بيبهرني أوي قول الله تعالى : إني جزيتهم اليوم بما صبروا أنهم هم الفائزون .. ربنا عالم إن الصبر بكل أنواعه عبادة شاقة ومش سهلة على قلب أي إنسان فينا، مش سهل الصبر بعد الفقد، ولا الصبر بعد الهزيمة، ولا الصبر بعد الخسارة، وإن قلوبنا بتنزف وجع لكن ما بنظهرش وبنتحمل طمعاً ف كرمه، ف علشان كدا مقالش إني جزيتهم بما صلوا، ولا بما صاموا، ولا بما تصدقوا، دا علشان يطمن قلوبنا ويبشرنا بعوضه قال بما صبروا سبحانه جل جلاله .
في حد كان قالي مثال حلو أوي . بياع البطيخ بيكسر بطيخة عشان الناس تشوف جمال وحلاوة البطيخ َوكل ال بيفكر يشتري بطيخ بيبص الأول ع البطيخة المفتوحة وجمالها وممكن كمان ياكل منها حته صغيرة ع يشوف طعمها حلو ولا لأ !! بس استحالة يشتريها . هما في الآخر بيشتروا البطيخة السليمة ال ماحدش لمسها ولا جه ناحيتها أما البطيخة المفتوحة وال كل الناس كانت مبهورة بيها بتترمي آخر اليوم ف الزبالة أو لو فيها الرمق بتترمي للطيور بعد م بتكون عفنت م كتر الناس ال مسكتها والدبان ال جه عليها .ونا هنا كلامي مش ع البطيخ . 👍
عُمري ماكان قلبي أسود لكن في حاجات عُمري م هقدر أنساها ، مش هنسى حد حاول يقلل مني ف يوم م الأيام وكان متعمد دا ، ولا هنسى حد حاول يظلمني أو ظلمني بالفعل ، ما بنساش الكلام الوِحش اللي اتقالي في وقت غضب أو خناق لإن النفوس بتبان ف الوقت دا ، أنا مش قلبي أسود وبعرف أسامح وأعدي وأخلي الحياة تمشي ، لكن إني أنسى صعب .
خُد بعضك وأمشي لو في لحظة حسيت إنك تقيل في حياة حد ، أو حسيت بتهميش وتجاهل ، أو بقلة تقدير ، وحتى لو المعاملة بينكم أتغيرت .. صدقني الحُب مفيهوش حسابات واللي بيحبك مش هيدخلك في دوامة تفكير ويحسسك أنك عِبء عليه ، ومش عيب تنسحب وتحمي نفسك لكن العيب إنك تطول في علاقة بتأذيك ..
أنت بالنسبه لناس حلم ، و بالنسبه لناس تانية لسه بتبدأ حياتك . بالنسبه لناس ناجح و ناس تانية هتشوفك فاشل . ناس شايفه فيك قدوة و ناس هتشوفك ملكش قيمة . ناس هتشوفك جدع و بالنسبه لناس تانية مبتعبرش حد .قيمتك الحقيقية بتيجى من جواك من نظرتك ورضاك عن نفسك + محدش شاف تعبك ولا إنكسارك ' محدش قومك بعد وقعات تهد ' متخليش حد فالدنيا يقيمك ولا يوقفك عن حاجة نفسك توصلها ع تقدر تكمل و تنجح . حوّط نفسك بناس ناجحة و عندها حلم مش ناس تشدك لتحت ' ناس تدعمك ناس تنصحك م غير م تكسرك ناس ايجابية مش شايفة الدنيا كلها غامقة و سلبية .. ناس تعرف تشوف الحِلو فييك ♥️
فضلت طول عمري بسعى إن محدش يزعل مني ، ماخيبش ظن حد أعتمد عليا ، وماكسرش بخاطر حد حتى لو هاجي على نفسي ، بعدي وأسامح وأكتم حزني جوايا ، أكون الجدع دايماً مع أي حد يعاملني ، أشيل وأسند وأوفي وأخلص .. وفي النهاية أنا ماظلمتش حد غير نفسي ..
بحترم الإنسان اللي بيعرف يتخلص من أي علاقه بتتعبه وبتأذيه ، مابيعرفش يكابر في الغلط ولا يقاوح ولا يقول بكرة يتغيروا ، وعنده إيمان إن فيه ناس ماتستحقش فُرص تانية .. وحقيقي مفيش أحسن من الإنسان اللي بيقدر نفسه وشايف إن وجود الناس مهم ، لكن كرامته وعزة نفسه أهم منهم ..
حد قالي مرة متندفعش وتدي كُل الحلو اللي فيك لحد لإن مفيش حد بيُشكر وفي الآخر هتُبقا عملت زي ماعملتش .. بتمُر الأيام والسنين وأنا متجاهل كلامه وبضَحي وبتنازل وبتمسِك وباجي على نفسي مرة واتنين وألف وفي النهاية أكتشفت إن من بين كل العلاقات والتجارب اللي دخلتها طلعت فعلاً عملت زي ماعملتش ..
قيمتك انت اللي بتحددها ، اللي بيرضى بالذل الناس بتذله ، واللي بيرضى بالإهانة الناس بتهينه وبتلغي شخصيته ، واللي بيشتري كرامته ومابيسامحش فيها الناس تخاف تقِل منه .. أصل اللي بيشوف نفسه رخيص الناس هتشوفه غالي إزاي !
مابحبش أشيل كُره وعداوة لحد حتى لو خِلصت المحبة وانقطع الوِد وحتى لو الشخص دا أساء ليا في يوم من الأيام ، الله الغني عنه وعن حُبه وعن اللي كان بينا ، لكن صعب أحمّل نفسي كُره وعداوة لحد وأعيش بيهم لإني عايز أعيش في سلام وبسعى دايماً ل دة ♥️
ربنا يكفينا شر الناس قليلة الأصل ، الناس البياعة المنافقة اللي النبي عليه السلام قال فيهم وفي خصالهم : وإذا خاصم فجر .. الناس اللي كلت معانا عيش وملح ولما بعدوا عننا و خاصمونا عابونا وقالوا فينا اللي مش فينا ..
لكن طبع القسوة دا ليه ناسه فعلاً ، واحنا مهما حاولنا نقسى ، مبننجحش للأسف لإننا على الفطرة مش كدا وماتربناش على دا ! وحقيقي رحم الله كل امرئ هين لين ..
شوف أنا شخص بيصعب عليه الناس ، وبيحط نفسه مكانهم ، وبيراعي ظروفهم ، وبيراجع كلامه مرة واتنين وألف قبل مايقوله ، وبيتأسف لو حس إنه غلط في حق حد ، لكن ولا مرة ولا مرة حصلي حاجة من اللي بعملها لغيري !
لو في شخص مسيحي اتبرع بـ 20 مليون دولار لمؤسسه تعتني بالايتام / ما موقف الدين الاسلامي منه !!
هرد لأني لسه سامعها قريب وعجبتني ♥️ لو في واحد مش متسجل ف الجامعه انه طالب واشتري الكتب وراجع المواد المطلوبه ف الامتحان مش هينجح الا لم يتسجل ف الجامعه انه طالب . ف ال عايز يعمل عمل صالح لن يُتقبل منه ومش هياخد ثواب عمله الا ام يعتنق الاسلام .. " ومن يتبع غير الاسلام ديناً فلن يقبل منه وهو ف الأخره من الخاسرين "