دكتور نده عليا وانا ف المحاضرة وقفت قالى انت احمد قولتله اه قالى اقعد تخيلى بقا تقعدى تلات ساعات ف محاضرة مش عارف انا نيلت ايه والعيال مسكنى بقا عملت ايه نيلت ايه ووشى احمر وحاجه طين وفى اخر المحاضرة اما خرج سالته انا عملت ايه قالى مفيش انت جايب اعلى درجه ف الميدتيرم ما يتنيل يقول من الاول او ميندهش احسن بدل التوتر اللى عيشهولى ده 😂
ف بعض الناس بتتغير لما بتزهق من الشخص وبتعرف كل حاجه عنه ف بتحس بالملل منه وبتبقي عايزه تشوف شخص جديد وتكرر نفس الدايره تاني مع اشخاص تانيين.
.. وممكن ناس تانيه تتغير نتيجه تغير الشخص معاها ف معاملته.
رأيي أن في أكتر من حاله
١- أن الشخص دا من البداية كدا لكن أنت بس اللي مكنتش تعرفه كويس.
٢-أن الشخص اتغير فعلا و دا ليه أسباب كتير منها أن الشخص يكون شايفك أنت اتغيرت معاه لأن كل واحد بيشوف الموضوع من وجهة نظره هو
٣-ممكن يكون شخص مش بيعرف يعبر عن نفسه كويس زيي كدا
في مقولة بتقول تحرك فلم تخلق شجرة ..و التغيير دا من رحمة ربنا لينا ..و مفيش حاجه بتفضل ع حالها التغيير مطلوب ..الناس بتتغير من الدنيا و تقلبتها ..ف ناس بتتخذل و بتتعلم من الخذلان دا و بتتغير للأقوي
مشاعر الناس بتتغير بمرور الوقت فى اللى بيتغير علشان شاف اللى احسن منك وفى اللى بيتغير من غير سبب فى ناس قليله الاصل مهما تعمل لهم ميقدروش وفى ناس اصيله تفتكرلك كل حاجه حلوة عملتهلهم بس مفيش اصعب من ان اقرب الناس ليك يتغيروا معاك انت/ى شايف الناس بتتغير ليه؟
انا بحمد ربنا اني دخلت جامعه خاصه تقريبًا كل اللي فيها نفس الطبقه ونفس الفِكر مع اختلافات بسيطه ممكن التعايش معاها مش عارف لو دخلت جامعه عاديه واتعاملت مع معظم طبقات الشعب الجاهِل المتُخلف ده كان ممكن يجيلي ايه ولو دي نرجسيه انا نرجسي عادي جدًا
دا كلام ف حد ذاته طالع من واحد متخلف فعلا ثم الطبقه اللى بتقول عليها دى ميشرفهاش يكون فيها عيل ناقص زيك 😉
ف حياه كل واحد فينا واحد بيعملنا كل حاجه وواقف جنبنا ع طول مابنحسش بيه عشان هو ع طول جنبنا ومبيشتكيش اننا مش جنبه .. ع طول بيعملنا كل حاجه لمجرد انه بيحبنا وعايز يبقي جنبنا .. بس الحد ده هيجيلو وقت ويفيض بيه .. حافظوا عليه لو لسه موجود ف حياتكم 💙
الاهتمام دا فعلا له ناسه مش اى حد تهتم بيه وتديله اكبر من حجمه لان فى ناس هتقدر اهتمامك ده وفى ناس هيبقى عندهم اهتمامك ده ولا له تلاتين لزمه فلو انت مهتم بحد وشايف انه مش مقدر دا يبقى متشغلش بالك بيه تانى بدل ما تتعب انت نفسيا