Ask @miro_tarik:

حد يقترح عليا اكل اي ف الغدا بكره للدايت اتغديت النهارده كوسه بجزر وامبارح تونه وحاجه قرف بجد كرهت اكل الدايت بحس عاوزه ارجّع منه وممنوع الاسبوع دا اكل مكرونه ورز والحاجات دي انا زهقت🙂🙂🙂

انتِ ليه مضايقة نفسك كدة، كلي كل حاجة عادي بس من غير رز ومكرونة وعيش.
نفس كل حاجة بس شيلي دول مش لازم أكل مخصوص يعني
شوية وهتتعودي متزعليش كدة 😂
ممكن تاكلي فراخ مشوية، ممكن شاورما، ممكن سمك، ممكن شوربة خضار وفيها قطع فراخ، أومليت بالخضار بيبقا حلو برضو، لو مسموح شوفان ف شوفان باللبن بيبقا جامد
بصي كل حاجة عادي جدا ماعدا النشويات و متحسسيش نفسك انك مغصوبة ع حاجة لأن طبيعة النفس البشرية متمردة بتحب تعند ومتسمعش الكلام ف حسسي نفسك ان الموضوع لطيف وحباه وبتعملي كدة من نفسك و هتحبيه وهتفضلي ع طول كارهة العيش والرز ومتاكليهومش أصلا 🖤

View more

كان فيه واحد مره قالي إنه عايز يخطبني واتكلمنا شوية الاول وسبنا بعض ورجعنا اتكلمنا وسبنا بعض وهو رجع وقال إنه بيحبني بجد وعرف قيمتي وهيتقدم علي طول أوافق ولا لأ؟

متكلميهوش، اديله رقم باباكي وقوليله ده رقم بابا لو عايزني بجد زي م بتقول كلمه و اتقدملي واقفلي الكلام متقوليش أكتر من كدة.
ولما يتقدملك بقا فكري اذا كان ده الشخص اللي عايزاه ولا لا و صفاته و الكلام ده كله، لو مناسب وافقي لو مش مناسب ارفضي.
اما بقا لو قالك كلميني لحد م اجي اخطبك قوليله لا مش هكلم حد من ورا أهلي من غير علاقة شرعية الرقم معاك وقت م تجهز تعالى اتقدم غير كدا ملناش كلام مع بعض.
متضعفيش وتكلميه :")

View more

لو حد قالك خطيبك احلي منك هتفرحي ولاتدايقي كبنت؟؟

بحس الناس اللي بتقول كد بتبقا منفسنة سيكا 😂
بس اتس خطيبي يجماعة اللي اختارته من وسط الرجالة ف أكيد أحلى واحد في الدنيا زي منا بالنسباله أحلي واحدة.
مفيش مقارنة في الجمال بين الذكر والأنثى، كل واحد له شكل خاص بيه ف هوا الاحلى في فئته يعني
و الحلاوة مش بالشكل في الرجالة بالمناسبة.
بس معتقدش هتضايق لا منا هكون بحبه ف هكون شايفاه أحلي مني فعلا.

View more

-

Gamal Ashraf-تعبان دعوه فضلاً
أنا نومي خَفيف جدًا ف كان كُل م الجو يمطّر أصحي أحمد ربنا على نعمة البيت واللبس والغطا وادعي للناس اللي من غير مَسكن لا إرادياً وأنام تاني.
مش فاكرة ده حصل كام مرّة بس حقيقي إحنا في زِحام من النّعم ومش حاسّين بيها.

View more

Next