيحكي فيه موقف وعن طريق الموقف ده بيفسر آيه من القرآن .. بيقول : إن الخليفه العادل سيدنا عُمر بن عبد العزيز لما مات ساب 18 دينار ودول كانوا كُل ثروته .. وهو عنده 11 ولد .. و مصاريف جنازة سيدنا عُمر " تمن الكفن والمقبره " إتكلفوا 9 دنانير .. يبقي فاضل 9 دنانير من الـ 18 .. اولاده ال 11 قسموهم علي بعض ميراثهم من ابوهم كل واحد طلعله اقل من دينار ميراث, وبيكمل الشعراوي و بيقول : إن هشام بن عبد الملك حاكم المُسلمين لما مات .. ساب 4 زوجات واولاد كتير .. بيقول ان نصيب الزوجه الواحده كان 80 الف دينار ! يعني زوجاته الاربعه كان 320 الف دينار .. دي فلوس سايله كده غير القصور والبيوت والحدائق يعني تقريبًا كل ولد من اولاده ميراثه كان 500 الف دينار غير العقارات والاراضي والمواشي .. الشعراوي بيقول : ان اللي بيروي القصه بيقسم بالله إنه شاف ولد من اولاد عُمر بن عبد العزيز بيجهز 100 فرس بكُل محتواياتهم علشان يجاهدوا في سبيل الله, وشاف ولد من اولاد هشام بن عبد الملك بيشحت في الاسواق وبيطلب صدقه! .. وده تفسير الآيه اللي بتقول : وليخشَ الذين لو تركوا من خلفهم ذرية ضعافا خافوا عليهم فليتقوا الله وليقولوا قولا سديدا .. ياللي خايفين علي عيالكم من بعدكم مش الفلوس لوحدها اللي هتأمن مستقبلهم ولكن تقوي ربنا هي اللي هتنفعكم .. ياما اولاد اهاليهم معاها فلوس وتلاقيها بتشرب مُخدرات وبعيده كُل البُعد عن ربنا، وتلاقي الاب يقولك معرفش إبني طالع لمين ! .. إلا من رحم ربي طبعًا ..
- سيدنا ابو بكر لما تصدق بكٌل فلوسه لله .. سيدنا النبي قاله : ماذا تركت لاولادك يا ابا بكر ؟ قاله : تركت لهم الله ورسوله يا رسول الله ! .. انا إتقيت ربنا فيهم وخليت ربنا يتكفل بيهم من بعدي .. مبقولكش تتصدق بكل فلوسك .. بس بقولك تسيبها لله ومتقلقش عليهم .. تتصدق بنية صلاح عيالك .. بنية إن ربنا يحميهم بحماه من بعدك ..
- بيتهيألي مر عليك موقف سيدنا موسي وسيدنا الخضر في سورة الكهف لما دخلوا بلد ولقوا جدار مايل ولسه هيقع فشمروا هدومهم وعجنوا طينه وعدلوا الجدار من جديد .. لأن الجدار كان تحته كِنز لطفلين ايتام ولو الجدار وقع اهل البلد هيسرقوا الكنز من الطفلين الغلابه .. فربنا حب يأخر خروج الكِنز لحد ما يكبروا وعودهم يشتد ويطلعوا كنزهم بنفسهم .. تعرف ده كُله ليه ؟ لأن ربنا قال صفه من صفات ابوهم فـ القرآن قال ايه؟ كان غني ؟ لأ .. كان شكله وسيم ؟ برضه لأ ! .. أومال قال ايه ؟ قال : وكان ابوهما صالحًا " ابوهم كان راجل محترم .. امهم كانت ست طيبه .. ياما مليونيرات سابوا لعيالهم فلوس متلتله وعيالهم بقوا شحاتين من بعدهم, وياما غلابه تلاقي ربنا يكرم عيالهم ويبقوا اغنياء واكيد انت تعرف ناس كده ..
يعني اسيب عيالي ع الحديده ؟ طبعًا لاء .. بس إبنيهم متبنيش ليهم .. إصنعهم متصنعلهمش .. علمهم كويس .. إديهم كورس

View more

عزيمتي في الشغل زي الزفت وبضيع وقت كتير فحاجات ملهاش لازمه + اني معنديش مسئوليه - انصحوني يجماعه عشان بجد زهقت من نفسي ؟

الكلام ده سلبى ولو فضلتى تقولى ع نفسك مثلا
" انا مش هقدر اعمل ده -انا معنديش مسؤوليه -لا دى صعبه "
كل ده سلبى وهيعود عليكى ف الاخر ب خساره وهتندمى .
ابدائ حياه ايجابيه مع نفسك ,افضلى شجعى نفسك ع حاجات انتى كنتى فاكراها صعبه وحاولى فيها اينعم هتقعى مره واتنين بس مع الاستمراريه ف انك بتحفزى نفسك وبتدى لنفسك دوافع ايجابيه ,هتلاقى نتيجه ف الاخر ومش بس ف مجال شغلك كمان استخدمى الاستراتيجيه دى ف حياتك عمتا .
صدقيينى مفيش حاجه صعبه علينا بفضل ربنا سبحانه وتعالى كله بيبقى سهل ,بس احنا بنتعمد اننا نسبق الاحداث ,كلنا بنتغاشم لما بتجيلنا فرصه ولما تضيع نقول احنا ايه الغلط اللى عملناه .
برده لو انتى بعيده عن ربنا ف حاولى تقربى منه وهوا هياخد بايدك
وصدقينى اللى انتى برده فيه مش وحش ب العكس دى تجربه وهتتعملى منها قريب وهتفوقى لتصرفاتك .
ابداى ارسمى لنفسك هدف ,اعتقد ده هيقويك ف شغلك وهيحفزك ويساعدك انك تكملى خليكى زى النسر لما بيفكر ف حاجه بيخططلها وبيجبها وواجهى اى حاجه ف حياتك ومتخافيش .
انتى بتقولى ان عزيمتك زى الزفت ف الشغل ,هل انتى مجبره انك تشتغلى فيها او عليكى ضغط ؟
ابداى استغلى وقتك صح لو حتى هتقضى نصه فالقرايه ,او ف توضيب البيت ,او تساعدى مامتك ,او لو ليكى اخوات تقعدى معاهم وتساعديهم وتحفزيهم وده برده هيعود عليكى بدافع ايجابى ,وبرده تبداى تصلى وتقرى قراءن ولو صفحه كل يوم .
تعرفى ان الكلام اللى فوق بسطرين دول لو بداتى تعمليهم ف دى تعتبر مسؤوليه .ومش دول وبس حاجات كتييير كمان
تعرفى ان انا لما بنصحك او بنصح حد غيرك بكتسب تفكير ايجابى لنفسى وبيبقى عندى طاقه ايجابيه هايله وتفكيرى بيبقى سريع ف حل اى مشكله .
اقصد اقولك ان ربنا فضلهواسع علينا ف انتى ليه تضيقيها ع نفسك الحياه قدامك عيشيها صح .

View more

Awesome.... Post it here :"))

الصراحه نفسى اعمل فيديو ل نفسى
بس انشاء الله فالخطه الالفيه اللى جايه :"D
ب النسبه للفيديوهات ... ف انا بتفرج ع Les twins وfik-shun
وبتعلم منهم وبعرف اعمل لغاية دلوقتى دقيقتين ع بعض متواصلين فيهم كذا حركه ...
وانشاء الله هوصل
+1 answer in: “اذا طلبت منك تعليمي ما انت بارع ومبدع به ماذا ستعلمني؟؟”

Next

Language: English