لما أى حته فى جسمك تبقى تعباك بتبقى أنت الوحيد اللى عارف والناس مش حاسه، بس لما بتبقى تعبان فى دماغك للأسف بتكون تَعِبنا كلنا حواليك وأنت الوحيد اللى مش حاسس🌝🤭
أنا لو بحب شخص وبحب عيلته وأخواته أوي بحسهم أهلي أوي ومتعلقه بيهم معرفش الشعور ده ليه مسيطر عليا جدا وهو أصلا مايعرفنيش ! ده ذنب عليا وأنا ليه بتعذب بكده أصلا رغم أني غاضه بصري!
98% من مشاكلي هتتحل لو بقى معايا مليون دولار هتقولي طب هيا جت على 2% الباقيين دول ؟ هقولك عشان الفلوس مش كل حاجة لأحسن تكون فاكرني شخص مادي لا سمح الله
إوعوا تستهتروا بالحسد ياجماعة ده لو حسدوك علي أي حاجة بتحبها و فرحان بيها هتكرهها و تفقد شغفك وعقلك بيها...لو حسدوك علي علاقة هتنتهي بشكل أغرب من خيالك بسرعة الصاروخ...لو حسدوك علي نشاطك و حركتك و شقاوتك هتتفاجئ إنك بقيت إنسان خامل أقرب للشيخوخة منك للشباب...لو حسدوك علي صحتك هتزور دكاترة مكنتش تتخيل توصلهم في يوم من الأيام...يا أخي ده حتي علاقتك بربنا وعبادتك وإلتزامك بيحسدوك عليها...لو حسدوك على شغلك بيتك هيتخرب...لو حسدوك على أكلك وشربك مش هتلاقي تاكل...الحسد بيقتل و يمرض و يخرب بيوت و يدمر فرحة...تخيلوا إن الحسد أقوي من السحر في تأثيره...إقفلوا شوية علي أسراركم والحاجات اللي بتفرحكم لأن للأسف بتكون في ناس قاعدة مترصداك و بتتمني زوال النعمة و الفرحة منك عشان تهدي نارها...وإسأل مجرب ولا تسأل طبيب ولا حول ولاقوة الا بالله
الناس كاتبة ومشيرة بوستات عن عيد الحب دا بجد ولا النت مهنج...طب حبوا الخير لبعض الأول وبطلوا سواد وقرف ونضفوا الجحيم اللي جواكم وبعدين إبقوا إتكلموا عن الحب
ولسوف يعطيك ربك فترضي...ركز كدا فكلمة سوف يعني رغم كل النعم اللي عندك لسه وقت العطايا ماجاش كمل الأية هتلاقي ربنا بيقولك العطايا كمان مش كدا وخلاص دا لحد الرضي واللام في أول الكلام للتأكيد😊...هيطلع واحد محنك يقولي إزاي بتتكلم عن أية فالقرأن فظل الظروف اللي إحنا فيها دي
يا رب الوقت ده السنة الجايَّة يكون معايا شخص
بايع الكُل ومش شاري غيري ، واحَن عليَّا مني..
يكون زي ما بتمنىٰ وأفضل وأرتضيه دينًا وخُلقًا وخَلقًا ، ولا أمن علىٰ نفسي إلا معه ولا أأنس إلا به ولا أجد في غيره
ما أجد فيه..
يا رب يكون جبرٌ وعوض عظيم علىٰ هيئة إنسان ،
ولا يُضيع كِلانا الأخر أبدًا 💙
الأيام علمتني قبل ماتتعامل مع الناس حلفهم عالمصحف إنهم مش هيطلعوا أوساخ ورخاص زي اللي قبلهم عشان لما يطلعوا زي مانت متخيل تتقابلوا قدام وجه كريم كظالم ومظلوم
السعادة هي شكل أخر من أشكال الحزن...إستني هفهمك يعني مثلا حاجة فرحتك أوي وخسرت الحاجة دي هتفضل مبسوط ولا هتحزن...طب بلاش شخص ما كنت بتحس معاه بالسعادة وفقدت الشخص دا بأي شكل من الأشكال الذكريات اللي هتفتكرها هتبسطك ولا هتحزنك عشان بقت مجرد ذكريات....يبقي الحزن هو الشئ الكبير جواه دايرة صغيرة بتحصل علي فترات وتخلص....أنا أسف
هو إنت مفكر إن الشرير في أخر قصتك هيجي يعتزرلك زي الأفلام الأبيض وأسود ويقولك معلش أنا غلطت فكذا وأذيتك فكذا الناس المؤذية ديما فاكرين إنهم علي حق وإن كل تصرف له تبرير...فمساء الخير وكدا
كلنا نعرف باتمان أهو باتمان دا له عدو وخصم معروف جدا إسمه الجوكر كان من مبادئ باتمان إنه مايقتلش حد كل اللي بيعمله يمسكه يرميه فالسجن أو المصحة وخلاص وكان الجوكر يهرب وبيستمتع بتعذيب باتمان بالشر فكان بينهم شبه إتفاق ضمني إنهم مايخلصوش علي بعض وفضلت اللعبة كل واحد فيهم يعلي عالتاني لغاية ماوصلت المرحلة إن كل واحد بقي حافظ التاني وبقوا أصحاب وإنتحر الجوكر لإن عدوه خلاص مابقاش عدو وباتمان تصالح مع نفسه إن خصمه مابقاش علي المستوي المطلوب....🙂
إنت متخيل إن ربنا بيعاملك وبيديلك عالسلكان مش مصدقني صح...لو مش مصدقني يبقي إنت مركزتش في حديث النبي صل الله عليه وسلم لما قال إنما الأعمال بالنيات وإنما لكل إمرئ ما نوي...إسلكوا لتهلكوا