بلاش تنازل عن ٱصولك ودينك عشان يبان ٱنك روش مفيش حد ملفت قد البني آدم المحترم.
يعني ولا معاك فلوس ولا عقارات ولا عندك بزنس ولا في وظيفة مرتبها كبير,ليه زعلان و خايف من المستقبل؟ ٱنت المفروض المستقبل يخاف منك
اللى يلاقى حد يشجعه فى الوقت ده,ويسقفله على الحاجات البسيطة اللى بيعملها,وواقف جنبه فى ٱى وقت يحتاجه فيه'ويطبطب ويهون ويحس ويفهم' ده لازم يمسك فيه بإيديه وسنانه,دلوقتى الكل متحاوط بهموم ومشاكل وضغوطات وجو عام ماليان بالغدر والخذلان و الكل بدٱ يقول يالا نفسى ف اللى يحطك مع نفسه ويستثنيك و الحياة والظروف متغيروش ، ده جوهرة وكنز كبير، لازم تشيله فى عنيك وتحافظ عليه لانه لو راح منك مش هيتعوض تانى.
دايما هتلاقي مشكلتك كلها ف المبالغة,المبالغة ف مشاعرك,
وإهتمامك,المبالغة ف العطاء اللي ممكن تغرق بيه الشخص اللي معاك من غير ما يطلب,ومهما كان اللي بتقدمه ده كتير,مع الوقت هيبقى هو الحد الأدنى اللي انت مُطالب بيه ولازم تبقى عارف وجود الأشخاص ف حياتنا مش مرتبط أبدا باللي بنقدمه ليهم ف ممكن يمشوا رغم كل المحاولات,وبرضه ممكن يفضلوا بدون أي مجهود,وزي ما بيتقال "لا تبالغ في التطوع فيُفرض".
مخبيش عليكم يا جماعة
ٱنا بحب دماغي ٱوي,وبحب ٱني عايش فـ الطراوة كدا معرفش مين بيتكلم فـ ٱيه ولا مين بيكرهني ولا مين قصده يضايقني أنت بتحبني حبيبي والله خد حب كبير مش بتحبني خد حب كبير بردو و بكرة تحبني عشان ٱنا مأذتكش المفروض الانسان يصحى يدور ع الروقان و يكلم ناس رايقة بيحبها و بتحبه
فِكرة إنك تكلمني وتحاول تعتذرلي عن حاجة إنتَ عملتها وضايقتني,فدي كبيرة قوي عندي,ومُستحيل أتعامل معاك على إنّك مُخطأ,أنا الموضوع بالنسبة ليا اتنسى وانتهى في اللحظة اللي حسيت فيها منك إن زعلي فارق معاك وإنك مقدّرني بشكل كافي,أنا شخصية بسيطة جدًا ويكفيني إن اللي قُدامي يقدرني.
الناس بتحسدنا على حياتنا اللي ٱحنا ٱصلًا بنبذل مجهود كبير عشان نظهرها قدامهم مُتماسكة ومش مُنهارة,لكن الحقيقة ٱنّهم ما يعرفوش ٱن الضحكة اللي بيحسدونا عليها دي كان في قبلها مُعاناة لأيام وشهور وسنين,ما يعرفوش ٱن الصورة اللي خدناها على غفلة دي كانت ٱول خروجة لينا بعد فترة ٱكتئاب ما حدش يعرف عنها حاجة, صدقوني اللي ورا الكواليس يخُض والواحد فعلًا بيجاهد عشان يكمل يومه.
الدُنيا ما بتمشيش على خط وٱحد ودوام الحال من المُحال,ٱيام هتبقى مبسوط وٱيام تانية هتبقى حزين,ٱيام هتبكي من الفرح وأيام هتبكي من الحُزن,ٱيام هتضحك من قلبك وٱيام هتشتاق لصوت ضحكتك,فربنا يكفينا شر الدُنيا ويعطينا خيرها,ويحمينا من تقلُّبات الزمن وغدر الناس,ويبعدنا عن الذنوب والمعاصي ويحفظنا من شر الغفلة وفواجع الأقدار.
هييجي عليك وقت وهتتحوّل حرفيًا,لا هتعاتب ولا هتجادل,لا هتفتقد حد,ولا هتدور على حـد,اللي هيكلمك هترد عليه, واللي هيبعد عنك مش هتسأل عن سبب بُعده,هتسمع كلام مش عاجبك لكن مش هترد وده لا ضعف منك ولا معناه إن الكلام ما بقاش يأثر فيك..بس هتحس إنك أكبر من إنك ترد على شوية كلام سـخيف من شخص أسخف,وإن راحتك وسلامك النفسي أهم بكتير من إنّك تجادل حد مالوش قيمة.
+ 1 💬 message
read all
الناس اللي نازلة شغلها ومقريفة عشان الأجازة خلصت متنساش وأنت راجع شغلك تحمد ربنا أنه بيرزقك وبيراضيك واتأكد بس إن في ناس عدا عليهم العيد في ضيق بسبب إن معندهمش نفس الفرصة اللي عندك فادعي ربنا بعدم زوال النعمة وادعي لأخواتك ربنا يرزقهم ويغنيهم بحلاله عن حرامه