Ask @moathabusaraya:

_🖤⚘

|| مَرام ||
بيوم وليلة كل اشي بتغير م بتقدر تحكي عن اشي مستحيل
ممكن يجي اليوم يلي يكون فيه عدوك هو صديقك وبالعكس
تكون بمكان م خطر عبالك ، مع حدا بعمرك م فكرت فيه
بفرع م كان طموحك ، بوظيفة م تخيلت توصللها
الدنيا هيك ، وحكمة ربنا هي يلي بترتب أيامنا
- سُبحان مُقلّب القلوب ، ومُغيّر مقامات الناس في قلوبنا 🖤👌

View more

-

♡︎ anwar ahmed シ
لسّا حياتي م بلّشت، عمري 16 سنة، كان عندي أحلام كبيرة بدي أحققّها، كنت ناوي أطلع دكتور، أو طيّار، بس فجأة إيدي يلي كل احلامي بتعتمد عليهم راحوا، عيني اليمين راحت، ضل عيني الشمال ويمكن م أشوف فيها، حياتي كلها خلّصت بدري، امنياتي وطموحاتي تكسّرت قدامي!
بأبشع الطّرق وبدون أي رحمه، انخطفت وانضربت واتقطعت إيدي وتفقعّوا عيوني، قعدت على الطّريق وأنا بفكّر شو عملت؟
شو سويت ذنب استحق عليه كل هالعذاب، ليش أحمل وزر أبوي، ليش اتحاسب ع خطأ غيري غِلطه!
لو قتَلني كان أهون علي بمليون مرّة إني أعيش باقي عُمري بروح مكسورة وجسَد مُعاق، كان ذنب المحيط، ذنب أهلي، ذنب شَخص مقضي عيشته بالسّجون!
كلهم عايشين وصحتهم فيهم، م في غيري يلي كان ضحية ذنوبهم، الطّيار صار بدون إيدين، والدكتور م عنده رؤيه، بتمنى القانون م يصير بدون ضمير وينصفني 🖤

View more

مشاعر .....✨🌼

نآاي|•سكون
تفاصيل غيابك ..
معقول انت مفكرني بلحق شويّة مشاعر م كانت اتجاهي ؟! بالرغم من كل هالسنين !
"للأسف انت حتى م قدّرت تعرفني"
كنت بخاف اخسرك اه، و خسرتك! الحقيقة كانت موجودة بالتفاصيل، انت كنت هامش الخسارة أمّا الخسارة الحقيقية بترجع لأيامي، لمشاعري، للمليون كلمة حُبْ طلعت للحدا الغلط، وم ضل في انت ، لأن بالنهاية الكل رح يخسر بعض الموت م بترك حدا لحدا
انا خسرت اللهفة ب دقات قلبي، حتى بشّك اذا في قلب بدّق اصلاً، خسرت الثقة يلي كنت بعطيها لأي حدا برتاحلّو ، رصيد الثقة عندي صار تحت الصفر !
هي و هو و انت والكل تحت محك الغدر ، خليت الوجع ادمان بروحي مثل يلي غرقان ببحر قهوة مُر ، كان حبنا شويّة أيام بس هالأيام صارو عُمر 🖤👌

View more

-

R.
للتذكير بس
العلاقات كلها تحت أي مسمى
انخلقت عشان تكون مرتاح ومتطمن ومتأكد وواثق إنك م رح تصحى بيوم من الأيام وتلاقي هالشخص رايح
وعشان تفهم قديش الحياة سهلة وأي مشكلة مهما كانت ممكن تنحل بوجود شخص بيهوّن عليك
العلاقات السوية قائمة ع الحنية والتفاهم مش إنك تكون مضطر تدافع عن حالك وعن حُبك بكل مرة
- لما نكتشف إنو العالم مليان تعقيدات رح تكون هاي العلاقة وهااذ الشخص بالذات حضن دافي قادر يحتوي ويهون ع طول وبكل مرة 🖤👌

