فِكرة إنك تكلمني وتحاول تعتذرلي عن حاجة إنتَ عملتها وضايقتني,فدي كبيرة قوي عندي,ومُستحيل أتعامل معاك على إنّك مُخطأ,أنا الموضوع بالنسبة ليا اتنسى وانتهى في اللحظة اللي حسيت فيها منك إن زعلي فارق معاك وإنك مقدّرني بشكل كافي,أنا شخصية بسيطة جدًا ويكفيني إن اللي قُدامي يقدرني.
الناس بتحسدنا على حياتنا اللي ٱحنا ٱصلًا بنبذل مجهود كبير عشان نظهرها قدامهم مُتماسكة ومش مُنهارة,لكن الحقيقة ٱنّهم ما يعرفوش ٱن الضحكة اللي بيحسدونا عليها دي كان في قبلها مُعاناة لأيام وشهور وسنين,ما يعرفوش ٱن الصورة اللي خدناها على غفلة دي كانت ٱول خروجة لينا بعد فترة ٱكتئاب ما حدش يعرف عنها حاجة, صدقوني اللي ورا الكواليس يخُض والواحد فعلًا بيجاهد عشان يكمل يومه.
الدُنيا ما بتمشيش على خط وٱحد ودوام الحال من المُحال,ٱيام هتبقى مبسوط وٱيام تانية هتبقى حزين,ٱيام هتبكي من الفرح وأيام هتبكي من الحُزن,ٱيام هتضحك من قلبك وٱيام هتشتاق لصوت ضحكتك,فربنا يكفينا شر الدُنيا ويعطينا خيرها,ويحمينا من تقلُّبات الزمن وغدر الناس,ويبعدنا عن الذنوب والمعاصي ويحفظنا من شر الغفلة وفواجع الأقدار.
هييجي عليك وقت وهتتحوّل حرفيًا,لا هتعاتب ولا هتجادل,لا هتفتقد حد,ولا هتدور على حـد,اللي هيكلمك هترد عليه, واللي هيبعد عنك مش هتسأل عن سبب بُعده,هتسمع كلام مش عاجبك لكن مش هترد وده لا ضعف منك ولا معناه إن الكلام ما بقاش يأثر فيك..بس هتحس إنك أكبر من إنك ترد على شوية كلام سـخيف من شخص أسخف,وإن راحتك وسلامك النفسي أهم بكتير من إنّك تجادل حد مالوش قيمة.
+ 1 💬 message
read all
الناس اللي نازلة شغلها ومقريفة عشان الأجازة خلصت متنساش وأنت راجع شغلك تحمد ربنا أنه بيرزقك وبيراضيك واتأكد بس إن في ناس عدا عليهم العيد في ضيق بسبب إن معندهمش نفس الفرصة اللي عندك فادعي ربنا بعدم زوال النعمة وادعي لأخواتك ربنا يرزقهم ويغنيهم بحلاله عن حرامه
الحل الوحيد علشان ماتتجننش هو انك تعفو عن نفسك,تصدق إن فعلا مفيش حاجة في ايدك مهما حاولت تعمل كل حاجة صح وتخلي كل حاجة صح مفيش حاجة هاتمشي مظبوط غير لما ربنا يإذن.. مهما حاولت تساعد وتدعم وتصلّح وتوازن في النهاية "ليس لك من الأمر شيء قل إن الأمر كله لله"
كفاية محاولات مستميتة في إصلاح كل شيء ومحاولات انك تخلي كل حاجة احسن خليها تمشي زي ما تمشي وتيجي زي ما تيجي.. ومش مهم.
غالباً من كُتر ما بقيت بخسر اتحولت لـ good loser,بقيٰ عندي تسامح مع الخسارة عامةً,متقبل إني مش دايمًا هكسب ومش دايمًا هاخد اللي عايزه,ومش لازم خالص يكون فيه سبب منطقي,خساره تاني؟اوكيه هنزعل شويه وهتعدي برضو.
ٱنا بمر بفتره ٱسوا من صورتي ف البطاقه.
انا نفسي دماغي تريح دماغها
الدنيا بتعاملني بأتيتيود,انت؟ لأ انت لأ