بما انتس فتحتي الموضوع فتحملي فلسفتي شويتين .. تقولين وش الصداقة اقولتس ان الصداقه يعني صادق صديقا صادقا في صدقه صدق الصداقة -امزح امزح معتس يابنت- الزبده الصداقة يعني اول شيء تفهمين صديقتك . وبعدين تتقبلين السلبيات الموجوده فيها. ومافي شيء بالصداقة مهم قد ما -الاهتمام- مهم . النصح والمعاتبه شيء جميل بالصداقة . والاجمل من هذا كله الهدايا من الصديقه طعم ثاني . ايه وجدتها .
لما يقارني بغيري ، يعني قسم بالله اسلوب المقارنه ابد ابد ابد مو شيء جميل لان كل شخص مختلف عن الشخص الثاني ، طيب كل واحد وله قدراته وظروفه ، ولا بعد يمكن اكرهه اكثر اذا كان كمعاتبه او نصح ترا قسم بالله انتي تسوين شيء مو خير وشيء سلبي صدقيني . معليش شوي ارتقوا شوي بس شوي بالله !!!!
رغد اقرب صديقة لي ، تحب السلام ومتعاونه جدا ، سعادتي اني اجلس معها وتسولف علي ): ، قلبها اكبر مثال عن الطيبه -كيف بس التعبير- الزبدة اتمنى اكمل باقي سنوات دراستي معها وياليت حتى بعد الدراسه ، استشيرها في اشياء كثيره، رغد حبيبتي اللي احبها وتحبني والسلام ):
ابتهال الخبله ): اكثر انسانه تضحكني بحركاتتها واسلوبها وكلامها ، عادي جدا تضحك معتس وبنفس الدقيقة تنفس بوجهتس ، احبها جدا جدا جدا ، يعجبني تنكسها ، دايم اتعوذ من شر حماسها -ما اتعوذ بس يعني اقول من الهول يعني- الزبدة تعجبني اذا قعدت تتفلسف على احد و بس ):
لمياء فتاة وجهها عكس تفكيرها لا تسألين ليه لانك تعرفين ! ولمياء فتاة تنحب بسرعه ماشاء الله وش زينها بس لو ماتكشر بوجهي اذا ابتسمت لها كان تصير اجمل انسانه في العالم كلوه ، تطق الميانه بأول محادثة ، و و بس ):