View more

-💕

كون ممتن لكل المرات يلي اتخطيت فيها نوبات الخوف لوحدك ، وقدرت تنظم أنفاسك السريعة وطلعت كل الأفكار يلي بتلف حولين رقبتك تخنقك
كون ممتن لكل الأوقات يلي شفت فيها أكبر أحلامك بتنهار قدامك ، وقدرت تتماسك وتتعافى وترجع تحاول
كون ممتن لكل الخيارات الكبيرة والصغيرة يلي اخترتها لوحدك ، و كل الطرق يلي مشيتها بلا رفيق
كون ممتن إنك بعد كل هاذ اتعلمت كيف تستقبل الصدمات وتقاوم وتوقف عن العياط وترجع تتوازن
كون ممتن إنك صرت قوي وعرفت كيف تمشي وتشق الطريق الصعب ب إرادتك
- كون ممتن إنك أنت 🖤👌

View more

- گلآمـ عآبر💚(:

MANAR
القلب عادةً م بقدر يشيل لحاله
خصوصاً الفرح الزايد والحب الحقيقي والمشاعر الكبيرة بشكل عام
بخلي باقي الجسم يشاركه ويشيل معه
ف بنلاقيه بظهر تلقائياً بنظرة أو نبرة او لمعة عيونّا أو ملامح وجهنا
الناس يلي بتحب وبتنحب عن جد ببين عليها ، والناس يلي بتكره كمان ببين عليها
يلي بيعيش لحظات سعادة عيونه بتنطق بفرحته
والحزين مهما حاول يداري حزنه م رح يقدر
ف م تضغط ع قلبك ، وأعطي مساحة لمشاعرك إنها تعيش برا وجوا ، أعطي مشاعرك حقها عشان م تيجي تفرح بالوقت الغلط وتكتئب وتزعل بأكثر وقت مفروض تفرح فيه وتضيع ع حالك مشاعر ولحظات حلوة كنت تستناها
بلا م يكون عنا حول بمشاعرنا ي جماعة
- بطلوا تخبوا مشاعركم وتظهروا عكسها ، لأنه كل جزء بجسمك رح يفضحك 🖤👌

View more

‏يقول أحدهم أحببتُ شخصًا لا يُبادلني نفس الشعُور وأحبني شخص لا أُبادله نفس الشعُور ، لا أعلم أيُهما أسوأ ان أكون مكسورًا أو أكسر روحاً؟!

♡︎ anwar ahmed シ
لما حبيت شخص م كان يبادلني نفس الشعور : ضليت خايف كل الوقت أنه يجي يوم ويتركني
هاذ الخوف يلّي بياكل من الانسان ، يلّي م بِخلّيه يعرف يعمل أبسط اشي
لا بِخلّيه قادر ينام بشكل مريح ولا قادر يضحك ، حتى لحظات الحب والحنية بين الثنين بِكون الخوف بينقص من صدقها
ولما اجى اليوم وكسرني ، حسيت اني تحررت ، بغض النظر عن مشاعر الحب ، بس الخوف كان يسحب من طاقتي ، ولما راح بطلت خايف
( احساس الامان وانا لحالي اهم بكثير من الخوف يلي كان يشاركني فيه )
- ولما حبني شخص م كنت ابادله نفس الشعور : م كنت قد وجودي بحياته ، دخلت خربتله حياته ومشيت وتخليت وتركته مع أفكاره ، خليته يكره حاله بدل المره مليون ، وم كنت خفيف بحياته كنت مثل الصخره ع قلبه
بصراحة م بعرف أي الشعورين أصعب لانه م في تمييز بينهم ، ع الجهتين الندم موجود 😅🖤

View more

_🌵

Nadia
م بنختلف ع حقيقة انه انا وانت ربحنا ،
اه ربحنا ، بس م ربحنا بعض
انا وانت ربحنا البُعد وربحنا الوجع ، مرات الحياة بتنصفنا لنعرف قيمة كل اشي راح
انا متأكد انك عرفت قيمتي وانا م بمر يوم بلا م اشتاقلك
- مش دايماً بكون الربح حلو ، مرات الربح بكون موت 🖤👌
#3_years

View more

ما قيمه أن أعرف ما يجب عمله ما دمت لا أستطيعه؟🍂

نآاي|•سكون
م في اشي اسمه م بقدر ( م بستطيع)
وم في اشي اسمه مستحيل
هاي المسميات نوجدت لتعدم رغبتنا بتحقيق احلامنا ولتخلينا واقفين مكانا
والمحاولات م نخلقت عبث ، نخلقت لنجرب
- نستطيع أن نقول اننا لا نقوى ع فعل شيء ما ، بعد تجربتنا للمره الالف 🖤👌

View more

-⁦♡

اليوسفيهــــــ
الحياة مش مسؤوليتها تصحّيك عن الغلط مرّة ثانية
يعني التجربة يلّي سببتلك صدمة ، أملك اللي زرعته بالمكان الغلط ، الثقة اللي انعطت لحدا م بستحقها ، خسارتك لشخص منيح ، ذكرياتك اللي بتوجّعك ، شو استفدت منهم !؟
الحياة هون م بتقدر تقول عنها قاسية ، بتقدر تكون صريح مع حالك وتقول أنك أنت م بتتعلّم وم نضجت بشكل صح
التجربة اللي مرقت فيها ، طاقتك ومجهودك اللي قدمتهم ، خيبة أملك ، بقدروا يعلّموك من المرة الأولى
الحياة بسيطة كثير ، مشكلتها م بتستناك تاخذ قرارك لتصحى وتقرر تتعلّم من غلطك
- ف م تعطيها فرصة تكسرك 🖤👌

View more

بتعرف يا معاذ لازم صفحتك تكون من أكبر الصفحات الموجوده ف الاسك... على ئد ما كتاباتك حلوين وردودك سفاحه🎉🌼

م بكتب عشان اكبر صفحتي او عشان اللايكات
انا بكتب عشان حالي لانه اكثر اشي بريحني هو الكتابه
وعندي صفحه ع الفيس فيها 100k متابع وبرضو م بنشر فيها باسمي
بحب تكون كتاباتي حره مش مقيده باسمي 🖤

View more

"القطار فاتك" على قولتهم، مش ضروري تتخرج من الثانوي بعمر ١٨ و تتخرج من الجامعة بعمر ٢٢ سنة و لا ضروري حتى تتزوج اول ما تتخرج، كل شخص في قطاره الخاص فيه.

sjood t a r w n e h
في اقتباس بقول :
" لا توجد اختصارات لأي وجهة تستحق أن تذهب إليها ، عليك المرور في الوحل إن كان في سكتك وحلاً ، واحتمال وحشة الطريق إن كنت تقطعه وحدك ، كل الوعود بالوصول مبكراً ستضلك لن تصل إلا في وقتك "
- لهيك مش مستعجل ، كل محاولات سباق الزمن م رح تغنيني ، رح اوصل بوقتي 🖤👌

View more

Śpáćé💛

ᕼᏆᗷᗩ
لو سمحت لا تختبر قدرتي ع الفقد والتجاوز ، صدقني مش رح توقّف عندك ، بطلت قادر أخلي بحياتي أي حدا عنده إستعداد يضغطني بأي شكل
بدّك تلف وتدور ، م بدك ترد ع مسجاتي ، بدك تتغير ، رح تتحجج بشغلات مش مفهومة ، غير ملموسة ، بدك أنسحب بشكل تدريجي ؟! رح تلاقيني بضحكلك وبدعس عليك وبمشي
" بهوّن عليك بدك تهوّن عليّ " ، الحياة صعبة بما يكفي وأنا تعوّدت أتخلص من أعبائي أول بأول
- أي حدا بتعامل معي ع إني عبئ أو ثقيل عليه ، بريّح حالي وبريّحه بدون أي تفكير 🖤👌

View more

🎻

تناقُضات كبيرة بعيش فيها بشخصيتي، بحب أكون غامِض وم حدا يعرف عنّي اشي بس فجأة بلاقي إنه بحكي كلشي بخصني لكل يلي حوَلي ، بنزل ستوري وين بطلَع ومع مين وبدون أي سبب يذكر!
ما بحب العلاقات الاجتماعية وبمِل بسرعةُ لما حدا يقضّي معي وقت طويل، ورغم هيك بتعرّف عناس وبورجيهم إني اجتماعي وشخص محبوب وبضل أهتم فيهم بطريقة عفوية، متناقِض بقراراتي واختياراتي، بحبّي وكرهُي، حتّى المكان يلي أنا فضّلته، بطّلت اعرف إذا كان مناسِب إلي أو لا!
أنا شخصين بجسَد واحد ، كل واحد منهم شايف إنه هو الصّح، والاثنين أسوأ من بَعض 🖤

View more

لـِ معاذ ..♥️🌻

Nour Smreen
انا حدا اذا بدي اترك اشي للأبد واروح ، مستحيل ارجع ألقي نظرة اخيرة عليه لانه النظرة هاي بتسببلي رغبة بالنظر اكثر ، وبالتعمق ، وبالوصول ل مرحلة بتمنحني اني ارجع واعطي فرصه كمان مره
- بكل شؤون حياتي بحب اغادر بهدوء من كل الأماكن اللي بشعر بأنها بطلت تتسعلي من دون وداع ، الوداع بقيدني 🖤👌

View more

Space🍂

| شــيــريـن | ✨şirin
غالبا أحساس الناس م بِخيب وبقدروا يميّزوا اللي حكاه فلان هو طالع من قلبه او لا وحتى بقدروا يميّزوا شو في من وراه
أي مشاعر بتقدّمها ل الناس ب طريقة " أداء الواجب " بتكون محسوسة ومكشوفة
- مش مرحب بأي سؤال أو تقدير او اهتمام ، إذا كان مشحود أو غصب عن صاحبه 🖤👌

View more

-

سُعَادْ.
قديش البني آدم بحتاج وقت وجهد ومواقف عشان يقدر يبني صلابة نفسية
يعود حاله يسمع كلمة مش متوقعه من شخص بحبه ، ويقدر يكمل عادي وم يعلق باللحظة
أو مثلاً يقدر يتعامل بسهولة ومرونة مع ردات الفعل يلي بتترك بداخله أثر صعب ينتسى
قديش بحاجة يدرب الإنسان مشاعره ع التجاوز وع الأعذار والتقدير
أو الأهم يدرب حاله ع القمة والقاع
بلحظة ممكن تكون بقمة السعادة وبلحظة بقاع اليأس
هاذ الهبوط مؤلم ومفاجىء وبدو قدرة كبيرة ع التحمل
احنا بحاجة كل فترة نختبر مدى هشاشتنا ، نختبر قديش ممكن نصمد قدام الخيبة والخذلان
ونرجع نعيد ترتيب الأشخاص بحياتنا بالطريقة اللي بتتوافق مع سلامتنا النفسية
احنا بحاجة نوصل لمرحلة الصلابة
- م بدنا قلوبنا تتحجر بس بدنا تصد الوجع بقوة لبرا 🖤👌

View more

لِـ حروفِگ 🖤

Khaled Alakash
أنا من الناس المريحة وإللي بتحب تريّح إللي حواليها
بمعنى : بدك تروح مش رح أعاتبك ، عملت أنفولو مش رح اسألك ليش ، سكتت ؟! رح أحترم سكوتك ، بدك تحكي رح أسمعك وإذا احتجتني رح تلاقيني والله
- بحترم اختياراتك وقراراتك جداً بس خلّيك قدها 🖤👌

View more

Next